أحدث المشاركات

بكاء على الاطلال» بقلم أحمد بن محمد عطية » آخر مشاركة: أحمد بن محمد عطية »»»»» مصير الكوكب على متن الشراع الشمسي» بقلم إبراهيم أمين مؤمن مصطفى ح » آخر مشاركة: ناديه محمد الجابي »»»»» قراءة فى بحث تجربة ميلغرام: التجربة التي صدمت العالم» بقلم اسلام رضا » آخر مشاركة: اسلام رضا »»»»» وذُلّت الأعناق مقتطف من رواية قنابل الثقوب السوداء...» بقلم إبراهيم أمين مؤمن مصطفى ح » آخر مشاركة: إبراهيم أمين مؤمن مصطفى ح »»»»» الفصل الثاني من رواية وتستمر الحياة بين يأس و تفاؤل الأم الجريحة» بقلم بوشعيب محمد » آخر مشاركة: ناديه محمد الجابي »»»»» و تستمر الحياة بين يأس و تفاؤل الفصل الأول من الرواية بقلم بوشعيب» بقلم بوشعيب محمد » آخر مشاركة: ناديه محمد الجابي »»»»» قراءة في بحث أمور قد لا تعرفها عن مستعمرة "إيلون موسك" المستقبلية» بقلم اسلام رضا » آخر مشاركة: اسلام رضا »»»»» نعم القائد» بقلم عطية حسين » آخر مشاركة: احمد المعطي »»»»» قراءة في مقال يأجوج و مأجوج ... و حرب العوالم» بقلم اسلام رضا » آخر مشاركة: بوشعيب محمد »»»»» الطفل المشاكس بقلمي» بقلم بوشعيب محمد » آخر مشاركة: بوشعيب محمد »»»»»

النتائج 1 إلى 5 من 5

الموضوع: الميــــــــــــــــدان

  1. #1
    قلم نشيط
    تاريخ التسجيل : Nov 2006
    المشاركات : 322
    المواضيع : 43
    الردود : 322
    المعدل اليومي : 0.05

    افتراضي الميــــــــــــــــدان

    رسالة....



    لما سألتنى وقالتلى:
    أنت رايح فين ياابنى؟
    أنت رايح ع الميدان
    أوعى برضو تكون ناويها
    زي طلبه مايوم عملها
    طلبه مين؟
    طلبه أبنى
    أيوة ياابنى
    طلبه سابنى وقاللى رايح
    لما شاف الشعب ثاير
    راح وراه
    لما شاف الشعب قايل
    الوطن احنا معاه
    راح وعاش جوة الميدان
    والقمر سهران معاه
    قول له ياابنى يجيلى مرة
    أقسم اللقمة مابينا
    بس اشوفه قبل موتى
    بس انطق من سكوتى
    سابنى وحدى وراح ماجاشي
    بص ياابنى
    مش هاقول لك حاجة تانية
    بس قول له يوم ماسابنى
    دمعى رافض يستجيبلى
    روحى واقفة هناك معاه
    بالسلامة طريقك انت
    كل لحظة وكل ثانية
    بس وصل له امانة
    قول لطلبه
    يجي لجل ماشوفه مرة
    بعدها يروح الميدان
    ..........
    انتهى بينا الحوار
    رحت شادد روحى منها
    واسم طلبه
    اسم بيردد خلوده
    اسم بيعظم جدوده
    اسم بيهز ف كيانى
    فينه طلبه؟
    وف طريقى قابلت ناس
    اللي حاكى ع الميدان
    واللي بيأرخ لنفسه
    والزمان
    واللى واخد صورة كاملة
    للميدان
    واللي جايب عيش وجبنة
    واللي جايب بطانية
    واللي جايب خيمة باهتة
    كل واحد عاش مصيره
    كل واحد عاش لغيره
    كل واحد ليه مكان
    جوة في قلب الميدان
    وف دخولى سمعت هيصة
    وسعوا لجل المصاب
    لهجة بين شدة وصرامة
    بس ممزوجة بعتاب
    وسعوا الجرحى بتكتر
    والجروح صعبة وعويصة
    وسعوا للبدر يطرح
    نوره في قلب الميدان
    لجل مانشوف الضحايا
    والشهيد لما بيفرح
    وسعوا دا شاب لسه
    لسعه ماسمعشي الحكاية
    أسمه أيه
    الشهيد كان أسمه
    طلبه
    دمعه جريت لجل أقول له
    أمك الحزنانة قالت
    وصلتنى ليك أمانه
    بس قبل ماروحى توصل
    السرينة قالت الكلمة الأخيرة

    ف الميدان


    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  2. #2
    الصورة الرمزية فايدة حسن أديبة
    تاريخ التسجيل : Jul 2011
    المشاركات : 2,014
    المواضيع : 115
    الردود : 2014
    المعدل اليومي : 0.43

    افتراضي

    موجعة موجعة حد البكاء
    ابكتني كلماتك رحم الله طلبة ورحم كل شهداء الوطن
    لكِ الله يا مصر النازفة بدم الشهداء الأبرياء

  3. #3
    الصورة الرمزية آمال المصري عضو الإدارة العليا
    أمينة سر الإدارة
    أديبة

    تاريخ التسجيل : Jul 2008
    الدولة : Egypt
    المشاركات : 23,786
    المواضيع : 391
    الردود : 23786
    المعدل اليومي : 4.15

    افتراضي

    لمت ستصل الرسالة وقتلة أيناءنا يتفاخرون بالرقص على أشلائهم ؟
    للظلم نهاية حتمية
    وحسبنا الله ونعم الوكيل
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  4. #4
    قلم نشيط
    تاريخ التسجيل : Nov 2006
    المشاركات : 322
    المواضيع : 43
    الردود : 322
    المعدل اليومي : 0.05

    افتراضي

    اقتباس المشاركة الأصلية كتبت بواسطة فايدة حسن مشاهدة المشاركة
    موجعة موجعة حد البكاء
    ابكتني كلماتك رحم الله طلبة ورحم كل شهداء الوطن
    لكِ الله يا مصر النازفة بدم الشهداء الأبرياء


    دام رقي حضورك الكريم
    أخت فايدة
    ودوما وراء كل حرية دم يقدم
    عربونا للحياة
    تحياتى لك
    أحمد ابراهيم

  5. #5
    قلم نشيط
    تاريخ التسجيل : Nov 2006
    المشاركات : 322
    المواضيع : 43
    الردود : 322
    المعدل اليومي : 0.05

    افتراضي

    اقتباس المشاركة الأصلية كتبت بواسطة آمال المصري مشاهدة المشاركة
    لمت ستصل الرسالة وقتلة أيناءنا يتفاخرون بالرقص على أشلائهم ؟
    للظلم نهاية حتمية
    وحسبنا الله ونعم الوكيل
    رسالتى لكل أم فقدت شهيد
    لهذا الوطن الجميل
    أشكرك اخت أمال
    ودام بهاء حضورك
    أحمد ابراهيم