هحكيلكم القصه يا ساده
أصل انتوا أهلي ومش أغراب
أنا كنت عايش في سعاده
دلوقتي عيشتي عذاب في عذاب
طول عمري بشربها زياده
واعزم عليها اصحاب واحباب
خلاص بقت رسمي الساده
والكل عارف بالأسباب
......
مش بس دا اللي بيتعبني
دي مراتي بتقول هتسيبني
عشان بتتوحم عـ الحلو
وهجيب منين سكر يعني ؟
....
لا بقاله فيها ولا مجمع
ألفين سؤال والرد مفيش
أصلاً مراتي يا ناس تفقع
يا ريتها كانت طالبه حشيش
......
خلاص نويت امشي البطَّـال
وهروح لتاجر سوده صديق
هجيب وقيه تمشي الحال
واسيب شويه لوقت الضيق
....
وهبيع ضميري وهشرب شاي
واعمل عصير بقا لمراتي
ومتسألوش أنا جيبته ازاي
دا سر وقصاده حياتي