بكره يندم
.................
آه ياعيني ع المشاعر
لما اعزِّ الناس يخونها
يبقي جرح القلب واعر
والعهود تنشف جذورها
كنت فاكر خلي وافي
جوه قلبه أعيش حبيب
كنت اشيله بنن عينِّي
وانسي روحي لو يغيب
كان حبيبي وكل روحي
فرح عمري والسنين
كنت اسَهر دمع عيني
لجل عينه تنام سنيِن
بسِّ يظهر كنت واهم
دوقت طعم الغدر فيه
اصلِ قلبي يومها ساهم
إنِّ روحي تهون عليه
بكره يندم ع الليالي
لما طيفي يمرّ بيه
يفتكر أجمل قصايد
شِعرِ يوم كتَّبته ليه