** قصـة مريـم العـذراء **» بقلم أحمد فؤاد صوفي » آخر مشاركة: ناديه محمد الجابي »»»»» ابتهالات.» بقلم ناديه محمد الجابي » آخر مشاركة: ناديه محمد الجابي »»»»» نسجل دخولنا بذكر الله والصلاة على رسول الله» بقلم عوض بديوي » آخر مشاركة: ناديه محمد الجابي »»»»» * عندما عطس عنتور*» بقلم أحمد فؤاد صوفي » آخر مشاركة: أحمد فؤاد صوفي »»»»» ++ ابني يكتب قصة ++» بقلم أحمد فؤاد صوفي » آخر مشاركة: أحمد فؤاد صوفي »»»»» قراءة فى مقال أنين الموتى ورعب القبور» بقلم اسلام رضا » آخر مشاركة: اسلام رضا »»»»» قراءة فى مقال أغرب القوانين حول العالم» بقلم اسلام رضا » آخر مشاركة: اسلام رضا »»»»» خواطر حول مقال أغرب مسابقات ملكات الجمال» بقلم اسلام رضا » آخر مشاركة: اسلام رضا »»»»» قراءة في مقال الحيوانات تنطق وتتكلم حقيقة أم خيال؟» بقلم اسلام رضا » آخر مشاركة: اسلام رضا »»»»» الموضة الممرضة والقاتلة» بقلم اسلام رضا » آخر مشاركة: اسلام رضا »»»»»
عاللومة والله اشتقنا
يا فاتن تبقي معنا
كلمة منك تجمعنا
ببعادك كبست نوما
الأخضر العربي
عاللّومة وكترو شغالي
وقلت بقلبي نيالي
فكّرت الشغل بيثري
لكن هدّلي حيلي
والرّاتب دوبو مكفّي
للقمي ويلهدوما
عاللومة المتلي فاضي
الفاضي بعمل قاضي
عم بوزع أراضي
من تعبو ينام محموما
شغلك والله عبادة ي
في تعليم الأولاد ي
بيعادل الجهاد ي
للي بيفهم لعلوما
يا فاتن حقك مني
لا تهتمي وتعنّي
المعلم إلو الجنة ي
دوم الراتب مجروما
عاللّومة وقالو الجنّة
للّي بالعلمِ بيِزْرَع
وْقالو إنو حَصادو
مِتلِ السَبايِك بِلْمَعْ
ونّو من بينِ كفوفو
عزّ بلادو رَحْ يِرْجَع
لكن هالجيلِ الهابِط
يا خَيّي دومِ يْلابِط
ما عَم يِقْبَل يِتْعَلّم
وْقَلبو مْنِ الجَهِل شايِطْ
وْلِمْعَلّم عندو بِدْعَة
بيضرُب نُصحو بالحايِط
يا خيّي الدّنيي انقلبت
وِتْعَرّو وْلادِ الخايِطْ
وابنِ الكندجي حافي
وابنِ المشايِخ ساقِط
يا ريت العالم يصحو
من غفلتهُم والنّوما
عاللومة وعلموني
بالمدارس حطوني
حافي ابرد كانون ي
وحَبَيْتا للعلوما
عاللومة وجيل الحين ي
هدوموا لامارتيني
بلبس زي جيمس دين ي
وعقلو صاير مخروما
بيناديني يا سيدو
باسمي بغلط ويعيدو
مهو ترباية نيدو
ومعكرونة أندوما
يا فاتن ضحكتيني=مهموم وعايف تيني
نقدك عدَّلِّي جبيني=غابت لحظة الهموما
عاللّومة وشبّ مْسَمْسَمْ
لابِسْ تي شيرت مقلّمْ
حامل كتبو عكتفو
وقال شو رايِح يتعلّم
مرّت من جنبو بنيّة
صارِ بْعِطرا عم يحلَم
لحقا والدمّ بيغلي
والعشق بقلبو تحكّم
قلّا يبنيّة دخلك
قلبي بالحبّ تشرذم
والشوق اللّي بضلوعي
من حرّو القلب تْألّم
وقفت جنبو الصبيّة
شدّت كتفو بحنيّة
وقالتلو لكْ يا بنَيّي
إيمَت رايِحْ تتفهّم
لسّاكِ صغير ولسّا
حبّك عَشجارو مبرعم
تنّك تكبر يا خيّي
لازم عقلك يتكلّم
والحبّ اللّي تنتظرو
هيصير بنضجك مغنم
لا تخلّي جهلك زرعك
لنّك لو تاكُل منّو
رح أفكارك تتسمّم
وآمالك هاللّي بْنيتا
رح تتداعى وتتهدّمْ
يا خيّي روح مدرستك
وانهل منها لِعْلوما
عاللومة وداهن شعرو
ابجل وعامل نيجرو
لسا ما بعرف بعرو
من جبنة الحلّوما
عاللومة ويا حبِّيب
راكب عربية جيب
مخ يودي ويجيب
بكره كل العلوما
يا حسرة عنب الزيني
جيل ينجس مدينة ي
بشرب عرق ومارتيني
ومازاتو بالأندوما
يا خيّة قولي مشلَّخ=ضحكة بقلبي بتصرخ
أملي بالجيل كبيرة=وانشالله غداكي بطرخ
ههههههههههههه
البطرخ/بيض السمك(الكافيار)
عاللّومة ورحتِ أتْسَوّقْ
والسّوقِ بْناسو بيِغْرَقْ
نسوانِ رْجالِ ووِلْدٍ
بِجنابِ السّوقِ مفَرّقْ
هادي بتِغْمِزْ بالبايِعْ
وذاكِ بْوِشّا بِيْطالِعْ
والكوسايِة مَخروما
بيّاعِ العطرِ مْكَحّل
وبالصّبايا بيتغزّل
تركو الخضرَة والطّبخَة
وأخدو من عِطرو كوما
وبيّاعِ اللّبسِ مْصَهْلِل
جنبو النّسوانِ بْتُنغُلْ
جَرّت زوجا يِدفَعلو
وهيّي بتضحك وتبهلل
مصروفِ الشّهرِ تبخّر
عالحُمْرا ويلِهدوما
ابنا عمْ يبكي جنبا
يا ميما من دِيادورا
هاتي الحذوِة ومن بوما
وهالرّجالِ الساحبتو
ولأغراضا محمّلتو
فوقِ غْراضا محَمّلتو
هالحَسْرَة و]لِهْموما
عاللومة وبتناديني
حلوة وتوبا فلسطيني
لا ديور وجوست وديني
بتعادل هالهدوما
شفتا بتعبي المية ي
هالبنت الكنعانية
تمشي بخفة وحنيّة ي
قمر بعالي لنجوما
بنت بلادي نشمية ي
بالحرب بتسوا مية ي
لما بتيجي الدورية ي
تزرع بالدرب لغوما
ويا فاتن هدي شوية ي=على ختيار بطاقية ي
بعدو حامل شبرية ي=وكلاشنو بالكروما