أحدث المشاركات

بكاء على الاطلال» بقلم أحمد بن محمد عطية » آخر مشاركة: أحمد بن محمد عطية »»»»» مصير الكوكب على متن الشراع الشمسي» بقلم إبراهيم أمين مؤمن مصطفى ح » آخر مشاركة: ناديه محمد الجابي »»»»» قراءة فى بحث تجربة ميلغرام: التجربة التي صدمت العالم» بقلم اسلام رضا » آخر مشاركة: اسلام رضا »»»»» وذُلّت الأعناق مقتطف من رواية قنابل الثقوب السوداء...» بقلم إبراهيم أمين مؤمن مصطفى ح » آخر مشاركة: إبراهيم أمين مؤمن مصطفى ح »»»»» الفصل الثاني من رواية وتستمر الحياة بين يأس و تفاؤل الأم الجريحة» بقلم بوشعيب محمد » آخر مشاركة: ناديه محمد الجابي »»»»» و تستمر الحياة بين يأس و تفاؤل الفصل الأول من الرواية بقلم بوشعيب» بقلم بوشعيب محمد » آخر مشاركة: ناديه محمد الجابي »»»»» قراءة في بحث أمور قد لا تعرفها عن مستعمرة "إيلون موسك" المستقبلية» بقلم اسلام رضا » آخر مشاركة: اسلام رضا »»»»» نعم القائد» بقلم عطية حسين » آخر مشاركة: احمد المعطي »»»»» قراءة في مقال يأجوج و مأجوج ... و حرب العوالم» بقلم اسلام رضا » آخر مشاركة: بوشعيب محمد »»»»» الطفل المشاكس بقلمي» بقلم بوشعيب محمد » آخر مشاركة: بوشعيب محمد »»»»»

صفحة 7 من 13 الأولىالأولى 12345678910111213 الأخيرةالأخيرة
النتائج 61 إلى 70 من 124

الموضوع: ومضات

  1. #61
    شاعر
    تاريخ التسجيل : Sep 2013
    المشاركات : 209
    المواضيع : 25
    الردود : 209
    المعدل اليومي : 0.05

    افتراضي

    بسم الله الرحمن الرحيم

    لما قريت نبضك صحيت=وانا كنــت نايـــم جوه بيـتْ
    قلبي انتعش لما التقـيت=الحرف صـــــادق جوة بيتْ
    واللحن صحصح مهجتي=وتركت من ساعتي ياريتْ
    اسمع حااقولك كلمـــتين=خليك على نفـــس الطريق
    مهما تلاقي من همــــوم=اوعى تخاف وهم الحـريق
    خليك شجاع ولايوم تلين= دا الفجر أذن بالـــشروق
    عبدالقادر الحسيني

  2. #62
    الصورة الرمزية محمود موسى شاعر
    تاريخ التسجيل : Jun 2006
    العمر : 39
    المشاركات : 836
    المواضيع : 170
    الردود : 836
    المعدل اليومي : 0.13

    افتراضي

    أنا مش إخواني
    لكن إخواني
    عايشين في جحيم

    اتكاتروا عليهم
    ياما ناس قبليهم
    والجو قديم

    اللي عرف نفسه بيكدب ليه؟
    يحدف للشمس تراب.. يرميه
    لكن يترَدّ ترابه عليه
    مايشوفش الشمس كمان بعينيه

    محناش شعبين
    بطلوا تلقين
    كده بزيادة

    كان لينا ميدان
    يجمعنا زمان
    اصحوا يا سادة

    سيبكم م النصر المجاني
    دي سموم علشانك وعشاني
    وأخوك مش من كوكب تاني
    هو وإخوانه.. إخواني
    facebook.com/mousapoet

  3. #63
    الصورة الرمزية محمود موسى شاعر
    تاريخ التسجيل : Jun 2006
    العمر : 39
    المشاركات : 836
    المواضيع : 170
    الردود : 836
    المعدل اليومي : 0.13

    افتراضي


    ماحدش عزمني
    في وقت الهتاف ..
    وكل اللي عشته
    ده كان اكتشاف
    ماحدش دعاني
    في لحظة مخاطرة
    أشوف مصر حاضرة
    عشان الزفاف

    ماكنتش محامي
    ولا بتاع أسامي
    وكل الحكاية
    ماعدتش بخاف
    ماحدش عزمني
    في وقت الهتاف

    كانت دعوة عامة
    ليوم الميلاد
    تقول يالاّ ودّع
    سنين الحداد
    يسافر ألَمْنا
    ونرفع علَمنا
    في كل الشوارع
    لقيت احتشاد

    ماحدش عزمني
    أدق الطبول
    في حرب المفاسد
    على دُول ودُول
    ما اسَلّمش نفسي
    واسَلّم بلدنا
    ولا لحكم عسكر
    ولا للفلول

    ومن غير مؤاخذة
    كلامي اعتراف
    ماحدش عزمني
    في وقت الهتاف

  4. #64
    الصورة الرمزية هنــا محمد قلم نشيط
    تاريخ التسجيل : Jun 2013
    الدولة : بإحدى الغيمات !
    المشاركات : 482
    المواضيع : 23
    الردود : 482
    المعدل اليومي : 0.12

    افتراضي

    متاخر وصولي لما جيت
    قريت النهاية رجعت ابتديت
    وروحت للأول تاني وبقيت
    وآآه مالجمال إلّي لاقيت :)
    الله بجد ومضات مفعمة بالجاذبيه
    تسلم الأيادي أستاذي






  5. #65
    الصورة الرمزية محمود موسى شاعر
    تاريخ التسجيل : Jun 2006
    العمر : 39
    المشاركات : 836
    المواضيع : 170
    الردود : 836
    المعدل اليومي : 0.13

    افتراضي

    اقتباس المشاركة الأصلية كتبت بواسطة عبدالقادر الحسيني مشاهدة المشاركة
    بسم الله الرحمن الرحيم

    لما قريت نبضك صحيت=وانا كنــت نايـــم جوه بيـتْ
    قلبي انتعش لما التقـيت=الحرف صـــــادق جوة بيتْ
    واللحن صحصح مهجتي=وتركت من ساعتي ياريتْ
    اسمع حااقولك كلمـــتين=خليك على نفـــس الطريق
    مهما تلاقي من همــــوم=اوعى تخاف وهم الحـريق
    خليك شجاع ولايوم تلين= دا الفجر أذن بالـــشروق
    عبدالقادر الحسيني
    حبيبي عبد القادر باشا اللي منورني دايما
    مرور لا تجاريه الكلمات صديقي المبدع :)

  6. #66
    الصورة الرمزية محمود موسى شاعر
    تاريخ التسجيل : Jun 2006
    العمر : 39
    المشاركات : 836
    المواضيع : 170
    الردود : 836
    المعدل اليومي : 0.13

    افتراضي

    اقتباس المشاركة الأصلية كتبت بواسطة هنــا محمد مشاهدة المشاركة
    متاخر وصولي لما جيت
    قريت النهاية رجعت ابتديت
    وروحت للأول تاني وبقيت
    وآآه مالجمال إلّي لاقيت :)
    الله بجد ومضات مفعمة بالجاذبيه
    تسلم الأيادي أستاذي





    الله يحفظك يا هنا
    أعجزتيني عن الرد صدقًا
    شكرًا لك :)

  7. #67
    الصورة الرمزية محمود موسى شاعر
    تاريخ التسجيل : Jun 2006
    العمر : 39
    المشاركات : 836
    المواضيع : 170
    الردود : 836
    المعدل اليومي : 0.13

    افتراضي

    على كرسي الإعدام
    (نفسك في إيه قبل الرحيل)

    **
    نفسي مخي يطير ويعمل
    في السما منظر سحابة
    مطّرِت ع الأرض لكن
    كل مرة بتسْقي غابة
    تكْبَر الأشجار ودايمًا
    فيها يتدارى الديابة
    ينهشوا الأحلام وغيرهم
    اتشبك ياما ف خطرهم
    بس في الآخر مصيرهم
    يتكتب ع النار كتابة
    نفسي أعرف
    اللي عايشه
    دهْ غضب ولا ابتلاء
    نفسي أفْهم..
    كان شعوري ناحية الكوكب وناسه
    كان نتيجة مفهومية
    ولا أعْراض للغباء
    نفسي لو يسبق لعلمي
    إمتى يا لسان الخلايق
    مرة هتبَطّل تنقّط فوق ودان الناس رياء!
    نفسي لو كانت في جوفي
    ألف نفْس وألف روح
    لجل تطْلع في سبيل إنسان مسالم
    و ف سبيل الحلم لو قرّب
    لدَفّة كل حالمنفسي أقرا الفَجر في عيون اللي بسْم الحق شاهد
    والجميع يفهم بإن الرب واحد
    والوطن يفرَح
    ولا يتمَسّ يوم من شر حاسد
    نفسي أدخل عقل ظالم
    مهما كان في الظلم سنُّه
    وَاقرا أقدم صفحة بانت
    من كُتُب عاش فيها ظنه
    لجل أفهم حاجة خلّت
    مستواه في الظلم عدّا
    والشيطان بيغشّ منه
    نفسي لو في دقيقة واحدة
    من جناب عشماوي بيه..
    لجل م اسأل..
    لو هموت دلوقتي حالاً
    مُتّ ليه؟!

  8. #68
    الصورة الرمزية محمود موسى شاعر
    تاريخ التسجيل : Jun 2006
    العمر : 39
    المشاركات : 836
    المواضيع : 170
    الردود : 836
    المعدل اليومي : 0.13

    افتراضي


    لسانك حصان
    لكنك جبان
    ومركوب هتفْضل
    في نفس المكان
    لا حصَّلْت صيني
    ولا أمريكان
    ماعندكش قيمة
    عشان الشتيمة
    سلاحكو الوحيد
    وجربتوا ثورة
    وبعديها ثورة
    ولسة عبيد
    صاحبنا اللي عامل بُرَم في السياسة
    وآخرتها يفْضل ككلب الحراسة
    يعاد امتحانك
    ولساك مكانك
    وزاد امتهانك
    وراسك مُداسة
    وفاكر بإن اللي يحلم يفيدك
    بيحلم غلاسة!
    خد الباب في إيدك
    يا مِستر مواطن
    في لحظة ما تقفل وراك المطار
    وماتسيبش شارع
    ولا النور ده والع
    ماتقلقش؛
    ماشيين في نفس المسار
    ومالطة اما تخرب
    هتبقى انت مطرب
    تسَلِّم أيادي اللي فلَّق وطار
    وإيد اللي سَبَّق وهَدّ العمار..
    يا أتفه ضريبة
    ومشروع زريبة
    يا أرخص ركوبة لأرخص ملِك
    لسانك ده ولاّ يكُون زمبلك؟
    عيونك دي شاشة
    لتوفيق عكاشة
    و راسك دي كِيس
    مفَتّحها دايمًا
    عشان تبقى مَلقف زبالة لميس
    بَشوف اللي زيك
    في قهوة .. ومترو وكمان ميكروباص
    لسانك يدلدق
    في زفت وبوتاس
    تموتني بالضغط؛ لو كان بإيدي
    راح امسك رقبتك
    وَاقول القصاص!

  9. #69
    الصورة الرمزية محمود موسى شاعر
    تاريخ التسجيل : Jun 2006
    العمر : 39
    المشاركات : 836
    المواضيع : 170
    الردود : 836
    المعدل اليومي : 0.13

    افتراضي


    انت أكيد من عالم تالت
    ******
    لو عايش دايمًا صعلوك
    دايمًا بين الناس مملوك
    تتظاهر بالعكس وتنكر
    والناس تضحك لو يشوفوك

    لو جهلك دايمًا عنوان
    تتلامض وبربع لسان
    فالح بس ف كل كلامك
    تتسَنّد على مجد زمان

    تتمحك في الجد السابع
    وانت يا إبني مجرد تابع
    وبترسم أساطير لصحابك
    ناقصك بس تلم طوابع

    وبتاع مصلحتك وغاويها
    بس ياريتك فالح فيها
    لو بإديا قصاد فهلوتك
    كنت هسمّيك "سعد نبيهة"

    أسهل حاجة تبات منصور
    تصبح -بعد غباء- مكسور
    تستعجل ياما خراب عشك
    بعد ما طال زَنّ الدبور

    لو تغضب من كلمة اتقالت
    وانت يا فسل لسانك فالت
    تتاخد بالصوت وتنخنخ
    تبقى أكيد من عالم تالت

  10. #70
    الصورة الرمزية محمود موسى شاعر
    تاريخ التسجيل : Jun 2006
    العمر : 39
    المشاركات : 836
    المواضيع : 170
    الردود : 836
    المعدل اليومي : 0.13

    افتراضي

    مصر كام مليون قولولي
    مصر كام مليون؟
    افرضوا لو يوم وقِف
    مليون قصاد مليون
    ناس كتير بينهم تتاجر
    شُوط طويل ما يبانله آخر
    معركة والكل خاسر
    أو جنون يسْبق جنون
    انتحار الشعب عمرُه
    ما اتولد منه الخلاص
    واللي داق الشعب جمرُه
    فوق دمانا برجْله داس
    يوْرث السُّلطة بْسلاحه
    لما يوْهِم باكتساحه
    واختلافنا يزيد نجاحه
    لو فِضِل فوق المساس
    اللي خسران كل مرة
    ناس بتسعى ف أكل عيش
    ناس غلابة كان بقالها
    100 سنة بتحلم تعيش
    كل ما تشم ف نفَسْها
    أو تحين لحظة خلاصها
    يرجع الباشا اللي داسها
    حِلْمها يصبح مافيش

صفحة 7 من 13 الأولىالأولى 12345678910111213 الأخيرةالأخيرة

المواضيع المتشابهه

  1. ومضات ماسه
    بواسطة فاطمه عبد القادر في المنتدى النَّثْرُ الأَدَبِيُّ
    مشاركات: 21
    آخر مشاركة: 22-04-2019, 07:01 PM
  2. ومضات ماسه 2
    بواسطة فاطمه عبد القادر في المنتدى النَّثْرُ الأَدَبِيُّ
    مشاركات: 7
    آخر مشاركة: 08-01-2015, 03:21 AM
  3. ومضات .. قبستها من الشمس
    بواسطة د.جمال مرسي في المنتدى فِي مِحْرَابِ الشِّعْرِ
    مشاركات: 15
    آخر مشاركة: 15-03-2006, 09:20 PM
  4. ومضات الخالدين- في ذكرى الشهيدين الشيخ أحمد ياسين والدكتور عبد العزيزالرنتيسي
    بواسطة فارس عودة في المنتدى فِي مِحْرَابِ الشِّعْرِ
    مشاركات: 4
    آخر مشاركة: 19-05-2005, 07:22 PM
  5. ومضات من حياة سمير الانسان من خلال شعره
    بواسطة نسرين في المنتدى فِي مِحْرَابِ الشِّعْرِ
    مشاركات: 12
    آخر مشاركة: 08-10-2003, 10:05 PM