أوهام خادعة.» بقلم ناديه محمد الجابي » آخر مشاركة: ناديه محمد الجابي »»»»» ++ ابني يكتب قصة ++» بقلم أحمد فؤاد صوفي » آخر مشاركة: ناديه محمد الجابي »»»»» نظرات فى مقال المنقرض الأفتك» بقلم اسلام رضا » آخر مشاركة: اسلام رضا »»»»» قصيدتي: Time Has Come وترجمتها.» بقلم أحمد فؤاد صوفي » آخر مشاركة: أحمد فؤاد صوفي »»»»» عميل» بقلم إبراهيم ياسين » آخر مشاركة: إبراهيم ياسين »»»»» ++ البخيل ++» بقلم أحمد فؤاد صوفي » آخر مشاركة: أحمد فؤاد صوفي »»»»» نظرات فى مقال القتل الانتحارى» بقلم اسلام رضا » آخر مشاركة: اسلام رضا »»»»» عجز اللّسان» بقلم غلام الله بن صالح » آخر مشاركة: غلام الله بن صالح »»»»» السحر فى القرآن» بقلم اسلام رضا » آخر مشاركة: اسلام رضا »»»»» المشاعر لا تموت.» بقلم أسيل أحمد » آخر مشاركة: أحمد فؤاد صوفي »»»»»
عاللومة وتمشي عكسي
حكومتنا تركب تاكسي
تلعب طرنيب ترِكس ي
تدعينا على النوما
حريه ببلدي ماكو
صيد وممنوعة شباكو
الواقف عَ شباكو
يتوجهلو لِتهوما
صهيوني ارضي يصادر
يسرق قمح البيادر
بيتي يهدو هالغادر
اسمي يسجل مكتوما
لمّا أرد الصاعِ ي
ينسى العالم الداعي
خليجي يلوي ذراعي
يقطع عني الدرهوما
عاللومه وفاتن تحكي=لغير الله ما تشكي
تكتم غيظا وما تبكي=إبلادا هالمظلوما
الأخضر العربي
عاللّومَة وْضَجِّ الحارِسْ
مِنْ فِعْلِ بْنِ المَدارِسْ
هالمَفروضِ إنّو عَرَبي
وأهْلو كْرامِ وْفَوارِسْ
قال شو بييجي مِتْأخَّرْ
عادَرْسو وْجِفْنو ناعِسْ
ليلو عالشّاتِ مْقَضّي
مَعْ بِنْتِ شْلومو وبيرِسْ
والواجِبْ جُوّا الشّنتي
يِحْلِفْ مَبْيومِ يْلامِسْ
بالجِلّ مْوَقِّف شَعْرو
وِقَميصِ مْرَقَّعْ لابِسْ
والبَنْطَلونِ مْمَزّعْ
قال شو موضَة مِنْ بارِس
في السّاحة جِنِّ مْصَوَّرْ
بي هالبَناتِ يْعاكِسْ
أو بينِ صْحابو يْرافِسْ
وبالصَفِّ لْسانو تْحَجَّرْ
لا يِتْحَدّى وْلا يْنافِسْ
هالغاصِبْ خَرَّبْ مُخّو
وْخَلّاه لَلْقِيَمْ هارِسْ
خَلاّه يِبْعِدْ عَن دينو
وِلْتوبِ الكُفُرْ لابِسْ
يِبْعِدْ عَنْ دَرسو وْعِلمو
وِبْطينِ الجَهِلْ طامِسْ
يا ربّ الكونِ اهديهُمْ
واجْعَلْ مِنْهُمْ نوارِسْ
لَلْخِيرِ تْطيرِ تْعَلّي
وِلْدينَكْ تِبْقى الحارِسْ
تِحْمِلْ قُرآنا بْقَلْبا
وِتْزاكِرْ بالمَجالِسْ
تُرْفُضْ فِكْرِ الصّهيوني
والجَهْلِ وْوِشّو العابِسْ
وْتِزْرَعْ أخلاقا وْعِلْما
أشْجارِ بهالمَوارِسْ
عاللومه و على النت ي
الحاله زي الزفت ي
شباب تدور بنت ي
يشكي كتر الهموما
يا ساكن جوه الشات ي
بتغازل بالبنات ي
ناسي انو الحياة ي
بتمشيش بقلة نوما
يا شاب زغير وعايق
عمري ما شفتك رايق
بالليلِ النتِ سايق
تأبيده انتا محكوما
يا فاتن جيتي الحصه=أشعلتي بقلبي بصّه
شباب عيونن عمصه=بيعادونَ لعلوما
عاللّوما وعَلى السّاحِلْ
عَكّا وْسورا إلْبيقاتِلْ
سورٍ صَدِّ الفَرَنسي
وْخَلاّه يِرْجَعْ مَيْقاتِلْ
بسّ البَلَدِ اللي صَمْدِتْ
وِلْظُلْمِ النّاسِ اتْحَدِّتْ
صارِت مُضْغَة لَلعالِمْ
وِمْجادا بْيومِ اتهَدِّتْ
هالغاصِبْ تَرَكِ بْيوتُنْ
واتْخَبّا جُوّا عْقولُنْ
عَلّمْ شَبابُنْ تِسْكَرْ
وتْصيرِ بْجيشو عَسْكَرْ
بْهِرْوينو حْساسُنْ خَدَّرْ
حَتّى مَيْراقِبونَه
وهالشبّ إلْدَمّرْ حالو
وْهَمّلْ بيتو وِعْيالو
باعِ إلْبيتِ اللّي وِرْثو
تَيْجيبِ السَمّ بْمالو
بِنْتو بالمَلهى بْتُرْقُص
وابنو مِشْ عارِف مالو
يا أرْضِ العزّ إلْكُنتي
ريتِكْ لَمْجادِكْ صُنتي
وريتِ وْلادِكْ يِرْتَدّو
عَنْ دَرْبِ اليِكْرَهونِكْ
ثنائي رائع وملحمة شعرية بديعة طروب الحرف والقافية
بوركتما واليراع التي نسجت والروح التي أطربتنا
تحاياي
عاللّومة وْغاب خْوَيّي
وما عادِ يْرِدِّ عَلِيّي
والكِلْمِة بزوري نْحَبْسِتْ
وابتِساماتي مَطْفِيّه
وينَكْ يا إبْنِ بلادي
يَلْحَرْفَكْ سيفِ وْخَنْجَر
وِمْوَجَّه للأعادي
ربّي من عندو يصونك
وإن كُنتِ بْعُسرَه يْعينَك
واللّومة دومِ بْتُنْطُر
فُرْسانا هالمَيْمونا
عاللومة وجيتك أختي
الدنيا عمّا بتشتي
شتوة نيسان إلتعطي
زهر وبسمة الكروما
فاتن يا أحلى نجمة ي
وجها يملاه البسمة ي
شِعرا صورة مع رسمة ي
لفلسطين المكلوما
عاللّومة وهلهل خيّي
وْجا بَعْدِ غيابو لَيّي
حامِل مِنْ تُرْبِ بْلادي
كَمْشِة صغيرة بْحِنِيّة
أحْمِلْها مَعْ أولادي
حَنّي بيها لِخْدوداااااااا
أهلا بخْويِّ الكِلْمِة
هالروحو تِصْهَلْ نَغْمِة
تُلْطُمْ من نورا العَتْمِه
وتْطْرُد عَنّا لِهْمومااااا