كنت اتمنى تكون من قلبك

كنت اتمنى تكون من قلبك
كنت اتمنى تكون لي وبس
وافرح بيها واصدق حبك
وارسم بين قلبين ف النص
سهم بيدخل قلبي وقلبك
وافضل اغني بشىء يتحس
مش بشعور بيبان فيه كدبك
أو بعيون بتحب البص
،
افتحي قلبي وشوفي مين فيه
لو صدقتك كنت هقولها
لما بعدتي ما هنشي عليه
يسكنه غيرك أو ينطقها
وانتي قدرتي بهجرك ليه
تفتحي قلبك للي بنارها
ينكوي منك ألف حبيب
أو عاشق مجروح ب ثمارها
،
انتي خلاص اتطور حبك
بس لنفسك مش للغير
مش معقول هتقولي بحبك
وانتي ف قلبك كره كبير
كل اللي يهمك حدوته
تبقي بطلها ف صورت طير
وتعيشي الأدوار مظبوطه
وتخللي اللي يعيشو كتير
،
ابقي ملاكهم وابقي الملكه
كوني برنسيسة أحلامهم
كل ده مش بيأثر فيا
اللي مأثر فيا هلاكهم
كنت هكون من ضمن العامه
وابقى رهينه ف وسط صفوفهم
بس خساره كرهت اللمه
وصحيت من وهمك على صوتهم
،
واتعلمت ماكنشي ضعيف
لما عيونك تضحك ليا
واتهديت مابقتشي خفيف
مهما جمالك شد عنيا
وبقيت حاسم زي السيف
بقطع كل عباره قويه
يعني وعودك والتسويف
مش معقول هيأثر فيا
،
بس اياكي دموعك تنزل
اوعي تقولي هموت من غيرك
وانت القلب الأبيض واعزر
وان التوبه يا بابا ف ديرك
قلبي بكل ذنوبه اتكسر
وانت أكيد هتحس بطيرك
غره جماله وحسن المنظر
واما اتشطر حب يجيلك
،
كل قصايدك لسه حافظها
من أول ما بدأتي صمودك
واول كلمه تكون هنسفها
كلمه بتحيي كتير بوجودك
واللي حصللي ف عهدك ياما
أخر بيت هطويه بطرودك
انسي يا ماما ماعنتش بابا
كل قساوتي دي فضلت خيرك
.
رضا عثمان

الله الله على الجمال
أروع بطاقة تعريف تغني عن تسجيل بيانات
كلمات صادقة لاتخرج إلا من قلب جميل شاعرنا الفاضل
مرور ترحيب أول ولي عودة لأستمتع بجمال النص الذي أطربني
تحيتي والأوركيد

أشكرك أختى الغاليه رنيم على مرورك العطر
ورأيك المشرف
هذه بالفعل أولى قصائدي بالعاميه بمنتداكم المشرق
دمتي بكل خير

السلام عليكم ورحمة الله

نص جميل ومشاعر متدفقة

الموسيقي تنساب بفعل جمال النص وعذوبة الكلمات

اطيب التحايا مقرونة بشكر لما امتعنتنا به شاعرنا الراقي

وعليكم السلام شاعرنا الجميل عايد راشد
الجميل هوا مرورك العطر ومسمعك
وبداية أعرفك بنفسي
أنا أخوك الصغير رضا عثمان
تلميذ فى فن الشعر العامي والغنائي
جئت الى هنا لأتشرف بصحبتكم وأتعلم منكم
دمت بكل حب شاعرنا الجميل

قصيدة جميلة ينساب لحنها برقة

ومشاعر عذبة فيها الألم وعذاب الطعنة والخذلان

ابدعت شاعرنا

بوركت

الاخت الشاعره نداء غريب
أشكرك جدا على مرورك الجميل ورأيك المشجع
دمتى بكل خير

ينساب اللحن هنا ليختطف بعذوبته المتلقي بعيدا حتى عن محاميل النص
فيكتفي بالتحليق في جوّه المسكون بالآه ومرارة الخذلان

لكن عودة متأنية تضع حول الحبيبة علامات استفهام كبيرة
فقد ارتدت أحيانا حلّة الوطن .....
حتى لقد ظننتها هو ....
وليتها لا تكون، فلا يساحق الوطن منا حسا بهذه القسوة ابدا

أحسنت الشعر أيها المبدع

دمت بخير

الأخت الشاعره ربيحه الرفاعي
لكي كل الشكر على مرورك العطر
ثم
بالفعل لم تكن تلك الكلمات الغاضبه في حق الوطن
ولكنها في حق نموذج من النساء رأيته في حياتى
يتباهى بكثرة العلاقات أو لربما يتلذذ في عذاب الأخرين بنار خداعه
دمتى اختى ربيحه بكل خير

قصيدة رائعة التصوير والتعبير
رغم الوعي والقسوة احيانا
الا انك انسان حكيم
او حبيب قديم تعتبر بغيرك قبل نفسك
رائعة اخي الشاعر الجميل رضا عثمان
تحياتي وتقدير
ودمت مبدعا رائعا