مسجون
سجنوني وعشيرتي بوطني الحبيب
حصرونا الصهاينة وعباد الصليب
هناك ببورما والبوسنة و بفلسطين
أطفالنا تصرخ الرحمة ومافي مجيب
مسجون
سابوا علينا كلاب الشبيحة
تدبح عجوز أو طفلة برئيه
تجهض ثورة فدها الشعب بدمه
مين قال أن الحرية رخيصة ؟؟؟
مسجون
سجني ليله طويل وظلامه ماله حد
قمنا بثورة ليه أقاموا علينا الحد؟
وبقانون سكسونيا طلعوا براءة
من فقع العيون ورمي الشباب باللحد
مسجون
بسجن مالُهش سكة لباب
بغربة بعيد عن الاحباب
عشت الذل والحرمان
انا والغربة كما اصحاب
مسجون
سجني قضبانه رعب و خوف
صحابي قلم و ورقة وحروف
مفيش تفاهم بينا وبين البشر
لان التفاهم بينهم بالسيوف
مسجون
بسجن حيطانه من دهب
سجاني وراني فيه العجب
يوم تكون كلها رقة وحنان
ويوم تكون حريقه و لهب
مسجون
سجني ساكت سكوت أهل القبور
لا فيه صرخة ولا ضحكة و فتور
ليالي العزوبية تخليها تطول
ولحد أمتي يا قلب هتفضل صبور
مسجون
داخل حلم واخد حكم بالإعدام
لما سعيت له صحوني من المنام
تروح فين يا صعلوك بين الحيتان
انت كفاية عليك تعيش بينهم خدام
مسجون
بسجن منيع شديد الحصون
محاط ب لاب ومودم والجنون
بيني وبينه شعرة لما الوير لس
يقول مفيش اشارة يا صغنون
مسجون
بحزن صابغ في روحي والقلب
من يومي وانا شايف أنين الغلب
نهدي الضحكة والفرحة للغير
وضحكتنا ما بين نهب وسلب
مسجون