جزء من قصيدة :لله يا الشمعة
نظم محمد الشريف بن علي ولد ارزين
لله يا الشمعة سألتك*** ردي لي سآلي
اش بيك فالليالي تبكي ** مدامكي اشعيلة ؟
*****
علاش يا الشمعة تبكي *** ما طالت الليالي
وش بيك يالي تتهيء *** للبكا فكل ليالي
وعلاش كتباتي طول الديجان كتلالي
واش بيك يا لي ما رينا لك فالبكا مثيلة
علاش كتساهر داجك ما سهرو نجالي
واش بيك يالي وليتي من ذا البكا عليلة
وعلاش باكيا روعتي ناس لهوى امثالي
واش بيك يا لي تنصرفي بدموعك الهطيلة
وعلاش باكية مدالك للباكي وسالي
واشبيك يالي ظهّر حالك حالتى نحيلة
اذا نشوف لصفرارك يصفار لو خيالي
واذا نشوف لدبلتك زادت فخاطري دبيلة
*******
سألتك بالله عيد لي اش جرالك
وعلاش باكية مدا لك
واش كان قصتك واش نهوا داك
اش نهو داك باش رق خيالك
وكسا قامتك زلنحالك
وتبات باكيا لحبابك وعداك
لي دون خفا اشكي بما فدخالك
واحكي قصيتك نصغى لك
وانا قصيتي بها نتعدا
لو جيت يا الشمعة نحكي لك كل ما جرى لي
تنسى غرايبك وتسمعي لغريببي طويلة
اذا باكيا من نارك نيران في ادخالي
عدات كل نار فذاتي وجوارحي كميلة
واذا باكية باسقامك شوفي اسقام حالي
من قيس وارثو بعد فناه اسقام حب ليلى
واذا باكيا بفراقك مفروق عن اوصالي
وعلى الفراق صابر وش صبرني على العقيلا
وانت منين داك حكي لي اولي وتالي؟
ما فارقة خليل بحالي ما فارقة خليلة
و تقول باكيا عند خيام السمر والليالي
ولاّ على البطاح وما دار على خيام ليلى
ولاّ على فراق الي عشقو حيها بحالي
عربان آمنوا بالمختار و شحال من قبيلة ؟
****
سألتك لله عيد لي ما اصابك
اش كان سبتك فمصابك
لي احكي خطابك وانا نصغاك
يستغرب من لا تحدثو بخطابك
الغريم فاللغا يسطابك
ويجول في حديثك وجواب لغاك
لو كنت ذات شافية بهذابك
و عماو بالدموع اهذابك
لو كان لي كفاك صرخي بلغاك
بلسان حالها قالت ليا ** ما اخفاك حالي
يكفاك يا السايل حالي عن حالتي نحيلة
في صولة العمالة كنت وكانوا لي رجالي
قبايل لجناح لا تحكي كيفها قبيلة
يشيدو بروج من لعمالة كل برج مالي
ويعمروا جباح من مواهب ربنا جزيلا
فيهم كيحجبو كيف الملوك فالليالي
وايام الربيع يخرجوا البطايح الحفيلة
طلاب جاو لي هزموا بالحامية ابطالي
تركوني بعمالتيي بعد العز فحالها ذليلة
وليت للعصارة شهدي صفّاوا من امصالي
صابوه قوت ودوا للذات الفانية العليلة
ومن الأمصال صفاو شماعي يا لي صغا لي
حكايتي للقدام سيرة باقية طويلة
***************
و هنا مقطوعة من الملحون تتغنى بالقصيدة :