فضفضه

قلبي العفي لساه بيتمادى ف حنانه
لساه كبير..قادر يسيعك
لكنه رغم قوته
كان نفسه يتخبى ف أمانك
قلبي الكبير معاكي ضاع بين السكك
في المفترق .. كان أيه فرق
لما ابقى ماشي ف سكة ضلمة
وانتي بتضوي الطريق
بعدك أنا .. ميت .. غريق
والقلب تاهت خطوتة ..ولّع حريق
هتفرق ايه لو قلتي كلمة بعشقك
هتفرق اي لو ضِل ضلك
هز شوقي وقالّي مرة قلبي لك
تفرق كتير قلبي عشان حُبه اتهلك
كان نفسه مرة يدوق حنان من منهلك
منتيش مجرد حب عادي
قلبي انا بيكي اتملك
يا اغلى م الروح يا ملك
قلبي اللي مات ..برغم انه
فوق ترابك لسه حي
وبرغم انه بعافيته
نارك بتكوي ف نبضه كي
وبرغم انه لسه ضماه الجروح
لكن بصيص حبك فرح
بيخلي كل الدنيا ضي
وبرغم بعدك-يا قريبه-
لسّاني باتمناها منك
واحس قلبي بيكي جي
لسّاني باتهجى ف ملامحك
لسّاني رغم البوح ما لامحك
لسّاكي ضوء خافت بعيييد
لكنه رغم الضلمة عيد
مستني كلمة من شفايفك
حاسسها جاية
برغم بُعدك
لكن قريبة مهما كان الكون ضباب أو حتى ضلمة
علشان في روحي فَقلبي شايفك
مستني كلمة
تضوي احلامي اللي تاهت مستني كلمة
تضوي نور قلبي اللي باهت
مستني كلمة
تحيي امالي اللي شاخت
مستني كلمة
اصل قصة عمري باخت
حاسسها جاية
رغم كتمانك بشدة
ورغم اني لسه شايفك مستبده
وبرغم ان الحرف منك كله حده
لكني هسمعها بصداها
وهعيش عليها
لكن اخاف بإن روحي تروح معاها
واستنى منك كلمة تاني
كلمة بتشرف وداني
كلمة بتهز ف كياني
كلمة زيك
وانتي زيك حد تاني؟؟
كلمة كل حروفها شوق
كلمة بيها نعلى فوق
كلمة بتخليني افوق
واعيد تاني من الأول
وافتكر اني في خيالي
وافتكر اني ما عشتش
واحلى حالة ما عشتهاش
واحلى لحظه ما شوفتهاش
واني انا ما سمعتهاش
بس لهفة قلبي حاضرة
نفسها تسمعها مرة
قبل ما اطلع معاش
وافضل احكي تاني عنها
وقلبي بيها يروح بلاش
واما يحكوا بعد موتي
يحكو عاش لكن ما عاش

كلمات رائعة وبوح ينهل من مناهل العذوبة

دام ألقك

مودّتي

كلمات رائعة وبوح ينهل من مناهل العذوبة

دام ألقك

مودّتي

الأروع مرورك أستاذتي الفاضلة
دمت بكل ود وألق
وافر تحياتي وجل احترامي

رائعة تتناغم كلماتها كانها خرزات اللؤلؤ فى عقد ثمين
تفوح موسيقاها عبر السطور وتتراقص طرباً بها الحروف
حقاً تسكب السحر بالاذان وتدخل القلب بلا أستئذان
اجدت تصوير الحاله بكل المعانى الراقيه الرقيقه
فاضت محبرتك وتدفق شلالك ليطربنا باجمل الانغام
هنا وجب علينا رفع القبعة والتثبيت لكنى وجدت لك نجم يلمع بالاعلى وهذا لايمنع مدى اعجابى واستمتاعى بالنص الفريد
تحيتى شاعرنا الراقى القدير
كن بالعلا ابدا
وبالتوفيق

رائعة تتناغم كلماتها كانها خرزات اللؤلؤ فى عقد ثمين
تفوح موسيقاها عبر السطور وتتراقص طرباً بها الحروف
حقاً تسكب السحر بالاذان وتدخل القلب بلا أستئذان
اجدت تصوير الحاله بكل المعانى الراقيه الرقيقه
فاضت محبرتك وتدفق شلالك ليطربنا باجمل الانغام
هنا وجب علينا رفع القبعة والتثبيت لكنى وجدت لك نجم يلمع بالاعلى وهذا لايمنع مدى اعجابى واستمتاعى بالنص الفريد
تحيتى شاعرنا الراقى القدير
كن بالعلا ابدا
وبالتوفيق

أخي وصديقي العزيز أستاذي محسن البدراوي عجز البنان ان يصف ما عجز عنه البيان فليس في وسعي الآن الا ان انحني إجلالا امام تقديركم العظيم
دمت بكامل الألق فاضلي
وافر تحياتي وجل احترامي

السلام عليكم ورحمة الله

شاعرنا الكريم

قصيدة تجلت فيها قوة الكلمة وهدف المضمون وجرس يطرب الاذن

اجدت في استخدام كل ادواتك فجعلتنا نعيش معك الحالة

تقبل مروري وتحيتي

ما أعذب هذا البوح يتدفق عذبا يشنف الآذان
همس برقة الورد وبوح رقيق معزوف على ناي المشاعر
ارتشفنا عذوبته فأثرى الذائقة والروح
بوركت شاعرنا
ودام لقلبك البهاء.