( 31 )
خيرونى ما بين الألوان
فاخترت أنا الأسود
قالوا لى ما له الأبيض
قولتلهم بكره يتقبل اسود
قالوا لى طب والعسل
قولتلهم أحلى مافيه الأسود
قالوا لى اتفاءل بالنهار اللى جاى
قولتلهم يا خوفى يتقلب اسود
*****
الغرق فى القرآن» بقلم اسلام رضا » آخر مشاركة: اسلام رضا »»»»» غزةً رمز العزة» بقلم هائل سعيد الصرمي » آخر مشاركة: هائل سعيد الصرمي »»»»» نظرات في مقال ثقافة العين عين الثقافة تحويل العقل إلى ريسيفر» بقلم اسلام رضا » آخر مشاركة: ناديه محمد الجابي »»»»» نظرات في مقال أمطار غريبة» بقلم اسلام رضا » آخر مشاركة: ناديه محمد الجابي »»»»» عميل» بقلم إبراهيم ياسين » آخر مشاركة: ناديه محمد الجابي »»»»» إلى إبنتي.» بقلم ناديه محمد الجابي » آخر مشاركة: ناديه محمد الجابي »»»»» مسـار» بقلم الفرحان بوعزة » آخر مشاركة: ناديه محمد الجابي »»»»» الربيع» بقلم تفالي عبدالحي » آخر مشاركة: ناديه محمد الجابي »»»»» أمّاه» بقلم محمد الهضيب » آخر مشاركة: شاهر حيدر الحربي »»»»» عتاب عاشق» بقلم أحمد مصطفى الأطرش » آخر مشاركة: شاهر حيدر الحربي »»»»»
( 31 )
خيرونى ما بين الألوان
فاخترت أنا الأسود
قالوا لى ما له الأبيض
قولتلهم بكره يتقبل اسود
قالوا لى طب والعسل
قولتلهم أحلى مافيه الأسود
قالوا لى اتفاءل بالنهار اللى جاى
قولتلهم يا خوفى يتقلب اسود
*****
( 32 )
كتير سألونى عنى وعنها
قلتلهم هاشيل همى وهمها
جيت أدور على همى
صعب عليه همها
*****
( 33 )
يا لى الكورة دايماً فى ملعبك
وعمرها ما طلعت بره آوت
سنتر وباصى وشوت إيه يمنعك
فعمرك ما هيجيلك أبداً آوت
فن الكلام المزوق دا لعبتك
واحنا اللى دايماً فى الآوت
*****
( 33 )
يا لى الكورة دايماً فى ملعبك
وعمرها ما طلعت بره آوت
سنتر وباصى وشوت إيه يمنعك
دا عمرك ما جالك أبداً آوت
فن الكلام المزوق دا لعبتك
واحنا اللى دايماً فى الآوت
*****
( 34 )
ملكت فى ساعة واحدة العالم فى إيديه
لاقيته حته واحدة من طينه وشوية ميه
وصبح فى ساعة تانية مش ف إيديه
حبة تراب رماهم الهوا ف عنيه
*****
( 35 )
حط على شباك بيتنا حمام جم
مكسور الجناح وبينزف دم
سال ع الحيطان وصبحنا ف هم
وجه علينا الليل بجرح ما يتلم
*****
( 36 )
عديت على بحر الهوا
وفردت أنا دراعى
شدنى بحر الهوا
قلت يا دراعى
سألت عن جنيته
فردت مافيش داعى
وابعد عن سكته
دا الغدر فيه راعى
*****
( 37 )
قلبى قايد فيه النار
للى بيحصل ف الدار
قالوا نبنى أقوى جدار
صرخت لأهـ .. هاضرب بالنار
*****
( 38 )
شفت ألوان كتير متلونة ع الخدود
الأبيض لون الفل والأحمر لون الورود
بس عمرى ما شفت ألوان كتيرة قوى
إلا على جناحين الحمام وع الحدود
*****
( 39 )
الأستاذ الكبير قاعد على مكتب
جاله الفراش ومعاه واحد سحلب
مرة يشطب والتانية يشرب
قال إيه الأستاذ بيكتب
*****