آه عــلي قــلبي
,,,,,,,,,,,,,,,,,,,
آه علي قلبي و اللي جراله
يوم وري يوم بتسوء احواله
خايف اشكي واقول مواله
كل الناس هتلومني ياهووه
آه علي قسوة قلبه معايا
د اللي مخلي النار جوايا
قايده بتحرق كل حشايا
حد يقوله الرحمه ياهووه
آه من هجره وقسوة بُعده
خلت ليلي طويل من بَعده
شايف غدره بنسيان وعده
ان سعادته ف قربي ياهووه
آه يامحير فكري وروحي
تفرح لما تزيد ف جروحي
ذنبي بحبك واسال روحي
القي جوابها بحبه ياهووه
آه يامخلي الدمع بعيني
وانت دوايا وفرح سنيني
ارحم حالي ويللا ارضيني
شكلي هقول حرمت ياهووه