المَزاد حافل وعَلنىّ
وكُلّنا هنبيع صَحِيح
أفتح الجلسه يا شلبى
والبدايه نبيع تاريخ
*
هى عزبه من سنين
حَكْموها للسعاده
كُل واحد عبىّ منها
مِلو كرّشهُ وبالزياده
حتى أن السرقه فيها
بالوراثه وبالبياجه
كل حاكم قال يا كرسى
قال يا عرشى
مش هسيب حتى لمين
انتوا عايزين تاخدوا نفسى
ديا ارضى ملك اهلى
والْ عليها طوع لامرى
ملكى ورثه من ابينا
رد قول انت يا مينا
سبتها مرعى لمين
*
التاريخ سطرّ حروفه
قال وراثه
من أّلاف حتى السنين
والتاريخ عبىّ فى جوفه
مرّ طافح
من أّلام الشقيانين
*
يلا يلا
ها على الله
مين فتح مزادنا مين
مين هناك قال كام عليا
ومين هنا قال مليونين
مين هيقدر ع الصبيه
ومين يعطر الإيدين
البلد دي ًهديه
مين يطولها بس مين
مين هناك أبو طاقيه
شارى انت بكام يا زين
قال كفايه دى رزيّه
رجعوا تانى
حَرَاميه
يسرقوها بفتوتين
نط واحد ف القضيه
وقالو بس الكلمتين
أنت حافظ ولاَّ فاهم
ولاَّ سامع جملتين
قالو يا معلم عطيه
بعد دينى هعيش لمين
المذيعه تسب شيخ
والحُمار فتى ف التاريخ
والمثقف والفلول
والمشرد والعُقول
واللى باعوا للماغول
من كلامهم فيه ذهول
بلدى بقيت صحن فول
وكلهم مدوا الإيدين
نط شخص وقال سلامى
دا المحامى وأم رامى
والمبجل والعصامى
كلهم من غير اسامى
باعوا قبلى بلحظتين
يلا مش محتاجه درّه
هما حيلتى قيراطين
أشتروهم أجروهم
جرفوهم
دولا حتى عطشانين
هى باقيه ع الغلابه
الكل باع رؤسا وساده
مين هيسأل عنى مين
القضيه انى محتاج هدمه ليا
وهدمه تكسى العيلين
لقمه ليا ولقمه ليهم
مش شحاته ومش عطيه
مش هبه ومنَّه عليا
قولت ابيع وكفايه طين
خدنا ايه م القيراطين
قالوا بكره الدنيا جايه
والحياه فارده الإيدين
بطل انت السمع ليهم
اوعى تسمع وتماشيهم
هى فتنه ابعد داريهم
اللّحق انت العيلين
نام فى أرضك
أوعى عرضك
أوعى يغريك ملّمين
*
المزاد دا مزاد خيانه
للتاريخ و للإماره
للديانه وللحضاره
يلا قفل ع الحقاره
بكرا أسلامنا هيعلى
بكرا فينا بلدنا تغلى
اصبر انت بكرا تحلى
بكرا تنزاح المراره
يلا قفل ع المزاد
انتوا اصلاً حزب خاب
جاى يخرّب ف البلاد
جاى يمرّد الشباب
همه يحرق البلاد
جبهة واطيه وبالعناد
عايزه تحكم العباد
جبهة واطيه وعايزه ليله
تكسر الاحلام دى فينا
تندب الامل اللى ساقى
يإما هى تقود سفينه
يإما تغرق باللى باقى
قفل قفل المزاد
لسه مصر بألف باب
كل باب فيه لقمه جايه
وربنا يحمى الشباب
هو عالم بالصبيه
هو علم بالمصاب