سيدى الرئيس
شد الفتيس
واضربنا شلوط
وقول تهيس
طظ فينا وفيهم
العجلة تدوس عليهم
تاتا تاتا بالرحة
تعريهم بلابيص
اضربها كولة مزنقة
والفرامل متعشقة
وبرضه تجرى منك
تفل ام المتاريس
اديك عارف وشايف
ان احنا شعب هايف
وشعب وش غم
فقرى وبتاع تهجيس
وسيادتك اكيد شريف
والوزير طبعا نظيف
بس بتوع المحظورة
الى نازلين تقريص
سيدى الرئيس طظ فيك
والى يشدد حواليك
وان كان كلامى تقيل
علقلى المشانق والترابيس