هجر الحبيب

أه يازمانى يازمانى يازمانى
ليه يازمانى يازمانى يازمانى
هجرت ضيفك ومشيت بكيفك
وبعت حبى وبقيت أنانى
غنيت لنفسك وبكيت لنفسك
ورجعت تانى تحق نفسك
ليه يازمانى
رميت بنفسى فى بحر حبك يازمانى
لطمنى موجك يازمانى يازمانى
وكل موجه وراها موجه أكبر وأعنف
والشط بيغرق يازمانى الشط بيغرق
ولقتنى بأغرق يازمانى لقتنى بأغرق
ليه بس تأسى ليه يازمانى تغضب وتعند
وتسيب حبايبك
وهجرت ضيفك ومشيت بكيفك
وبعت حبى وبقيت أنانى
غنيت لنفسك وبكيت لنفسك
ورجعت تانى تحق نفسك
ليه يازمانى
هجرتنى أيام وسنين
ورضيت وقلت دا المكتوب
تشهد عليا نجوم الليل
إنى مادقت فى بعدك نوم
بس إنت هجرك طال بيا
هى القلوب تأسى على طول
ليه هجرك طال
ليه بعدك طال
فين أحلى كلام فى الحب إنقال
فين قلبك راح فين إحكي لى
دا مفيش حبيبين زينا عايشين
فى الهجر سنين
دا الهجر شكانا لبعضينا
مش طايقه ياناس
دامكنش داكاس شربته
وطالت أيامه
لما الأيام تنادينى هقول
أنا جايه على طول
لابسه له توب الفرح ياناس
شايله له شموع منقاده
بفرحة قلبى ياناس
وهغنى وأقول
أنا قلبى لك مفتوح على طول
دا هيحكى كلام
مش كل الناس تفهم معناه
بحنانك رد لها الأحلام
عرفها إن الهجر خلاص
مايشاركناش أيامنا
أحلى الأيام
وإن شفت دموعى نزلين نزلين
صفين صفين على الخدين
وبيحكوا الماضى وعذابه
سبهم نازلين
وإقرا اللى تقوله دموع العين
دا هتحكى كلام
مش كل الناس تعرف معناه
بحنانك رد لها الأحلام
عرفها إن الهجر خلاص
ما يعاندناش مايشاركناش
أيامنا أحلى الأيام
وسبت الأيام بينى وبينك
صالحتنا بعد الهجر سنين
وأهى طلت شمسنا على الدنيا
وإحنا ساهيين
والناى غنى وعزف مواويل
ورقص قلبى رقصة مجانين
قام نادى وقال
أه من الأيام

الأستاذ الفاضل "عبد القادر شوقت"

بما إنك بابا ل"صابرين"
وأنا دايبة ف روحها بقالي سنين
والكدب يا بابا مالوش رجلين
فا انا لازم اقوللك
إن قصيدتك
ناقصاها شوية تلحين
أما الإحساس مالهوش كراس
مش عارفة إزاى جبته منين؟؟؟
وسلامي لقلبك دا كبيييييييييييييييييير
من كوم الديرب لشربين


إبنتك"لطيفة"
"أم حبيبة"

إحصائية العضو












الأستاذ الفاضل "عبد القادر شوقت"

بما إنك بابا ل"صابرين"
وأنا دايبة ف روحها بقالي سنين
والكدب يا بابا مالوش رجلين
فا انا لازم اقوللك
إن قصيدتك
ناقصاها شوية تلحين
أما الإحساس مالهوش كراس
مش عارفة إزاى جبته منين؟؟؟
وسلامي لقلبك دا كبيييييييييييييييييير
من كوم الديرب لشربين


إبنتك"لطيفة"

((انا اتفق مع (ام حبيبة) فى منطقة واختلف فى منطقة اخرى .
اما الاولى : وهى ان القصيدة ينقصها الكثير .
الثانية : اختلف معها فى ان الشاعر كتب هذه القصيدة وهو يغنيها او (بيدندنها).
وذلك واضح تماما فى (موسيقة تكرارية المفردة)

ابنك : شريف سيد صلاح

الى السادة الشعراء الذين أبدوا ملاحظاتهم والذين سيبدون ملاحظاتهم على قصيدة (هجر الحبيب ).
هذه القصيدة كتبت عام 1972 عندما كنت طالبا بالصف الثانى الثانوى وهى عبارة عن ( دندنة )
كما قال الشاعر الأستاذ /شريف وكان القصد منها أن تكون مشروعا لأغنية .
أشكر للجميع حسن المتابعة والنقد .... وكان بمخيلتى أن يكون النقد على نطاق أكبر من ذلك .
أخوكم
عبد القادر شوقت
المحامى

مرحباًبك عضواً جديداً فى واحة الخير والنماء
القصيدة جميلة والصور رائعة
لكن ينقصهاأشياء
نتمنى المزيد والمزيد من إبداعاتك
تقديرى واحترامى.......
إبنتك/صابرين