ايدينا متفرقة ...
ومصر ايه نابها؟
باسم اختلاف الرؤي ...
عملتوا ميت جبهه
والجهة هيه الوطن ..مش حزب او تيار
الشعب ياكل حصي .....
.والساسة في الاوبريت
بيوزعوا الادوار
رافعين شعار
ما نشيت ..
.في الصورة يا اخربها ...
ومصر ايه نابها
.........................
ثورة كمان .... كلاكيت
مشهد الثورة .......................................
عرض الوجع في الخطي ..
.ولحد ما تفرجي
الارض تحدف حصي .......تديها للبلطجي
خد طوبة واضرب حلم ..
وقت الحساب مش جي
اهجم وحطم قسم ...
مات الرصاص الحي
شوفلك طريق اقطعوا .
او خط سير امنعوا ..واعمي عيون الضي
واحرق ميزان محكمة ... وافتح بيبان العمي
خلي اللهب للسما ...واغوي شيطان الغي
دمر بايدك وطن ...واياك تشم العفن
...واغزل لحلمك كفن ...متسبش واحد حي
ولع في بلدك ...بطل
متسبش برزخ امل
دقت ساعات العمل .... كلّ لحم اخوك لو ني
خليها بركة دم ... دوب كاسات السم
واقتل ولا تهتم ..... ثاير ومالك زي
...
والثورة تفضل شهر ...الثورة تفضل دهر
تسد عين الشمس ...او حتي تقطع نهر
........................................*......... .............خليك كده ثاير
وما دمنا في يناير ..
. موت بواقي الزهر
الثورة لسه في مصر .... محققتش النصر
بكره نروح القصر ونعيد كمان مرة
كلاكتيت ...........
ثورة ...ثورة
هنغير الادوار..........
اللي زمان كان فل ... يقلب من الثوار
واللي استخبي في ضل
في ايده العلم والنار
واللي هرب م العشا ... وهري الامل ملطشة
راجع ما فيش اختشه ...عامل من الاحرار...
اللي لعب دور بطل .
يطلع رصاصة فشنك
واللي كلامه عسل ...افعاله دنك في دنك
واللي يدوس علي قطر... يجرح براءة زهر
واللي يحاصر امل .... مبني قزاز في قزاز
واللي يحاصر بنك
واللي هرانا كسل .. ويحكي عن انجاز
واللي يموت هيطق .... مظهرش في البرواز
واللي يقول ...
واللي يقول ...انقاذ
انقاذ بلدنا بجد ...في يد تحضن يد ..
مش يد تبني الحلم ..
. والتانية تيجي تهد
مش يد تحفر نهر ... والتانية تعمل سد
مش يد تفتح باب .. والتانية تيجي ترد
انقاذ بلدنا بجد
في قلب يحضن قلب ... في زرع معني الحب
في شعب يرجع شعب .. مالوش مثيل ولا ند
انقاذ بلدنا بجد
في ضحكة فوق النيل ... في شمس حرة اصيل
في رفة المواويل .. في حضن صوت الورد
انقاذ بلدنا بجد
في مكنه لما تدور ... في العلم ... نبع النور
في قيم ودين وزهور ... تضحك ف روحنا ترد
انقاذ بلدنا بجد
في فن مش اسفاف ... في لقمة لو بالحاف
في العدل والانصاف ..والاف خطاوي تمد
تبني ونلقي البنا .. يعلي سنه ورا سنة
ونلتقي طعم الغني .. شال الدموع م الخد
انقاذ بلدنا بجد
في ابن يبقي الولد .. جواه عزيمة وجلد
هوه الحمي والسند ... يرسم ملامح غد
حان الميعاد للعمل ....... ومهما كان او حصل
يا مصر ابنك بطل ...... راجل في وقت الجد
ده انقاذ بلدنا بجد