أحدث المشاركات
النتائج 1 إلى 2 من 2

الموضوع: تحت جدار الحلم

  1. #1
    الصورة الرمزية عصام سامي ناجي قلم مشارك
    تاريخ التسجيل : Feb 2012
    المشاركات : 123
    المواضيع : 17
    الردود : 123
    المعدل اليومي : 0.04

    افتراضي تحت جدار الحلم

    بعت ليه كل اللي باقي من ملامحك
    بكره راح يرفض يسامحك
    حتى قلبك اللي
    كان دايما
    بيعزف
    فوق شراينه النشيد

    راح يعلن العصيان أكيد
    هيضخ في عروقك عزاه
    سبت ليه حلم اللي
    ضحوا بالحياة
    علشان أمالنا يتبنى
    صوت المرار لحنه نشاز

    عمال يطارد في الهنا

    ***

    تحت جدار الحلم
    هتلاقي الوصية
    الدم عمرة ما كان رخيص
    الدم ياطيور الظلام
    أغلي قضية

    لونوا بالمكياجات كل الوشوش
    قبل انتهاء أخر فصول المسرحية
    الزيف هيرحل من هنا
    والصبح راجع من جديد
    هيبوس علي جبين الشهيد
    وهيمحى أفكاركوا الغبية !
    @@@

  2. #2