أحدث المشاركات

بكاء على الاطلال» بقلم أحمد بن محمد عطية » آخر مشاركة: أحمد بن محمد عطية »»»»» مصير الكوكب على متن الشراع الشمسي» بقلم إبراهيم أمين مؤمن مصطفى ح » آخر مشاركة: ناديه محمد الجابي »»»»» قراءة فى بحث تجربة ميلغرام: التجربة التي صدمت العالم» بقلم اسلام رضا » آخر مشاركة: اسلام رضا »»»»» وذُلّت الأعناق مقتطف من رواية قنابل الثقوب السوداء...» بقلم إبراهيم أمين مؤمن مصطفى ح » آخر مشاركة: إبراهيم أمين مؤمن مصطفى ح »»»»» الفصل الثاني من رواية وتستمر الحياة بين يأس و تفاؤل الأم الجريحة» بقلم بوشعيب محمد » آخر مشاركة: ناديه محمد الجابي »»»»» و تستمر الحياة بين يأس و تفاؤل الفصل الأول من الرواية بقلم بوشعيب» بقلم بوشعيب محمد » آخر مشاركة: ناديه محمد الجابي »»»»» قراءة في بحث أمور قد لا تعرفها عن مستعمرة "إيلون موسك" المستقبلية» بقلم اسلام رضا » آخر مشاركة: اسلام رضا »»»»» نعم القائد» بقلم عطية حسين » آخر مشاركة: احمد المعطي »»»»» قراءة في مقال يأجوج و مأجوج ... و حرب العوالم» بقلم اسلام رضا » آخر مشاركة: بوشعيب محمد »»»»» الطفل المشاكس بقلمي» بقلم بوشعيب محمد » آخر مشاركة: بوشعيب محمد »»»»»

صفحة 1 من 7 1234567 الأخيرةالأخيرة
النتائج 1 إلى 10 من 62

الموضوع: سى السيد

  1. #1
    الصورة الرمزية وائل محمد القويسنى شاعر
    تاريخ التسجيل : Jan 2007
    الدولة : المنصورة
    المشاركات : 1,987
    المواضيع : 33
    الردود : 1987
    المعدل اليومي : 0.32

    Smile سى السيد

    سى السيد*
    ***
    كان العرف السايد هوه
    كان ...
    سى السيد
    كان لو قال :"يا أمينة"... تفز ..
    كانت العيشة معاها تلذ..
    كان لو قال :"الشمس هاتطلع نص الليل"
    ......هيه تشوف فى الكلمة دليل
    كان لو بص ف عينها ....
    يشوف للخوف تماثيل
    كانت زى الصخر قصاده ما تتحركش
    كان لو يأمر..
    هيه تنفذ ما تفكرش
    كان لو عايز..
    هيه تكون وما تترددش..
    كان لو.......
    كان.. سى السيد..
    كان سى السيد زى السيف
    لكن سيف سى السيد طبعا ..
    مابقاش سيف..
    بقى دلوقتى السيف لعبتها..
    هيه بتلعب بيه ....وبكيفها
    واسمه كمان بقى ..(جوز الست)
    بقت الكفه الراجحة لحوا
    ما بقاش هوه
    ليه اختل ميزان الكون؟!
    واللى تعوزه الست يكون؟!
    ليه الحال بقى سيء جداً؟!
    ليه الراجل ما بقاش سيد؟!
    واما تشور الست يأيد؟؟؟
    أنا مش طالب ..نرجع لأمينة وسى السيد
    لكن عفوا..
    عايز اجمّع
    حبّة عقل..
    وحبّة فكر ..
    وحبّة جراة..
    واطلب نتساوى مع المرأة !!!!
    *
    *
    *
    وائل القويسنى

    *ليسمح لنا السادة رواد العامية فى واحة الخير أن نزاحمهم قليلا... (ربنا يجعل كلامنا خفيف عليهم) ههههه

  2. #2
    قلم نشيط
    تاريخ التسجيل : Nov 2006
    الدولة : مصرـ المنصورة
    العمر : 34
    المشاركات : 799
    المواضيع : 45
    الردود : 799
    المعدل اليومي : 0.13

    افتراضي

    سيف سى السيد
    اللى زمان كان ماسكه ف ايده
    علشان بس امينه تخاف
    بقى بختقها
    كات هتموت من رعبها منه
    حق حياتها
    انها تنقذ روحها بايدها
    تكسر سيفه
    كان البادئ هو الظالم
    لما كسرها
    مهو كان عارف
    انها عاشة الكلمة الحلوة
    كان يعشقها
    ويسمعها الكلمة الحلوة
    راح تبقاله زوجه مطيعة
    وهتسمعله تخفف همه وهتشيل عنه
    ليه كان حالف
    انه يسيبها وقت الشده
    ليه كان واخد موقف منها
    ليه محاولش ف يوم يفهمها
    لما اتظلمت ست امينه
    حاولت انها تاخد تارها
    لكن كانت ست رحيمة
    قرصت ودنه
    لجل يبطل حبه ف ظلمه
    لكن برد كانت بتحبه
    سمعت منه
    وبتسمحله انه يعاتب انه يحاسب
    لكن مبتسمحش بظلمه
    لسة يا وائل
    عايز تعتب على اللى اتظلمت
    لكن سامحت
    وبتطلب يتساوى ما بينكم
    والله مالكش الحق يا وائل
    دور واعرف مين الاقوى
    علشان حكمك يبقى سليم
    ولا لانك راجل عاوز
    انك تبقى كمان سى السيد
    ؟؟؟؟؟؟؟؟؟؟؟؟؟
    الاخ العزيز / وائل القويسنى
    ان الله جعل بيننا الموده والرحمة التى هدمها سى السيد
    واعانته على ذلك الست امينه بضعفها وخوفها
    اما عن وزج الست فهو ايضا هدم قول الله ( الرجال قوامون على النساء )
    لو عرف القوامة ماكان زوج الست وانما هى ايضا لم تعرف ذلك المعنى
    اتمنى ان لا يرجع زمان سى السيد لانه من راييى عبودية للمراة
    وان ينمحى زمان زوج الست لانه اهانه للرجل
    وليلتزم كل منا بالمودة والرحمة
    التى جلها الله لنا
    هذه مداخلة بسيطة استفز بها شعرك
    يا ......... سى السيد
    هههههههههه
    تقبل خالص تحياتى وتقديرى استاذى العزيز
    تلميذتك
    أمينة
    ههههههههه
    اقصد
    الهام احمد سعد

  3. #3
    عضو غير مفعل
    تاريخ التسجيل : Sep 2007
    الدولة : فوق الأرض..وتحت السماء..وحيث اللحاف..النجوم!
    العمر : 32
    المشاركات : 2,044
    المواضيع : 86
    الردود : 2044
    المعدل اليومي : 0.34

    Talking

    اقتباس المشاركة الأصلية كتبت بواسطة وائل محمد القويسنى مشاهدة المشاركة

    [

    *ليسمح لنا السادة رواد العامية فى واحة الخير أن نزاحمهم قليلا... (ربنا يجعل كلامنا خفيف عليهم) ههههه
    جئتُ الآن فقط أعقب على آخر عبارة....
    ولي عودة للتعقيب على القصيدة....
    التعقيب على قووووووووول دكتورنا الحبيب مصطفى
    بالحبر السري
    ههههههه
    مودتي

  4. #4
    الصورة الرمزية حامد أبوطلعة شاعر
    تاريخ التسجيل : Jun 2008
    الدولة : السعودية - جازان - أبو عريش
    العمر : 50
    المشاركات : 852
    المواضيع : 75
    الردود : 852
    المعدل اليومي : 0.15

    افتراضي

    اقتباس المشاركة الأصلية كتبت بواسطة وائل محمد القويسنى مشاهدة المشاركة
    سى السيد*
    ***
    كان العرف السايد هوه
    كان ...
    سى السيد
    كان لو قال :"يا أمينة"... تفز ..
    كانت العيشة معاها تلذ..
    كان لو قال :"الشمس هاتطلع نص الليل"
    ......هيه تشوف فى الكلمة دليل
    كان لو بص ف عينها ....
    يشوف للخوف تماثيل
    كانت زى الصخر قصاده ما تتحركش
    كان لو يأمر..
    هيه تنفذ ما تفكرش
    كان لو عايز..
    هيه تكون وما تترددش..
    كان لو.......
    كان.. سى السيد..
    كان سى السيد زى السيف
    لكن سيف سى السيد طبعا ..
    مابقاش سيف..
    بقى دلوقتى السيف لعبتها..
    هيه بتلعب بيه ....وبكيفها
    واسمه كمان بقى ..(جوز الست)
    بقت الكفه الراجحة لحوا
    ما بقاش هوه
    ليه اختل ميزان الكون؟!
    واللى تعوزه الست يكون؟!
    ليه الحال بقى سيء جداً؟!
    ليه الراجل ما بقاش سيد؟!
    واما تشور الست يأيد؟؟؟
    أنا مش طالب ..نرجع لأمينة وسى السيد
    لكن عفوا..
    عايز اجمّع
    حبّة عقل..
    وحبّة فكر ..
    وحبّة جراة..
    واطلب نتساوى مع المرأة !!!!
    *
    *
    *
    وائل القويسنى

    *ليسمح لنا السادة رواد العامية فى واحة الخير أن نزاحمهم قليلا... (ربنا يجعل كلامنا خفيف عليهم) ههههه
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    ينصر دينك

    www.hamedabutalah.com

  5. #5
    الصورة الرمزية مصطفى الجزار شاعر
    تاريخ التسجيل : Dec 2006
    الدولة : مصر.
    العمر : 46
    المشاركات : 3,077
    المواضيع : 149
    الردود : 3077
    المعدل اليومي : 0.49

    افتراضي

    ههههههههه

    المبدع وائل القويسني

    لقد استفزّتني وأعجبتني هذه القصيدة وهذا الموضوع بالذات بفكرته المطروحة

    ولذا.... فهو:

    [blink]للتثبيت[/blink]

    لتدور حوله الصولات والجولات بين (سي السيد) و (أمينة)، قديماً وحديثاً

    ولي عودة ...... بالتأكيد إن شاء الله

    تحياتي وتقديري أيها المبدع

  6. #6
    قلم مشارك
    تاريخ التسجيل : Sep 2005
    الدولة : سوريا
    المشاركات : 234
    المواضيع : 19
    الردود : 234
    المعدل اليومي : 0.03

    افتراضي


    هيه بتلعب بيه ....وبكيفها
    واسمه كمان بقى ..(جوز الست)
    بقت الكفه الراجحة لحوا
    ما بقاش هوه
    ليه اختل ميزان الكون؟!
    واللى تعوزه الست يكون؟!
    ليه الحال بقى سيء جداً؟!
    ليه الراجل ما بقاش سيد؟!
    واما تشور الست يأيد؟؟؟

    الأخ الفاضل وائل القويسني

    اسمحلي أرد عليك باللهجة العامية المصرية
    ست أمينة كانت عايشة لبيتها وجوزها وكان همها تسعدهم ونسيت نفسها وما كانتش بتسأل وبتتطأس زي غيرها كتير من ستات الايام دي وكانت بتداري على بيتها وولادها وبتحن عليهم زي القطة كانوا هم دنيتها وكل حياتها كانت مستعدة تضحي بروحها عشان سعادتهم
    إنما سي السيد ماقدرش دا كلو واستغل بساطتها وسذاجتها ولعب بديلو بص لغيرها وجرح كرامتها ودا من أصعب الأمور عند المرأة وصعب إنها تغفرهولو بس كانت عارفة ومتأكدة إنو مسيرو هيصحى ويرجع لها تاني عشان هي القلب الحنين اللي فضل مخلص لوه عالحلوة والمرة وماخانهوش ولا اتخلى عنو أبداً
    دي الوقت كل شيء اتغير لكن ست أمينة بتاعة النهارده لو حبت واتحبت وشافت الإخلاص من اللي بتحبو هتقدم أكتر وهتعطي أكتر وهتصون الإنسان اللي حبتو وتحترمو
    مع شغل البيت اللي كانت بتؤديها زمان صارت بتشتغل بره البيت زيها زيو دي حتى تفوقت عليه في حاجات كتيرة وهو مابيفكرش يساعدها في البيت ليه عشان هو الراجل وهو اتربى كده
    اتغيرلك شوية ياسي السيد وهتملكها بعطفك وحنانك مش بقوتك وجبروتك
    أعجبتني القصيدة / حلوة أوي /
    ولكن لا تعميم هنا فليست النساء سواء
    قناعتي أن الإنسانة التي تحترم نفسها لا ترضى بل ويعيبها أن يقال عن زوجها ورفيق دربها / جوز الست /
    دمت في تألق
    تحياتي
    الهام محمد
    الهام محمد

  7. #7
    الصورة الرمزية أحمد عبدالحي قلم منتسب
    تاريخ التسجيل : Jul 2008
    الدولة : بلقاس _ دقهلية _ مصر
    المشاركات : 4
    المواضيع : 1
    الردود : 4
    المعدل اليومي : 0.00
    من مواضيعي

    افتراضي بص ياعم وائل كله الا الستات

    بص يا عم وائل خد دي


    ياهل الدين والسنه قولولهم
    والله دي حاجه حرام
    اللي يجوز بنته صغيرة
    شئ مش صح تمام
    واللي يجوز عَذبه لعيل
    يبقي بيقضي عليه
    والله دي حاجه تحزن جدا شوف التالي ايه
    راجل فحل مفلطح حيطه وشنبه عليه صقرين
    كا بيدور علي بنوته تيجي يا دوب شبرين
    اصل مزاج مولانا الابعد ان مراته تكون
    اجمل بنت في حارة علوه
    ومشفهاش انسان
    والله دي حاجه تحزن جدا بص معايه عليه
    كانت فاطمة السيد مرعي خاطبة شارع الذوق
    عامله الانتر نت الدولي ياخونا ولا السوق
    بتجوز في الناس بالزوفه
    وبتحقق لاشواق
    والله العلم بحوره وسيعه سبحان الرحمن
    قعدت فاطمة وضغطت انتر ظهرت صوره عليه
    الكمبوتر يصرخ فجأة
    حلوه يا بنت الايه
    ابو زنوبه بيفتح بقه وبيبرق في عنيه
    جوزيهاني يا فاطمة ارجوكي وميهمكش الناس
    يدخل فجاة ابوها عليها افرحي يا جمالات
    جالك عريس وايه ريس ماله يتعد بالوفات
    لابس جبه ايافه شياكه يشبه للبهوات
    والله باينه الحظ اتحسن زرغتي يام الخير
    بعد سبوع من يوم الدخله
    الحق ياسي ظريف
    بنتك راحت عا المستشفي
    باين جالها نزيف
    بعد يومين بالظبط ياعمي ودوها الانعاش
    خرج الدكتر وشه مجهم
    طبطب فوق لاكتاف
    حيلك شده وخليك راجل
    ربك فوق موجود
    طاب ليه طيب نرمي اولادنا بادينا في النار
    لاذم نقعد حبه نفكر قبل ما يوم نحتار
    خدها نصيحه مني هاقولها غير قابله لتاويل
    حط بناتك جوه عيونك واتغطي بالجفون
    زي م قالها رسولنا الخاتم
    رفقا بالقوارير

    اي خدمه

  8. #8
    الصورة الرمزية شيماء وفا قلم فعال
    تاريخ التسجيل : Apr 2008
    العمر : 42
    المشاركات : 1,347
    المواضيع : 20
    الردود : 1347
    المعدل اليومي : 0.23

    افتراضي

    بتسال ليه ؟ بقي مش عارف ليه ؟
    مين نصبه سيد عليها زمان ؟
    ومين انهارده نصبه جوز الست ؟
    هو ايوا هو الرجل من فعل هذا
    هو من امسك بالسيف واذلها ف الماضي
    فتحولت الان الى حاملة السيف وتحاول الانتقام منه
    فلم يجمعهما الحب ف الماضي
    واعتقد انه مازال لا يجمعهما
    لذا ستظل الحرب مشتعله
    ف البحث عن المساواه

    استاذى العزيز
    تسجيل اعجاب بكلماتك
    مع الوعد بعوده
    لانه موضوع سيكون على ما اعتقد حاله من النقاش
    الكبير بين ادم وحوا
    وحرب مازالت ستشتعل اكثر
    في ظل البحث عن ما يريدونه الذى لا يعرفونه اصلا

    مؤقتا
    تقبل تحياتى
    ولى عوده

  9. #9
    الصورة الرمزية أحمد محسن الحديدي شاعر
    تاريخ التسجيل : Oct 2007
    الدولة : المنصورة - مصر
    المشاركات : 237
    المواضيع : 22
    الردود : 237
    المعدل اليومي : 0.04

    افتراضي

    أخي وائل السلام عليك ورحمة الله وبركاته
    قصيدتك جميلة وروحك في العامية مختلفة عن روحك في الفصحى ولكن أنت في كلاهما مبدع
    أعجبني في القصيدة الرمز_ كما فهمت_ ولم تعجبني النهاية ولي عندك طلب
    لاتجعلها تتساوى مع المرأة فمكانها كما كانت من قبل.تحياتي لك.

  10. #10
    الصورة الرمزية علاء عيسى قلم فعال
    تاريخ التسجيل : Jun 2006
    العمر : 54
    المشاركات : 1,651
    المواضيع : 95
    الردود : 1651
    المعدل اليومي : 0.25

    افتراضي

    طبعاً
    مش قايل حاجة
    مش هاقدر انصرك علنى
    آه
    دى مافيهاش زعل
    وعلى رأى اللمبى
    " اللى يختشى من بنت عمو
    مايجبشى منها خضار "
    ههههههههههههههههه
    هو أنا مجنووووووووووووووون
    أما بالنسبة للقصيدة
    فلة
    ههههههههههههههههه
    على فكرة
    أنا معرفكشى
    أيوه
    خلينا سالكين
    هههههههههههههههه
    تحياتى ياوائل
    هذا بعض منى http://alaaeisa.maktoobblog.com/

صفحة 1 من 7 1234567 الأخيرةالأخيرة

المواضيع المتشابهه

  1. من قتل الشهيد السيد الحكيم؟!
    بواسطة د. الخضاري في المنتدى الحِوَارُ الإِسْلامِي
    مشاركات: 30
    آخر مشاركة: 19-07-2008, 06:18 AM
  2. أيها الساقي .. قصيدة اعجبتني للمبدع السيد غازي
    بواسطة د.جمال مرسي في المنتدى الاسْترَاحَةُ
    مشاركات: 5
    آخر مشاركة: 12-07-2008, 01:32 PM
  3. رحبوا بأخيكم محب النحو أخي الفاضل السيد عبد الحق
    بواسطة زاهية في المنتدى الروَاقُ
    مشاركات: 4
    آخر مشاركة: 17-12-2005, 08:25 PM
  4. رسالة الى السيد جورج بوش الصغير
    بواسطة مهند صلاحات في المنتدى النَّثْرُ الأَدَبِيُّ
    مشاركات: 2
    آخر مشاركة: 21-12-2004, 09:49 PM
  5. إلى أمير المجاهدين وسيد المقاومين السيد حسن نصر الله
    بواسطة سعيد الشبيب في المنتدى فِي مِحْرَابِ الشِّعْرِ
    مشاركات: 6
    آخر مشاركة: 20-06-2004, 10:42 AM