بيشوفك كل غذاه
مأواه
والكسوة
طب إيه يسوى ؟
إنه يشوف ف عنيكِ خلاصة نون النسوة
قلبى القادر إنه يكون سى السيّد
نظرة عينه سلاسل حزم تقيّد
حابب إنه يكون العيّل
يعزف حلمه بأوتار عودك
يبدر كل قصايد شعره نجوم على عودك
وأما الدنيا تعانده
يرمى حموله ف ضل خدودك
لجل يقيّل
قلبى وعارفه
مهما الدنيا تكبر فيا
هيفضل عيّل !!
أيه يا عم الجمال ده
تقبل مني هذه البسمة
إكرامي يا راجل
يا ابو قلب كبير
طب بس قولي
سي السيد عيل
إزاي يا دكتور
***
و نعيمة رخره
من بكره وجي
تعمل عصفورة
وتلف تزور
جناين طرحة
ضلة وزهور
تجري م الفرحة
ماشيه برجليه
لا ها تركب مهره
جره ف حنطور
ولا ترقد مرة
بجناح مكسور
***
أهي ركبت شهرة
وهالات النور
بتزغلل عيني
مرايات بنُّور
طول عمري بجري
يا حبيب قلبي
ورا نون النسوة
سكران مخمور