تموت بإيه
تموت مشوي تموت مقلي
تموت عالنار
وايه يعني ما كله يموت
وياما في الحياة أسرار
يعيش اهمالنا وزيادة
وتحيا مصر ولادة
لكن فيها
عقول فاسدة
وفيها كمان
قلوب احجار
ومهما كتبنا عالخيبة
وعالويبة
وفسرنا وحققنا وقررنا
في حادثة الجرار
تقيد حادثة للسواق
نزل م القطر سابه يفوت
وراح البيت ياكل بسكوت
ولو هتاخدها بكلامه
مفيش تفكير
هتبقى حمار
دا واحد ياما زيه كتير
ولازم ضربهم بالنار