وانا قاعدة على "بنشي "
معايا قلمي والكشكول
بافكر في اللي ناسيني
و باله عني انا مشغول
وباحلم إنه قدامي
وباحلم به كدا على طول
وباتخيل بانه جاي بيضحكلي
ورافع إيده بالمحمول
ورنه حلوة بسمعها
حبيبي لك انا على طول
وييجي بسرعه ويقوللي
حبيبتي بيكي أنا مشغول
و من حبك
انا عاشق انا مقتول
وهاجي وجيب لك الشبكة
ولابس بدلتي البيضا
وفستانك حرير مشغول
وفجأة طيفه قدامى
وانا غارقانه في التفكير
لمحته ماشي من جمبي
وقلبي نط م الفرحة
واقول جايلي وهايقولي
خلاص إنتي أسرتيني
ملكتي حياتي وسنيني
وفعلا جالى ونادانى
وقاللى : لحظة من فضلك
وهل ممكن وباستأذن بإنِّى آخد الكشكول
لان محاضرة فايتاني
راح اكتبها واجيبهولك
سكت شوية م الصدمة
وقولت في نفسي
ياااااااااااااااااه
.......... كشكول..؟!!
وانا اللي كنت مشتاقة
وولهانة
وفاكرة انه جاي يحكى
وْيسمعنى
كلام وغرام
ولو حتى الكلام معسول
وفوقت خلاص من الصدمة
وقولت خلاص .
خلاص لأ
مفيــش... كشـكول
مافيـش... كشـكول