ساعات اغنى للوطن يطلع غنايا حزين
كل اما انادى ع الغنا يطلع غنايا انين
وساعات بتاخدنى الساعات لساعات
معرفش ايه قصدى ولاانا اطلع مين
*****
مكتوب عليا اعيش العمر يابلدنا وسط الغلابة
ساكنين فى عشة طين ع الترعة وسط الديابة
نندة عليكى ماتستجيبى ندانا ولاتردى
احنا ف بلدنا ولا احنا عيشين فى غابة
****
احلا الكلام قولته ف هواكى غنا ومواويل
وكل اما اغنى فيكى احس غنايا هزيل
العيب دا فيا ولا فيكى ولا ف مين
انا قولت انسا هواكى مالقيتش ليكى بديل
******
المعنى غالى والكلمة وجعانى
عايز اقولها ومش مطاوعانى
خايفة من ولدك ولا من مين؟
الكلمة وحدة وليها الف معانى
******
زارع فى قلبى الصبر ولا صابرنى
اندة عليه ف المحن عمرو ماعبرنى
الفين خسارة عليك ياصبر قلبى
بدل ماتصبر حالى انت محيرنى
**********
راخية الدلاال والحلوة متغندرة
بنت جميلة وطالعة م المندرة
شاورتلى وقالت تعالى
كل ماقدم خطوة الئينى برجع ورة
*********
ساعات اغنى للفرح يطرح غنايا انين
ساعات انادى ع الغنا يطلع غنايا ضنين
شاعر بحزنى وبغنى حزنى بربابة
بس مش كل الحزانا دايما يغنو حزين
************
انا هغنى ومين هيسمعنى
غنايا جوايا تعبان ملوعنى
اقوله اسكت شوية
يحرن ويلدعنى
*********
د.ابودنيا