--------------------------------------------------------------------------------
أربع حيطان
(الأهداء الخاص لكل كتاب العامية )
***********
أربع حيطان دولا ولا سجن غويط
تنهيدة دي طالعة ولابحر محيط
ودي ضحكة طالعة ولادي ندهة
ودا عقلك الصاحي ولافكرعبيط!
..
تسجن ماتسجن فينا
لسه الأمل موجود
لوتخنق الكلمة ولاياكلها الدود
أناأصلي جيتلك أمل
ماتردهوشي حدود
فياريت ياسوط الغشم
تعرف حدود ظلمك
وتعدي فوق الجسد
تلقي العصب مشدود!
..
أجمل مافي الإنسان النطق والرحمة
وانت اللي صوتك جي م العتمة
اوعاك تقول مننا لتدوسك الزحمة
يطلع صدي صوت اللي مات ظلما
بيرج عرش المظلومين زيه
أزرق دا لون جتته ولادالون زيه
..
أربع حيطان فيهم حكايا كتير
ادي ألف ليلة ولادي السيرة
وابوزيد سلامة ولادامغيرة
وداأدهم اللي لسه ماجلناش
هزيت هلالي لم أري نوره
ولقيت زباين كتير بتغير الأوشاش
.....
أربع حيطان مكتوب عليهم شعر
دا شعر بيرم والنديم خلو
فوانيس كتيرة لم قالت حالو
كرباج يصحي الميتين زيي
........
أربع حيطان متسمين بالسجن
إحنا اتسجنا جوة نفسينا
فما تطلبوش منهم يكونوا أحن
مستنيين يمكن يهل ربيع
ولايجوز يمكن يهل الجن
اربع حيطان مافيهمش شكل حياة
كل اللي فيهم ينطقوا بالآه
اذكر معايا ربنا ووحد
هو اللي قادر ولاحد غيره أحن
.......
إوعوا دموعكم مرة تغلبكم
وتحسوا إن الدموع
تشبه كتير سجني
وتعيشوا في مرارة
أربع حيطان للسجن!!