وإيه الشعر من غيرك ؟؟ @... أحمد سعيد موسى

الشاعر الرائع أحمد سعيد موسى
لا فض فوك
أحسنت
طبت ودمت لنا بكل خير

هكذا تعشق الأوطان أيها الرائع
هكذا تكون في أعماقنا ترنيمة نعيش بها ولها
لتعيش
تألقت هنا وابدعت

دمت بروعتك

أستاذتي الغالية / ربيحة
شكرا من ابتسام ألف القصيدة
إلى بهجة ياء الألق
كوني بالقرب دائما
شكري وتقديري

الشاعر الجميل أحمد موسى

لو كانت هذه الكلمات العذبة الرائعة لفتاة لذابت فيك عشقا دون أن تراك

فما بالك بمصر الحبيبة الغالية والتي تعيش في أحضانها وتعيشك صباح مساء

دام نبض شعرك وأدام الله إبداعك

كل التحية والتقدير .

****************

وايه الشعر من غيرك
سوى حبة كلام وخلاص
كرهت الحبر ف الكراس
اذامكنش الكلام عنك
وهكتب ايه يليق بيكى
كلام العشق جو الكون مايكفيكى
دا بيكى الشعر له معنى
ونفسى الشعر يجمعنا
هقولك شعر
ولو حتى مهوش كافى
يكَّفينى تكونى لشعرى انا سامعة
.................................

المبدع /احمد موسى
قصيدة جيدة جدا اراك فى جديد دائما وفى تميز مستمر
القصيدة مترابطة ومتماسكة لم اشعر باى انفصال عن الحالة وانا اقراها

ولكن فى بعض الملاحظات
فى الجزء

أقول مغرم ؟
أخاف الكلمه متكفيش
أقول عاشق؟
دنا جنب العيون درويش
اعتقد ان السطر
انا جنب العيون درويش
انا محستش الصورة دى خالص ومعتقدش ان لو انت جنب العيون درويش دا شيئ اكبر من انك تكون عاشق
****
فى الجزء ده
و لو بيدي
أضيف عمري على عمرك
عشان قلبك
في فرح يعيش

*****
جميل جدا الصورة اضيف عمرى على عمرك
ولكن مش معنى كده انها هتعيش ف فرح على طول
لان العمر فيه حزن وفرح يعنى مثلا انت لو تقصد تعيشها ف سعادة تكون الصورة
انك تضيف الفرح اللى ف عمرك على الفرح اللى ف عمرها عشان قلبها
**************
وفى الجزء ده
و مش بالشعر هوصف لك
مشاعر ساكنه جوايا
دنا طول عمري بحلف لك
بإنك ذِكري وغنايا
وجودك في الحياه يفرق
الجزء ده جميل جدا وبالذات صورة
وجودك ف الحياة يفرق
****
اما
لانك كل دنيايا
صورة مستهلكة كتير
اما باقى القصيدة
واقول لك شعر ؟
من عيني
د لعيونك
يطير الشعر ويجيني
يدندنلك ... ويكتب لك
ف غنوة شوق .. وحشتيني
دي نار السهد ف بعادك
بلمسه يادوب بتكويني
يا نايمه بين حنايا الروح
و مزروعه ف شراييني
وإيه الشعر من غيرك ؟
سوى حبة كلام فاضي
ملوش معنى
وبوجودك بيجمعنا
وعزّ الليل بيطرحنا
على الدنيا كما القناديل
ننوّر ضلمة المجاريح
وصوت الريح
يكون تراتيل
وانا ف عيونك الحلوه
بقيت اكتب واقول مواويل
وبتمنى أكون ورده
على خدك تملّي تميل
وبتوشوش عيون قلبك
وتترجى ف لحظه يميل
أقول لك شعر ؟
من عيني
وهو الشعر يصبح شعر
من غيرك
يا ملهمتي
دنا ف بحر الحياه شايفك
جناح مجدافي وسفينتي
ولو بالشعر هتكلم
راح ارسم بالحروف أشواق
وأصبح كعبه للعشاق
ولو قالوا الغرام ترياق
أقول ترياقي هو انتي
فـ عز الضحكه والدمعه
بشوفك في الضلام شمعه
ياريتك بعد دا سامعه
ويبقى لي ف قلبك سعر
أقول لك شعر ؟
انا آسف
لقيت الشعر مش واصف
وانا شايف حنين جارف
واخدني بقوه لعنيكي
وف عنيكي
مداين سحر مقفوله
مفيش قوله
تفك طلاسم الأشعار
انا محتار
وتايه بين بحور الشعر مش لاقي
سوى عينك تكون لي الدار
وميت مشوار
على شوقي بخطيهم
وبطوي سنيني بسنيني
واعديهم
أقولك إيه ؟؟
انا هظلم جمالك ليه ؟
أنا هسكت
واخلي الصمت يوصف لك
كلام مداريه
اقول لك شعر ؟؟
قولي انتي أقول لك إيه
...........


اقتبسته لانه كله جميل مليان بالصور مقدرش اخد صورة واقول دى حلوة لان الجزء دى فى صور كتير قوى حلوة
نهاية القصيدة جميلة وخادمة النص كويس
ف النهاية نصك رائع
دمت مبدعا ودائما من جميل الى اجمل ومن نجاح لاخر
تقبل رايى المتواضع فى نصك المتميز
وتحية للشاعر استاذنا/اشرف توفيق ولقصيدته التى الهمتك ان تكتب لنا هذه القصيدة الجميلة
لك كل التحية والاحترام
الهام احمد سعد

إلهام أحمد سعد

أنتِ ناقدة أكثر منكِ شاعرة
وشاعرة أكثر منك ناقدة

سعيد بهذا الرأي الجميل الواعي الذي أوافقك على
بعضٍ منه وأخالفكِ في البعض الآخر
هنيئا للواحة بعودتك
شكرا بلا حد
أحمد

الشاعر الرائع الفنان الجميل....

احمد موسي

اجمل تحيه يكسوها عبير اروع زهور

خايف اقول حاجه متوفيش حقك .........اعذرني مش لاقي كلام اقوله غير

انت هنا ابدع من الرائع.....

احمد موسي

...

اما النقد والتعليق مش هيكون هنا حسابك معيا في بحبوحة قسم العامي..القاك هناك

تحيه لك ولقلمك المبدع

علاء الحكيم

والله العظيم انت حبيبي وخلاص
ومن الناس اللي ليها مكان كبير ف قلبي
ربنا يديم المعروف يارب الحسنه الوحيده
اللي أشكر عليها رياح الشعر
إنها قادت أشرعتي لميناء يا غالي
تسلم لأخيك الصغير
أحمد

أنا طبعا أول المعجبين بالقصيدة دى
فيها روح جميلة اللى اتعودت عليها من أحمد
أقصد يعنى الشاعر أحمد :)
للوطن و لا للحبيبة ؟!!
مش قادر أحدد بالظبط
و الجميل
أن القصيدة تحتمل الاتنين
دام إبداعك يا صديقى
...
و أنتهز الفرصة و أرحب بعودة الشاعرة
إلهام أحمد سعد
يارب نلتقى دايما على الخير
...
تحياتى
و
إلى لقاء

منور يا جاهين الدنيا كلها
وبعدين منا حبيبتي هي الوطن بتاعي d:
يعني كدا أو كدا النتيجة واحد
وانتهز يا خويا فرصك ورحب براحتك
م الصفحة صفحتك وانا ضيف عندك
تشكر يا هندسة
تسلم لي

الحبيب أحمد موسى

أنت هنا وبكل فخر أقولها رائع جميل

جميل هذا الاحساس وعال هذا الحرف

الجمال للجمال يا صديقى

تحيتي لك

قصيدة جميلة جدا جدا

سلمت الايادى

أسعدني جداً ما قرأت لك..

جميلة هي تلك الكلمات

دمتَ مبدعاً

أحمد موسى ..حبيبي وأخويا

قصيده (زي مصر )فوق الوصف

جمالا ً وروعه

دمت في تألّق يا فارس العاميه الجميل

والله يا استاذنا الغالي
مرورك هنا لهو أغلى وأثمن من أي شيء
وأكررها ثانية يا حبيب
أنا مصري الجنسية فلسطيني / عراقي ...الهوية

دمت لي أستاذنا وقدوة
أحمد