\
\
\
ولتاني مرة بيقتلوك
يا زهر يا بلدي وكان جميل
يا شباب و اهدلنا الحلول
بدماه تسيل تروي النخيل
يا قاضي ليه الظلم ليه
دم الشهيد بيقول حرام
ليه يا قاضينا عملت ايه
تشرب من الدم اللي عام
ولتاني مرة بيقتلوك
هما ورئيسهم يا شهيد
ايديه و من امره اغتالوك
والقاضي قتلك من جديد
اطلع لهم في منام كئيب
وكابوس و خلَّع قلبهم
دلدل مشانق صرختك
في سقفهم و ف قصرهم
دول تاني مرة يغتالوك
و يعذبوك في اخرتك
رغم انا عارفينك في سعد
و الجنة هي هديتك
لكنهم
بقضاة قلوبهم من حجر
و عقول وجودها م الخطر
وحرام نسميهم بشر
قتلوك وشربو ميتك
ومسحو الايادي في جثتك
ياناس حرام
الضرب في الميت حرام
السلخ للمدبوح حرام
والعدل فينا في عرف قاضينا الهمام
ثورتنا تاخد حقها
منك ومنكم يا قضاة
واللي مبيخاف ربنا
مش مننا
ولا يوم يقضيه في حكمنا
و احنا وربي مش هنسكت لكل مغتر وجبان
دم الشهيد هيقول كمان
واحنا نلبي دعوته ونقول وراه
احنا فداك على خطوتك ماشيين معاك
وفي سكتك ماشيين وراك
دا عهد لله ربنا ولمصرنا نحمي ترابها كلنا
ولو تمنها دمنا يرخص لها و يجيب لنا
نصرة تعشش عندنا
وبدرها يطلع بنا
لاجيال هتيجي بعدنا
تورث بطولة يا شهيد
والنور يقيد بعديها تترحم لنا
/
/
/
دمتم مبدعين ابدا