قصيدة : العروسة عاوزة مين ؟

العَروسَة عَاوزَة مِينْ ؟
يا ترى الدنيا وخدانا في أي اتجاه ؟
الله أعلم بينا بكره .. و إيه هيحصل في الحياة
الكل مستني .. مين هييجي
و مين هيرمي للبلد طوق النجاة
بس إللي شايفُهْ صورة مهزوزة لعريس
والعروسة إللي معاه !!!
.................................................. ...
يا تري مصر العروسة
بكره يبقي عريسها مين ؟
البوصلة ماشية فوق وتحت .. شمال يمين
كلنا بنقول ... مين رئيسنا ؟
ومين هيحكم ؟ ... و مين ... و مين ؟
ألف حاجة جوه راسنا
و ألف ألف سؤال بيجروا ... حيرانين
كل يوم ... ماسورة طافحة مرشحين
................................................
كل واحد شاف في نفسه أجدع رئيس
ولسه يا ما نشوف ونسمع ...
وَحِدُوه ... يا موحدين
مصر دلوقتي عروسة
ألف واحد جاي بيخطب
شاف في نفسه عريس متين
شاف كمان إنه أجدع ألف مرة . إنها عشقاه سنين
وإنها .. إن كانت بهية ... هو بس .. بميت ياسين
.................................................. .............
بس مصر من بعيد .... واقفة بتضحك ..!!!
تقول يا ناس ... بالذمة قولوا ... عريسي فين ؟
كل إللي شيفاهم عجايز .. إما عدوا سن الجواز
و للا لسه فرز تاني ... صغيرين
و للا غاويين بس يجروا .. وسط زفة
وسط هُليله .. و لَمه .. كلهم مش معزومين
.................................................. .........
ميت خسارة .... كل يوم عريس جديد
كإنى بس طالبة الجواز
وللا بيعة في المزاد . وللا في أسواق العبيد
أنا مش عاوزة العريس .. أي عريس
زي إللي قبله ... قلبه ميت أو عنيد
أو يكون واحد غبي عمره ما يبص لبعيد
أو يكون واحد أناني ... بير فساد
كل فكره .. إزاي يفيد .. ويستفيد
أو يكون عنده عيال .. هَمْهُ إمتي يورثوه
طول حياته ما يشبعوش .. كل يوم هل من مزيد
.................................................. ............
نفسي يجى عريس حقيقي .. قلبه جامد .. عنده عقل
عنده صدق .. عنده حكمة .. عنده تقوى .. عنده دين
فيه مروءة .. فيه أمانة .. فيه كرامة .. فيه حنين
يحب بلده .. يعشق ترابها ... يحب ناسها الطيبين
مش يجيلي واحد وبس .. يحب نفسه
غاوي سُلطة ... غاوي زفة كدابين
نفسي واحد .. فيه شهامة .. فيه رجولة
واد شباب معجون بطين
أرض مصر حته مِنه ..
حتى مَية نيلها أشوفها .. نقطة عرق فوق الجبين
.................................................. ...........
نفسي واحد قلبه أسد .. واد شجاع
فيه جراءة .. و ييا حِكْمَة مطلوبين
يوزِن أموره من غير تهور أو سذاجة أو عباطة
يِوَدِي بلده في داهية سُودة .. في ثانيتين
عايزة واحد .. كله عقل .. كله عدل .. قلبه عدل
خطوته .. حق .. وعدل
يجي ويسَمِي .. يجي و معاه النصر المبين
دي شروطي .. دي مطالبي ..
إللي شايف نفسه فيهم .. يرمي بياضُه
الشعب يحكم .. والدنيا تحكم كلها
بس قولوا .. هو فين ؟!! .. هو فين ؟!!
شعر : د هاني ابوالفتوح
الكويت – الجمعه 1 ابريل 2011

نفسي يجى عريس حقيقي .. قلبه جامد .. عنده عقل
عنده صدق .. عنده حكمة .. عنده تقوى .. عنده دين
فيه مروءة .. فيه أمانة .. فيه كرامة .. فيه حنين
يحب بلده .. يعشق ترابها ... يحب ناسها الطيبين

اخي د هاني الجميل المبدع
اخيرا سمح لي النت بالتصفح والدخول للجمال
قصيدة جميلة بنت وقتها
نسأل الله اتقانا واوعانا واحرصنا واذكانا ومن معه على شاكلته امين
تحياتي ايها المبدع
رائعة وجميلة بروعة فكرك المنير اخي الفاضل

نفسي واحد قلبه أسد .. واد شجاع
فيه جراءة .. و ييا حِكْمَة مطلوبين
يوزِن أموره من غير تهور أو سذاجة أو عباطة
يِوَدِي بلده في داهية سُودة .. في ثانيتين
عايزة واحد .. كله عقل .. كله عدل .. قلبه عدل
خطوته .. حق .. وعدل

أليس من الظلم أن اثنتين وعشرين بلدا عربيا تحلم بذلك العريس المستحيل

لماذ هو مستحيل عندنا وموجود عند غيرنا؟

أصبت شاعرنا

بوركت

قصيدة رائعة د. هاني

وأحاسيس أبية هطلت بها الحروف فأينعت نصرا وجمالا

لهذا فستجد العروس من تريد
ومن يستحقها

ألا يقول الواقع اليوم ذلك؟؟

دمت بألق

(بسّ قولوا ... هوّ فين؟)


أخذتُ أُردّدُ أنا كذلك نفس السؤال

قصيدة عبرت عن مكنون الحال رغم كثْرة المتقدّمين في الظاهر

لم أر حتى الآن واحداً يصلح و لو للتصفيق في ليلة الزفاف ..

ربما يظهر فجأة أحد الأبطال/الطفرة مرتدياً عباءة "فيسبوكية" ليطلب يد العروس !

و بينما يكونُ الواهمُ بطلاً في هذا المشهد تُعلنُ مصرنا الحبيبة عن قرارها الشامخ الأصيل


أُحييك دكتور هاني أبو الفتوح


على هذه الشاعرية ، و تلك الصورة التي اعتادت أن ترسمها مصر من حينٍ لآخر

لإعادة اكتشافها في كل مرة من جديد


أليستْ هي "أم الدنيا" ، و هي "عروس" الحضارات ، و "شَفَر" الثورات ؟

أكادُ أرى الأغاريد بين أهازيج الفرح


أسعدَكَ الله شاعرنا ،

و حقّق بالنصر آمال أمتنا

يارجل زهى بإيطار بديع الالوان


ويانهرٌ يفيض بإحساس صادق

د\ هانى

كلماتك رائعه واكثــــر
شُكراً لكَ


نور الجريوى

السلام عليكم ورحمة الله

قلت كل ما عندنا من تساؤلات

شكرا جزيلا دكتور

نفسي يجى عريس حقيقي .. قلبه جامد .. عنده عقل
عنده صدق .. عنده حكمة .. عنده تقوى .. عنده دين
فيه مروءة .. فيه أمانة .. فيه كرامة .. فيه حنين
يحب بلده .. يعشق ترابها ... يحب ناسها الطيبين

اخي د هاني الجميل المبدع
اخيرا سمح لي النت بالتصفح والدخول للجمال
قصيدة جميلة بنت وقتها
نسأل الله اتقانا واوعانا واحرصنا واذكانا ومن معه على شاكلته امين
تحياتي ايها المبدع
رائعة وجميلة بروعة فكرك المنير اخي الفاضل

الأخ الحبيب الرائع الأستاذ الطنطاوي
أدعو الله أن يتقبل دعاءك ويمنح مصرنا ما تستحقه , مرورك بكلماتي المتواضعة أضاءها وانار حروفها في صدري فلك مني خالص التحية والتقدير وعاطر الثناء

أليس من الظلم أن اثنتين وعشرين بلدا عربيا تحلم بذلك العريس المستحيل

لماذ هو مستحيل عندنا وموجود عند غيرنا؟

أصبت شاعرنا

بوركت

الأستاذة الفاضلة نداء غريب صبري
اسعدني وجودك ومرورك بكلماتي متواضعة خرجت من صدري بأمنيات كبيرة لمصرنا الحبيبة ولكل أمتنا العربية ان يقود زمامها من هم اهل لها , لك مني خالص الشكر والمحبة والتقدير

قصيدة رائعة د. هاني

وأحاسيس أبية هطلت بها الحروف فأينعت نصرا وجمالا

لهذا فستجد العروس من تريد
ومن يستحقها

ألا يقول الواقع اليوم ذلك؟؟

دمت بألق

الأستاذة الفاضلة ربيحة الرفاعي زاد الله شأنك وقدرك رفعة وعزاً
ان تحظى كلمات متواضعة خطها عقلي وقلبي بإعجابكم فهو والله منتهي الأمل خاصة وان ردكم الكريم بحروف من نور أضاءت قلبي وعقلي وعطرت الأرجاء , تقبلي خالص مودتي وتقديري واحترامي وصادق دعائى لكم