حكايتي مع عيالاتي الموظفة والجالسة بقلمي

​هاذ المرا اللي جالسة في الدار
داخلة علي بالخطية
النسل بواحد بواحد امسربي يكثار
ماتخمم هذيك الزغبية
تكثر من لولاد خايفة من اضرار
مابين اصباح والعشية
عاطياها للنكير وانعاس بالتشخار
قصتي مع هاذ لولية
في التبذير سايقة شلا ياحضار
تشري القفطان وجلابية
ماضاربة حساب للزمان الغذار
تجمع افلوس شي شوية
اولادها يتضاربوا قدامها بالنهار
ماعرفت ليهم حيت بلدية
راجلها تقهر حار امعاها اوصبار
خايف تشير عليه بجنوية





هاذ الموظفة اللي اخوات الدار
ماتعرف اتطيب حتى ملوية
تحرك فلوسها باش تفدي الثار
حيت كتفيق في السروية
راتبها يمشي ف لباس أو العكار
تقول ماشي شغلك انت فية
لاتربية بناتها ربات من الصغار
هذي قصة ماتعاود هزلية


صغير فيهم يشتم في خوتو لكبار
باغي ينطحو بشي روسية
الراجل قفة ماسايق ليها اخبار

قل ولى قفة أوزيد العروية
اللي اتزوج الكالسة لازمو تحزار

الى ابغى منها الترقية
واللي تزوج موظفة قال لك اختار
عند بالو دار المزية

إذا لا خير في هذه ولا في تلك...
قصيدة ظريفة خفيفة الظل ـ وإن كانت اللغة المغربية العامية فيها بعض الصعوبة.
ولك شكري وتقديري.

أتمنى أخي الكريم أن أكون قد أمتعتك بالأدب الشعبي المغربي
بالعافية
تحياتي وتقديري