بحر الهوى
مالى ومال الهوى دا الحب له ناسه قاعدين فى ساحة الهوى أهله وحُرّاسه والله يمر يدوق كاس الهوى يغوي يارب قلبي ضعيف بيعد أنفاسه دا الحب نجوى وشوق والقلب يتحير واللى تحبه كمان يقلب ويتغير وان قلت إيه فيه إيه؟ ماحد رد جواب تقعد في شط الهوى مهموم ومتحير يارب إيه العمل والقلب حُبه كبير؟ صدّق يلاقي الأمل ويا الأمل بيسير مايوم يخون العهد ولا بيتراجع فارد جناح الهوى والأمر يعنى خطير بحر الهوى مضطرب والشط لسه بعيد واللى هويته ياناس عمال يقول ويعيد كل المنى نلتقي ونكمل المشوار قلبي خلاص انكوى وان شفته يوم العيد القلب لما عشق بيدق طوالى والروح تناجى حبيب زى القمر عالى سلمت أمري إليه من يوم ماعاهدته والشِعر منى إليه صورة لأحوالي صاين عهود الهوى وكتير عانينا ليه الخصام تبدره في أرض وادينا دا اللى بيزرع شوك لابد يجني الشوك اغرس بذور الهوى تكبر أمانينا ياللي تحب صحيح خلي الضمير طيب وامشى مع الأحباب بالود والطيب وان يوم شيطان خلاك تزعل مع الأحباب خالف اوامر الشيطان قول له أنا طيب
عبدالقادرالحسيني