أحدث المشاركات

مصير الكوكب على متن الشراع الشمسي» بقلم إبراهيم أمين مؤمن مصطفى ح » آخر مشاركة: ناديه محمد الجابي »»»»» قراءة فى بحث تجربة ميلغرام: التجربة التي صدمت العالم» بقلم اسلام رضا » آخر مشاركة: اسلام رضا »»»»» وذُلّت الأعناق مقتطف من رواية قنابل الثقوب السوداء...» بقلم إبراهيم أمين مؤمن مصطفى ح » آخر مشاركة: إبراهيم أمين مؤمن مصطفى ح »»»»» الفصل الثاني من رواية وتستمر الحياة بين يأس و تفاؤل الأم الجريحة» بقلم بوشعيب محمد » آخر مشاركة: ناديه محمد الجابي »»»»» و تستمر الحياة بين يأس و تفاؤل الفصل الأول من الرواية بقلم بوشعيب» بقلم بوشعيب محمد » آخر مشاركة: ناديه محمد الجابي »»»»» قراءة في بحث أمور قد لا تعرفها عن مستعمرة "إيلون موسك" المستقبلية» بقلم اسلام رضا » آخر مشاركة: اسلام رضا »»»»» نعم القائد» بقلم عطية حسين » آخر مشاركة: احمد المعطي »»»»» قراءة في مقال يأجوج و مأجوج ... و حرب العوالم» بقلم اسلام رضا » آخر مشاركة: بوشعيب محمد »»»»» الطفل المشاكس بقلمي» بقلم بوشعيب محمد » آخر مشاركة: بوشعيب محمد »»»»» @ تَعَاويــذ فراشَــةٍ عَاشِقـَـة @» بقلم دوريس سمعان » آخر مشاركة: دوريس سمعان »»»»»

صفحة 1 من 3 123 الأخيرةالأخيرة
النتائج 1 إلى 10 من 22

الموضوع: كاس العالَم... أول مشاركاتي

  1. #1
    الصورة الرمزية مصطفى الجزار شاعر
    تاريخ التسجيل : Dec 2006
    الدولة : مصر.
    العمر : 46
    المشاركات : 3,077
    المواضيع : 149
    الردود : 3077
    المعدل اليومي : 0.49

    افتراضي كاس العالَم... أول مشاركاتي

    كاس العالَم
    جُوّا الملعب
    شُفت فريقنا العربي الباسل
    لاعب مصري..
    لاعب سوري..
    لاعب لِيبي..
    واللي سعودي
    واللبناني، والإماراتي..
    واللي عراقي، واللي كويتي.....
    كله بيلعب في فريق واحد
    ضدّ فريق.. من لاعب واحد..
    من صهيون..
    حاجة غريبة!!
    لاعب واحد من صهيون؟!!!
    حتى ما فيش لُهْ حارس مَرْمَى
    و شبكتُه فاضيه وْبتنادي للّي يشُوط
    لكنْ حارْس المرمى بتاعنا...
    كان موجود
    اسمُه مْحمّدْ
    ابن الدُّرَّه لو فاكرينُهْ
    ابن الدُّرَّهْ... واقف حارس
    علشان يحمي الشبكة الحرة
    والتحكيم... تحكيم أمريكي
    علشان يبقى الحكم "نَزِيه"
    وعشان نِرْضى بكلّ ما فيه!!
    و الجمهور طبعًا أمريكي
    ويَّا يهود..
    كان منظرهم... زيّ الدود
    أما الملعب..
    زى ما قالوا..
    أرض مُحايدة
    علشان يبقى اللعب بفايدة!!
    كان الملعب... "أرض القدس"
    كاس العالم... كان "الأقصى"
    * * *
    المباراة بدأت يا جماعة
    والصهيوني شادد حِيلُه وِسْط الملعب
    أما فريقنا العربي الباسل
    اتقسِّمُوا تشكيل كالآتي
    واحد فيهم... من أوّلها ساب الملعب
    علشان شاف سنيورة جميلة
    ماشية و شاورت لُه بعينيها.. ساب الماتش وراح ويَّاها!!
    * * *
    لاعب تاني
    ضِمْن فريقنا العربي الباسل
    واقف لابس..
    الجلبية البيضا ايَّاها
    وعلى دماغُه الشال الأبيض
    خايف يلعب
    خايف ع الجلبية البيضا أحسن تتبقّع م الكورة
    خايف يجري
    أحسن دِيلها يروح مرفوع..
    وساعتها هتبان العُورة
    ودا ممنوع
    والتحكيم لو شافُه ساعتها رافع دِيلُه
    هيطلَّع لُه الكارت الـ...
    عفوًا
    *****
    لاعب تالت
    دق"الخِيبة"... قصدى الـ...... ـخِيمة
    جنب الملعب
    مَدِّدْ فيها علشان كان الملعب حَرّ!!
    *****
    لاعب رابع
    ساب الملعب
    وورا الشبكة قاعد حافي
    هوا وواحد م الجمهور
    مُنسجمين وبيلعبوا "طاولة"
    *****
    لاعب خامس
    آه م الخامس!!
    بَصّ بعينُه..
    ما لقاش حدّ من الجمهور..
    بيشجّع منتخبُه العربي
    عِرْق النخوة ضرَب في دماغُه
    قال: "ازاي ما لناش جمهور؟!!!!!"
    ساب الملعب زي زمايلُه وْنَطّ السور
    ووقف وِسْط الناس بينادي ويسقَّف بإيديه ويقول:
    "يحيا فريقنا العربي الباسل...
    يحيا فريقنا العربي الباسل...
    يحيا فريقنا العربي الباسل..."
    !!!!!!!
    *****
    لاعب سادس...
    لاعب سابع...
    لاعب عاشر...
    كل فريقنا العربي الباسل...
    ساب الملعب!!!
    إلا مْحمّدْ
    ابن الدُّرَّة
    حالِف يِحمي الشبكة الحُرّة.. م الصهيوني
    والصهيوني...
    ماشي وِسْط الملعب وحدُه..
    يتمخطر...
    راكب دبابة جُوا الملعب
    قُلنا: "ازاى يركب دبابة جُوا الملعب؟!!!
    هوا ما فيش تحكيم يا جماعه؟!!"
    التحكيم قال: "ما فيهاش حاجة...
    كَمِّل لِعب
    فاضل نُصّ دقيقة واصفَّرْ
    وانْهِي خلاص الشوط الأول".
    * * *
    الصهيوني..
    داخل ع الشبكة العربية
    ومْحمّد واقف ومْصمِّم...
    وبيتشاهِد...
    والصهيوني قرَّب مِنُّهْ
    وضرَب طَلْقِةْ مدفع دخلِتْ جُوّا الـ......... جُوووووووووووووووف...!!!!
    عُروبتنا ماتت م الخوف...
    والله برافو على الرجالة..
    ليه يا مْحمّد؟
    ليه نشِّفت دماغك يا ابني؟
    ليه ما عملتش زي زمايلك؟
    ليه ما جريتش وسِبْت الملعب لما لقيت المدفع جايلك؟
    ليه يا محمد؟
    ليه يا محمد؟!!!
    * * *
    الجمهور دَمَّعْ...... م الفرحة
    علشان فازوا الشوط الأول
    وبيتمنُّوا يفوزوا كمان الشوط التاني
    علشان ياخدوا من أراضينا...
    ... "كاس العالم"
    رُوح العالم...
    طُهْر العالم...
    لكن لأ...
    المباراة لسه ماخلصتشي
    بين الشوط والشوط فيه راحة
    وانا باعلِنْها بكل صراحة..
    لازم كل فريقنا العربي يتجمَّع ويْعِيد ترتيبُهْ
    قبل الشوط التاني ما يبدأ
    ويفكر...
    ازاي هيرجَّع... حَقّ "محمد"
    وساعتها كُلّنا هنشجَّع:
    يحيا "محمد"... واللي معاه
    واللي بينصُر دين الله
    والتحكيم هيكون إسلامي مش أمريكي
    والجمهور جمهور إسلامي... مش أمريكي
    يا كل الدول العربية...
    يا كل "فَرَاوْدِةْ" ملعبنا
    لو نتعاهد... إننا نفضل جُوّا الملعب
    راح نستاهل "كاس العالم"
    نبقى أسُود ونْسُود العالم
    قُوم يا فريقنا...
    قُوم الوقت ماهوش ويَّاك
    مش هيفيد "الوقت الضايع"
    إوعى تكون مستنّي فَرَاوْدَه مِن "حِطّين"!!
    ولاَّ مُدَرِّبْ شاطر إسمُه "صلاح الدين"!!
    فُوق يا فريقنا..
    الملعب مافيهوش الا انتَ
    قُوم يا فريقنا..
    شِيل رجليك يَلاّ من الطين
    دي فلسطين...
    دي الأقصى والروح والدين...
    قُوم يا فريقنا..
    غَيَّرْ مَجْرَى الشوط التاني..
    يِمْكِن ناخُدْ...
    ..."كاس العالم"...
    * * *

    مصطفى الجزار

  2. #2
    الصورة الرمزية د. فوزى أبو دنيا عضو غير مفعل
    تاريخ التسجيل : Jan 2006
    الدولة : Misr - Cairo
    العمر : 62
    المشاركات : 1,770
    المواضيع : 120
    الردود : 1770
    المعدل اليومي : 0.27

    افتراضي

    الشاعر مصطفى الجزار اهلا بك فى الواحة وسعدنا باول اعمالك
    ونتمنى منك الكثير
    نزلنا معك ارض الملعب الممتلاء بنخبة الواحة لنقدم عروض تليق بادبنا العربى. ننتظر منك اللعب بجدية واستبسال
    فى انتظار اهدافك القادمة
    تحياتى ومودتى

  3. #3
    الصورة الرمزية مصطفى الجزار شاعر
    تاريخ التسجيل : Dec 2006
    الدولة : مصر.
    العمر : 46
    المشاركات : 3,077
    المواضيع : 149
    الردود : 3077
    المعدل اليومي : 0.49

    افتراضي

    [QUOTE=د. فوزى أبو دنيا;212302]الشاعر مصطفى الجزار اهلا بك فى الواحة وسعدنا باول اعمالك
    ونتمنى منك الكثير
    نزلنا معك ارض الملعب الممتلاء بنخبة الواحة لنقدم عروض تليق بادبنا العربى. ننتظر منك اللعب بجدية واستبسال
    فى انتظار اهدافك القادمة
    تحياتى ومودتى[/QUOTE
    أخي الكريم/ د. فوزي أبو دنيا

    أشكرك على ترحيبك بي، وتشجيعك لي في أول أعمالي (العامية) في هذه الواحة العطرة.
    أما عن أهدافي فأنا لستُ من (الفَرَاوْدَة) في شعر العامية، مثلكم، بل أنا مجرد شِبل من الأشبال يشاهد كيف يلعب المحترفون، ثم يقلّدهم في ركلة هنا، أو ضربة رأس هناك، لكنه مهما أجاد فلن ينزل الملعب إلا إذا أذنتم له بذلك، ورأيتم لياقته البدنية في الشعر ومهاراته الأدبية تؤهله لنزول مباراة (غير رسمية).
    أما أنتم فتمثلون منتخبنا القومي في الشعر، فأنتم دائماً.... (الكباتن)

    دُمتَ أخاً كريماً، وصديقاً عزيزاً

  4. #4
    قلم نشيط
    تاريخ التسجيل : Nov 2006
    الدولة : مصرـ المنصورة
    العمر : 34
    المشاركات : 799
    المواضيع : 45
    الردود : 799
    المعدل اليومي : 0.13

    افتراضي

    جميل جدا يا استاذ مصطفى والقصيده دى فكرتنى بقصيده من سيفوز بكاس العالم لمصطفى عمار يارب دايما تمتعنا باعمالك واشوف ديوان تانى زى لا تذبحوا ضؤ القمر والقصيده دى رائعه وربنا يزيدك

  5. #5
    عضو غير مفعل
    تاريخ التسجيل : Jul 2006
    المشاركات : 167
    المواضيع : 22
    الردود : 167
    المعدل اليومي : 0.03

    افتراضي

    رغم الاوزان المكسورة فى بعض الابيات
    إلا انها تستحق التثبيت بعد اذن المشرفين
    الفكرة والادهاش والإبهار...قصيدة اكثر من رائعة
    فعلا رائعة
    محبتى وتقديرى

  6. #6
    الصورة الرمزية د. فوزى أبو دنيا عضو غير مفعل
    تاريخ التسجيل : Jan 2006
    الدولة : Misr - Cairo
    العمر : 62
    المشاركات : 1,770
    المواضيع : 120
    الردود : 1770
    المعدل اليومي : 0.27

    افتراضي

    اقتباس المشاركة الأصلية كتبت بواسطة عمرو عبدالرؤوف مشاهدة المشاركة
    رغم الاوزان المكسورة فى بعض الابيات
    إلا انها تستحق التثبيت بعد اذن المشرفين
    الفكرة والأدهاش والإبهار...قصيدة اكثر من رائعة
    فعلا رائعة
    محبتى وتقديرى
    واللهى ياستاذ عمرو انا من رائيك بس هستنى يوم او اثنين لنهاية تثبيت القصائد المثبته حاليا حتى لانكدث مكان التثبيت

    تحياتى للجميع

  7. #7
    الصورة الرمزية مصطفى الجزار شاعر
    تاريخ التسجيل : Dec 2006
    الدولة : مصر.
    العمر : 46
    المشاركات : 3,077
    المواضيع : 149
    الردود : 3077
    المعدل اليومي : 0.49

    افتراضي

    اقتباس المشاركة الأصلية كتبت بواسطة عمرو عبدالرؤوف مشاهدة المشاركة
    رغم الاوزان المكسورة فى بعض الابيات
    إلا انها تستحق التثبيت بعد اذن المشرفين
    الفكرة والادهاش والإبهار...قصيدة اكثر من رائعة
    فعلا رائعة
    محبتى وتقديرى
    أخي الحبيب/ عمرو عبد الرؤوف

    أشكرك على ثنائك على العمل، هذا أولاً.
    أما ثانياً، فالقصيدةُ موزونة كلُّها ولا كُسورَ فيها، فأنا شاعر فصحى أكتب الشعر العمودي دون (شَرْخ، وليس كسر)، وإن كنت تريد التأكد فادخل منتدى الشعر الفصيح واقرأ القصيدة المثبتة فيه "عيونُ عبلة"، فهي لي، ولن تجد بها من تسميه كسوراً.

    فكيف لشاعر فصحى عمودي لا يكسر في فصحاه مطلقاً أن يكسر في عامّيته؟؟؟؟؟؟؟!!! الأمر غير منطقي بالمرة.

    إن كنت وجدت كسراً فهو راجع إلى قراءة مختلفة عن القراءة الصحيحة للسطر الشعري أو للكلمة، فكما تعلم شعر العامية نتطق كلماته بأكثر من لهجة، بعكس شعر الفصحى الذي لا يختلف عليه اثنان نطقاً.
    لهذا لا ألومك على اتّهامي بأن القصيدة (مكسورة)، ولن أردّ عليك الاتهام وأقول إنك مخطئ، بل سأقول إن قراءتك للعمل هي التي جعلتك تتوهّم أنها مكسورة.

    شكراً على مرورك الكريم

  8. #8
    الصورة الرمزية مصطفى الجزار شاعر
    تاريخ التسجيل : Dec 2006
    الدولة : مصر.
    العمر : 46
    المشاركات : 3,077
    المواضيع : 149
    الردود : 3077
    المعدل اليومي : 0.49

    افتراضي

    اقتباس المشاركة الأصلية كتبت بواسطة د. فوزى أبو دنيا مشاهدة المشاركة
    واللهى ياستاذ عمرو انا من رائيك بس هستنى يوم او اثنين لنهاية تثبيت القصائد المثبته حاليا حتى لانكدث مكان التثبيت
    تحياتى للجميع
    أشكرك أستاذي/ د. فوزي أبو دنيا
    على تأييد فكرة أخي عمرو لتثبيت العمل (إن كان يستحق التثبيت).

    ودُمتَ لي أخاً كريماً.

  9. #9
    الصورة الرمزية مصطفى الجزار شاعر
    تاريخ التسجيل : Dec 2006
    الدولة : مصر.
    العمر : 46
    المشاركات : 3,077
    المواضيع : 149
    الردود : 3077
    المعدل اليومي : 0.49

    افتراضي

    اقتباس المشاركة الأصلية كتبت بواسطة الهام احمد سعد مشاهدة المشاركة
    جميل جدا يا استاذ مصطفى والقصيده دى فكرتنى بقصيده من سيفوز بكاس العالم لمصطفى عمار يارب دايما تمتعنا باعمالك واشوف ديوان تانى زى لا تذبحوا ضؤ القمر والقصيده دى رائعه وربنا يزيدك
    الأخت الرقيقة/ إلهام أحمد سعد
    أشكرك على كلماتك الرقيقة، وإن كنت لا أتذكر مصطفى عمار، لكن لا بأس إن كانت هذه ذكّرتكِ بتلك.

    دُمتِ لي أختاً كريمة فاضلة.

  10. #10
    في ذمة الله
    تاريخ التسجيل : Nov 2006
    العمر : 76
    المشاركات : 674
    المواضيع : 101
    الردود : 674
    المعدل اليومي : 0.11

    افتراضي

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    يا مصطفي يا بن الجزار
    لعب الكورة دوري وكاس
    لعب بجد له تكتيكه له أفكار
    َ المسأله مش نطح براس
    ولا فلهوه ف سياسة وهزار
    دي أحزاب ع العين والراس
    حاكمه شعوبها بحديد ونار
    كل زعيم دايس علي ناسه
    يرجول فيل وعقل حمار

صفحة 1 من 3 123 الأخيرةالأخيرة

المواضيع المتشابهه

  1. سيدي يكسر كاس النار
    بواسطة د. عبدالله حسين كراز في المنتدى النَّثْرُ الأَدَبِيُّ
    مشاركات: 14
    آخر مشاركة: 11-08-2007, 02:27 PM
  2. كاس اللذة
    بواسطة محمود سامي في المنتدى أَدَبُ العَامِيَّة العَرَبِيَّةِ
    مشاركات: 18
    آخر مشاركة: 13-04-2007, 04:11 PM
  3. أول مشاركاتي.. (مداد القلب)
    بواسطة مشعل الحربي في المنتدى فِي مِحْرَابِ الشِّعْرِ
    مشاركات: 11
    آخر مشاركة: 29-12-2006, 12:03 AM
  4. كاس التعاسة
    بواسطة نهى فريد في المنتدى أَدَبُ العَامِيَّة العَرَبِيَّةِ
    مشاركات: 2
    آخر مشاركة: 24-07-2003, 09:46 AM
  5. أوراق الخريف ... و أول مشاركاتي
    بواسطة شاه زنان في المنتدى النَّثْرُ الأَدَبِيُّ
    مشاركات: 10
    آخر مشاركة: 28-06-2003, 02:23 PM