حــــــب .. لو .. كــــره ؟!
ما هو بشعورٍ ينوصف ...
ولا هو بحبٍ وأعترف ..
ولا هو بكرهٍ وأعلنه ...
والله وأحترت بين الوصف ؟!
*****
مرة سألوني :
وش هاذ الي ما ينوصف ؟!
قلت :
ياناس حدٍ يفسر من كلامي ويغترف ...
وش هو ألي ...
حبٍ وكرهٍ يسرن معا ً ..
مرج بحرين ويلتقن ...
بينهن برزخ ما يبغين ؟!
وش هو هاذ حب لو كره ؟؟
مرة أَحِسْن فيه حبٍ وأنجرف ..!!
ومرة أشوفن فيه كرهٍ وأنحرف ..!!
*****
قلت أسمع لقولي وأحكم بعد :
وش هو ألي ..
من يمر طرواه ..
أو يمر ضيفٍ على طيفي ..
أحس الشوق ينهجل شعوري ..
ويحرق القلب والحشا وياه ؟؟؟
ذا حبٍ بلا أختلاف ..
أتفقنا !!
زين أسمع ذا وأحكم بعد :
وش هو ألي ..
فيه أتمنى لو يمر ضيفٍ على طيفي ..
أحرم النوم من عيوني ولا أشوفن بعد بلواه ...
ولو بغيت أعد الأسامي
أعد كل الاسماء ألمابيها حروفه ...؟!
وذا أيش بيكون ..
غير كرهٍ بلا أختلاف ؟!
******
وهالحين ليت أهل العقل والشور ..
يعطوني النصيحة ..
وش هو الوصف ...
حب .. لو .. كره ؟؟
حب .. لو .. كره ؟!
ميــــــــــــــنا
1 / 3 / 2006