أحدث المشاركات

قراءة في مقال حقائق مذهلة عن الكون المدرك» بقلم اسلام رضا » آخر مشاركة: اسلام رضا »»»»» بكاء على الاطلال» بقلم أحمد بن محمد عطية » آخر مشاركة: أحمد بن محمد عطية »»»»» مصير الكوكب على متن الشراع الشمسي» بقلم إبراهيم أمين مؤمن مصطفى ح » آخر مشاركة: ناديه محمد الجابي »»»»» قراءة فى بحث تجربة ميلغرام: التجربة التي صدمت العالم» بقلم اسلام رضا » آخر مشاركة: اسلام رضا »»»»» وذُلّت الأعناق مقتطف من رواية قنابل الثقوب السوداء...» بقلم إبراهيم أمين مؤمن مصطفى ح » آخر مشاركة: إبراهيم أمين مؤمن مصطفى ح »»»»» الفصل الثاني من رواية وتستمر الحياة بين يأس و تفاؤل الأم الجريحة» بقلم بوشعيب محمد » آخر مشاركة: ناديه محمد الجابي »»»»» و تستمر الحياة بين يأس و تفاؤل الفصل الأول من الرواية بقلم بوشعيب» بقلم بوشعيب محمد » آخر مشاركة: ناديه محمد الجابي »»»»» قراءة في بحث أمور قد لا تعرفها عن مستعمرة "إيلون موسك" المستقبلية» بقلم اسلام رضا » آخر مشاركة: اسلام رضا »»»»» نعم القائد» بقلم عطية حسين » آخر مشاركة: احمد المعطي »»»»» قراءة في مقال يأجوج و مأجوج ... و حرب العوالم» بقلم اسلام رضا » آخر مشاركة: بوشعيب محمد »»»»»

النتائج 1 إلى 7 من 7

الموضوع: عدسة هواكى متربه

  1. #1
    قلم منتسب
    تاريخ التسجيل : Jul 2012
    المشاركات : 30
    المواضيع : 4
    الردود : 30
    المعدل اليومي : 0.01

    افتراضي عدسة هواكى متربه

    مابين سؤالى وبين جوابه
    كان صمت باين فى العينين
    حبة ثوانى مش كتير متجمعين
    عاملين دقيقه
    كات طويله فى عمرها
    حسيتها يمكن وقتها
    حبة سنين
    حسيتها عمر بيتولد
    وشريط حياة لو يتسرد
    تسرح فى صوره
    ألف عين

    ما بين سؤالى وبين جوابه
    حاجات كتير اتغيرت
    ذكرى اللى فات من عمرنا
    مرت قصادى وكبرت
    كل الصور
    مفضلش غير صوره
    وحيده صغيره
    جمعانا فيها اللقطه
    والزوم من ورا
    عمال بيبعد عننا
    والعدسه واخده فى اللوكيشن
    خط سير مش جنبنا
    والناى حزيــــــــــــن


    مشهد حقيقى ميتنسيش
    الصمت فيه كان البطل
    والصوت فى اول مشهدين
    كومبارس دوره بيتقتل
    والضحكه طالعه من ورا
    ولد وبنت صغيره
    فى العدسه كانوا مركزين
    شافوا انفعالك فى العنين
    ونا غصب عنى مشفتهوش
    صمتك حقيقى كان قاتلنى
    وان حبك بعد كل العمر ده
    يطلع فاشوش
    مقدرتلوش

    والناى بيعلى كل ماده
    والقلب يتعذب زياده
    والدمعه واخده الانفراده
    والكلام جواك
    ولسه مقلتهوش
    والناى حزين

    مابين سؤالى وبين جوابه
    كان فيها ايه لو قالى
    انه محبنيش
    او حتى خد وشه فى طريقه
    مبصليش
    بس السكوت فى عنيه قتلنى
    مصحانيش
    خلانى اغرق ولثوانى
    فى بير غويط
    واحس روحى بتتسحب
    مش لاقيه ايد
    واحس انه مش عارفنى
    وان ال كان منه شايفنى
    مكنش غير
    عفر السنين


    مابين سؤالى وبين جوابه
    طبع لى بوسه ع الجبين
    وقال وهو بيبتسم
    بقى ده سؤال بعد السنين
    ازاى اكون مبحبكيش
    ونا خايف ارد
    لمن الخجل
    تنزل عنيكى عن عنيا
    وتتكسف....متبصليش
    واخسر فى عمرى نظرتين

    ما بين سؤالى وبين جوابه
    كات بوسه حلوه ع الجبين
    والزوم مقرب مننا
    وموسيقى طالعه
    من لوكيشن جنبنا
    فيها ناى حزيـــــــــن

  2. #2
    الصورة الرمزية الطنطاوي الحسيني شاعر
    في رحمة الله

    تاريخ التسجيل : Jun 2007
    المشاركات : 10,902
    المواضيع : 538
    الردود : 10902
    المعدل اليومي : 1.77

    افتراضي

    واحس روحى بتتسحب
    مش لاقيه ايد
    واحس انه مش عارفنى
    وان ال كان منه شايفنى
    مكنش غير
    عفر السنين
    /
    خايف ارد
    لمن الخجل
    تنزل عنيكى عن عنيا
    وتتكسف....متبصليش
    واخسر فى عمرى نظرتين

    قصيدة من الروائع فكرة وصياغة غير هنات خفيفة جدا
    دمت مبدعة اختاه الفاضلة رباب جودة
    الله عليك فعلا مبدعة

  3. #3
    الصورة الرمزية محمد محمود محمد شعبان أديب
    تاريخ التسجيل : Jan 2012
    المشاركات : 2,176
    المواضيع : 158
    الردود : 2176
    المعدل اليومي : 0.49

    افتراضي

    يبدو أن اليوم يوم المشاعر والأحاسيس الرقيقة
    لقد استمتعت هنا بما خطه يراعك شاعرتنا القديرة ، ومن قبل استمعت ليوتيوب الأخ العزيز / فريد عبد العزيز ، وكان رائعا أيضا .
    نصك رائع فاضلتنا ، ورغم بعض هنة كما أشار أستاذنا القدير / الطنطاوي الحسيني ، إلا أنها لم تفقد رونقها وألقها ، فاسمحي لي بتثبيتها لنغازل بها مشاعر شعرائنا ومبدعينا هنا ، علها تكون نقطة لبداية جديدة بقسمنا وإنعاشه من رقدة طويلة .


    تحيتي


    حمادة الشاعر
    مشرف أدب العامية
    أسعدني بإضافة facebook
    mohammad shaban

  4. #4
    الصورة الرمزية وليد عارف الرشيد شاعر
    تاريخ التسجيل : Dec 2011
    الدولة : سورية
    العمر : 60
    المشاركات : 6,280
    المواضيع : 88
    الردود : 6280
    المعدل اليومي : 1.40

    افتراضي

    جميلة تجلت فيها المشاعر الرقيقة والقدرة التصويرية المدهشة .. ضيعت الجرس ببعض المواقع
    لكنني استمتعت كثيرا بهذا الألق
    مودتي وتقديري مبدعتنا وكل عام وأنت بخير

  5. #5
    الصورة الرمزية محسن البدراوى شاعر عامية
    تاريخ التسجيل : May 2011
    المشاركات : 960
    المواضيع : 81
    الردود : 960
    المعدل اليومي : 0.20

    افتراضي

    الله الله
    يالها من روعه فى التصوير وحسن التوصيل
    كلمات عانقة الاذهان ففاض بها الوجدان
    لتدخل القلب بلا استئذان
    كن ابحث الليله بمعجم الكلمات فما ارتويت ذائقتى الا ها هنا
    تحيتى ايتها القديره
    وبانتظار كل ما هو جديد
    حاولت ان اخدع الحياه وأعيش كما تريد نفسى
    لاكن خدعتنى نفسى وعشت كما تريد الحياه

  6. #6
    الصورة الرمزية آمال المصري عضو الإدارة العليا
    أمينة سر الإدارة
    أديبة

    تاريخ التسجيل : Jul 2008
    الدولة : Egypt
    المشاركات : 23,786
    المواضيع : 391
    الردود : 23786
    المعدل اليومي : 4.15

    افتراضي

    مابين سؤالك وبين جوابه كانت الحكاية جميلة والصياغة متينة والحرف بديع بجرس حلو متناغم
    الهاء والتاء المربوطة
    وألف الوصل وهمزة القطع
    بيعلا
    من الخجل
    دام ألقك
    ومرحبا بك في واحتك
    تحاياي
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  7. #7
    شاعرة
    تاريخ التسجيل : Jan 2010
    الدولة : على أرض العروبة
    المشاركات : 34,923
    المواضيع : 293
    الردود : 34923
    المعدل اليومي : 6.74

    افتراضي

    اقتباس المشاركة الأصلية كتبت بواسطة رباب جوده مشاهدة المشاركة
    ولد وبنت صغيره
    فى العدسه كانوا مركزين
    شافوا انفعالك فى العنين
    ونا غصب عنى مشفتهوش
    صمتك حقيقى كان قاتلنى
    وان حبك بعد كل العمر ده
    يطلع فاشوش
    مقدرتلوش

    والناى بيعلى كل ماده
    والقلب يتعذب زياده
    والدمعه واخده الانفراده
    والكلام جواك
    ولسه مقلتهوش
    والناى حزين


    شعر تطرب له الروح وتحلو للنفس فكرته ويحمل الحرف برقة حسه
    وشاعرية بيّنة أحييها بتصفيق وباقة ورد

    أهلا بك في واحتك

    تحاياي
    تستطيع أن ترى الصورة بحجمها الطبيعي بعد الضغط عليها

المواضيع المتشابهه

  1. مدوناتى من العاميه ((بـ هواكى مجنونـه))
    بواسطة هبه عبد الوهاب في المنتدى أَدَبُ العَامِيَّة العَرَبِيَّةِ
    مشاركات: 3
    آخر مشاركة: 16-03-2011, 12:49 AM
  2. مشاركات: 1
    آخر مشاركة: 14-10-2008, 08:16 AM
  3. سبـــحانك يالله أروع صور الفضاء من عدسة التلسكوب هــابل
    بواسطة حسنية تدركيت في المنتدى عُلُومٌ وَتِّقْنِيَةٌ
    مشاركات: 12
    آخر مشاركة: 18-07-2008, 10:10 PM
  4. شهيد تحت عدسة الميكروسكوب.
    بواسطة د. نجلاء طمان في المنتدى فِي مِحْرَابِ الشِّعْرِ
    مشاركات: 32
    آخر مشاركة: 09-05-2008, 06:47 AM
  5. هواكى وأنا..
    بواسطة يحيى زكريا في المنتدى أَدَبُ العَامِيَّة العَرَبِيَّةِ
    مشاركات: 11
    آخر مشاركة: 08-07-2007, 08:02 PM