الطيـر المهاجـر !!
طال ليلي "والفؤاد بغربتـه" والشـوق عامـر والعيون اغرورقت بالدمع واضناهـا سَهرهـا
طااال..والقلب بهمومه في رجا شوفتك زاخـر ليل زانته النجوم..! ولااغنته ذيـك الزواهـر لاانقضى ليلي..ولا اطفى لهفتي نبـض المحابـر كل ما يغمد سيوف الشوق وطعون الخناجـر وكل ما زاره أمل يرجيه من باكـر ..لباكـر وكل ما هانت وشفت الغيم..قلت اليوم ماطـر وكل ما قلت أنسها يا قلب شف لك رقم شاغر واشتعل همّي وحـرّق وجنتـي دمـع المحاجـر كل يوم يزيد في قلبـي غـرام وشـوق ثايـر ولا انتثر ليل الجديل وشفت ذاك الشعر طايـر آه وا ويلاه يـا عهـدٍ مـع المحبـوب غابـر يوم تتلالا بعيني دُرّْ والماس وجواهر ويوم كنت بيدّها مفتون ..تطربني الأوامر وآه لا لاحت لعيني في نواعسها البشاير آه يا همٍّ تلاعـب بـي بلَـغ حـد الحناجـر وآه يا صبرٍ تكسّـر وانهـك الطيـر المهاجـر وآه يـا وجـدٍ تشرّبتـه دفنّـي بالمقـابـر
المشاركة الأصلية كتبت بواسطة كنعان محمود قاسم
