قضاءنا بظلمه كان راضي
وشاف أحكامه قال عادي
وقال مش شرط نِتْطَهَّر
وسيبكم م اللي بينادي
أنا اللي دخلت بالواسطة
وارثها ف ضِل أجدادي
وقاعد يحكي عن نسبه
وكام نائب وكام قاضي
كتبت وقلت قول.. غَنِّي
في تعدادك وتعدادي
لو احنا الزيت على نارهم
وبنسَوّيها ع الهادي
فبشرى للي مستني
وكيد الكِيد لحسّادي
مادام بنقول له هنطَهّر
ومشهد أيّده قصادي
لو احنا معارضة بقلاوة
خلاص من كتر ما ندادي
مادام ولّعت محكمتك
ندهت وقلت يا ولادي
هاتولنا "المستشار" والزيت
هنعمل لقمة "القاضي"!