الشبه بين الشعب والنيل
قالو علينا كتير
الأصل والصورة
والطبع فينا اتّحد
والصحه موفورة
فينا الهدوء سيد
والصبر عنواننا
واما يفيض الفيض
بندوس على الكورة
****
من كام سنه ساكتين
شارخ حلوقنا الصبر
وع البلا صابرين
والصبر بعده صبر
مش خوف لكنه هدوء
بيسبق الفيضان
وادينا ف التحرير
بان جوا موجنا التبر
****
الأصل ف المعدن
يلمع ف وسط النار
فيك الدهب تراتيل
ينساب في كل نهار
وف كل ليل فضه
صفحة قمر معكوس
في ضي عينّا البهي
ودا سر م الأسرار
****
شوف انت صابر ازاي
من منبعك لرشيد
واحنا صبرنا ازاي
من دهر عهده بعيد
ولما فيضنا اتنفض
هز العروش اجمع
ومزجنا فيك دمنا
فرحة بيوم العيد