غزة العزة» بقلم المختار محمد الدرعي » آخر مشاركة: ناديه محمد الجابي »»»»» هطالة الغيم» بقلم هائل سعيد الصرمي » آخر مشاركة: هائل سعيد الصرمي »»»»» قصة ابن زريق البغدادي مع قصيدته اليتيمه» بقلم هائل سعيد الصرمي » آخر مشاركة: هائل سعيد الصرمي »»»»» نظرات في مقال طب أكلة لحوم البشر ومصاصين الدماء» بقلم اسلام رضا » آخر مشاركة: اسلام رضا »»»»» مرايا - صفحة للجميع» بقلم محمد نعمان الحكيمي » آخر مشاركة: محمد نعمان الحكيمي »»»»» الفصل الثاني من رواية وتستمر الحياة بين يأس و تفاؤل الأم الجريحة» بقلم بوشعيب محمد » آخر مشاركة: بوشعيب محمد »»»»» الهارب و صاحب المعطف بقلمي» بقلم بوشعيب محمد » آخر مشاركة: بوشعيب محمد »»»»» البحر خلفي والعدو أمامي» بقلم محمد محمد أبو كشك » آخر مشاركة: محمد محمد أبو كشك »»»»» شقوة» بقلم غلام الله بن صالح » آخر مشاركة: ناديه محمد الجابي »»»»» الحمد لله زال الهم وانقشعا» بقلم عبدالله بن عبدالرحمن » آخر مشاركة: ناديه محمد الجابي »»»»»
عاللومة وتمشي عكسي
حكومتنا تركب تاكسي
تلعب طرنيب ترِكس ي
تدعينا على النوما
حريه ببلدي ماكو
صيد وممنوعة شباكو
الواقف عَ شباكو
يتوجهلو لِتهوما
صهيوني ارضي يصادر
يسرق قمح البيادر
بيتي يهدو هالغادر
اسمي يسجل مكتوما
لمّا أرد الصاعِ ي
ينسى العالم الداعي
خليجي يلوي ذراعي
يقطع عني الدرهوما
عاللومه وفاتن تحكي=لغير الله ما تشكي
تكتم غيظا وما تبكي=إبلادا هالمظلوما
الأخضر العربي
عاللّومَة وْضَجِّ الحارِسْ
مِنْ فِعْلِ بْنِ المَدارِسْ
هالمَفروضِ إنّو عَرَبي
وأهْلو كْرامِ وْفَوارِسْ
قال شو بييجي مِتْأخَّرْ
عادَرْسو وْجِفْنو ناعِسْ
ليلو عالشّاتِ مْقَضّي
مَعْ بِنْتِ شْلومو وبيرِسْ
والواجِبْ جُوّا الشّنتي
يِحْلِفْ مَبْيومِ يْلامِسْ
بالجِلّ مْوَقِّف شَعْرو
وِقَميصِ مْرَقَّعْ لابِسْ
والبَنْطَلونِ مْمَزّعْ
قال شو موضَة مِنْ بارِس
في السّاحة جِنِّ مْصَوَّرْ
بي هالبَناتِ يْعاكِسْ
أو بينِ صْحابو يْرافِسْ
وبالصَفِّ لْسانو تْحَجَّرْ
لا يِتْحَدّى وْلا يْنافِسْ
هالغاصِبْ خَرَّبْ مُخّو
وْخَلّاه لَلْقِيَمْ هارِسْ
خَلاّه يِبْعِدْ عَن دينو
وِلْتوبِ الكُفُرْ لابِسْ
يِبْعِدْ عَنْ دَرسو وْعِلمو
وِبْطينِ الجَهِلْ طامِسْ
يا ربّ الكونِ اهديهُمْ
واجْعَلْ مِنْهُمْ نوارِسْ
لَلْخِيرِ تْطيرِ تْعَلّي
وِلْدينَكْ تِبْقى الحارِسْ
تِحْمِلْ قُرآنا بْقَلْبا
وِتْزاكِرْ بالمَجالِسْ
تُرْفُضْ فِكْرِ الصّهيوني
والجَهْلِ وْوِشّو العابِسْ
وْتِزْرَعْ أخلاقا وْعِلْما
أشْجارِ بهالمَوارِسْ
عاللومه و على النت ي
الحاله زي الزفت ي
شباب تدور بنت ي
يشكي كتر الهموما
يا ساكن جوه الشات ي
بتغازل بالبنات ي
ناسي انو الحياة ي
بتمشيش بقلة نوما
يا شاب زغير وعايق
عمري ما شفتك رايق
بالليلِ النتِ سايق
تأبيده انتا محكوما
يا فاتن جيتي الحصه=أشعلتي بقلبي بصّه
شباب عيونن عمصه=بيعادونَ لعلوما
عاللّوما وعَلى السّاحِلْ
عَكّا وْسورا إلْبيقاتِلْ
سورٍ صَدِّ الفَرَنسي
وْخَلاّه يِرْجَعْ مَيْقاتِلْ
بسّ البَلَدِ اللي صَمْدِتْ
وِلْظُلْمِ النّاسِ اتْحَدِّتْ
صارِت مُضْغَة لَلعالِمْ
وِمْجادا بْيومِ اتهَدِّتْ
هالغاصِبْ تَرَكِ بْيوتُنْ
واتْخَبّا جُوّا عْقولُنْ
عَلّمْ شَبابُنْ تِسْكَرْ
وتْصيرِ بْجيشو عَسْكَرْ
بْهِرْوينو حْساسُنْ خَدَّرْ
حَتّى مَيْراقِبونَه
وهالشبّ إلْدَمّرْ حالو
وْهَمّلْ بيتو وِعْيالو
باعِ إلْبيتِ اللّي وِرْثو
تَيْجيبِ السَمّ بْمالو
بِنْتو بالمَلهى بْتُرْقُص
وابنو مِشْ عارِف مالو
يا أرْضِ العزّ إلْكُنتي
ريتِكْ لَمْجادِكْ صُنتي
وريتِ وْلادِكْ يِرْتَدّو
عَنْ دَرْبِ اليِكْرَهونِكْ
ثنائي رائع وملحمة شعرية بديعة طروب الحرف والقافية
بوركتما واليراع التي نسجت والروح التي أطربتنا
تحاياي
عاللّومة وْغاب خْوَيّي
وما عادِ يْرِدِّ عَلِيّي
والكِلْمِة بزوري نْحَبْسِتْ
وابتِساماتي مَطْفِيّه
وينَكْ يا إبْنِ بلادي
يَلْحَرْفَكْ سيفِ وْخَنْجَر
وِمْوَجَّه للأعادي
ربّي من عندو يصونك
وإن كُنتِ بْعُسرَه يْعينَك
واللّومة دومِ بْتُنْطُر
فُرْسانا هالمَيْمونا
عاللومة وجيتك أختي
الدنيا عمّا بتشتي
شتوة نيسان إلتعطي
زهر وبسمة الكروما
فاتن يا أحلى نجمة ي
وجها يملاه البسمة ي
شِعرا صورة مع رسمة ي
لفلسطين المكلوما
عاللّومة وهلهل خيّي
وْجا بَعْدِ غيابو لَيّي
حامِل مِنْ تُرْبِ بْلادي
كَمْشِة صغيرة بْحِنِيّة
أحْمِلْها مَعْ أولادي
حَنّي بيها لِخْدوداااااااا
أهلا بخْويِّ الكِلْمِة
هالروحو تِصْهَلْ نَغْمِة
تُلْطُمْ من نورا العَتْمِه
وتْطْرُد عَنّا لِهْمومااااا