مجنون

مجنون

واحد مواطن – الله عليه – مجنون !!!!!!
ماشى بيضحك فى الشوارع على كل شكل و لون ..
لا همـّـه سوق مفترى و لا تاجر يغش زبون ..
و الثروة و اللى محتكرها واحد من المليون ..
مش مننا هُمـّـه .. دول من بلوتو هُمّـه أو نبتون .
هذا المواطن أنا قلت له يا عم :
إيه بيضحكك وسط هم و غم ؟ ..
" سيبنى يا خالى فى حالى خللى عندك دم !! ..
لو كنت عاقل تقوللى بذمتك إيه تم :
بعقولكو يا عاقل .. دا انا عندى الجنون أكرم .
تبص تلقى عندنا : إن البلاوى كتار ..
جنبك فى فلسطين تلقى الدما أنهار ..
أما العراق : وِلـْعت فى ربوعه النار ..
و الغرب طايح فى المسلمين : قتل و خراب و دمار..
و احنا – ياعينى – غرقانين فى الهيافة و الطبل و المزمار.
لا جوّه لاقى فى حياتى متعة ..
الدنيا لا بتنظر إلىّ , و لا للفقير سامعة ..
ييجى وزير – مفروض يولع فى الطريق شمعة - ..
يخلق مشكلة تشعلل فى النيران الوالعة ...
قال يعنى البلد ناقصة , نضيف للبدع بدعة ..
لو سبنا أرض العرب , و قصدنا العاصمة كابول ..
لا تسمع سوى صوت القنابل اللى نازلة تقول :
يا ويلكم .. دوقوا بأسنا يا للى آمنتم بأحمد نبى و رسول ..
وحوش الأمريكان اللى ولوا على رأسهم غول ..
الإسم بوش , لكين الصفات : أحمق غبى مخبول .
طب حوّد يا سيدى - قبل ما تيجى - على الشيشان ..
قتل الصقالبة من أهلها المسلمين .. قد إيه إنسان ؟ ..
شباب و بيحارب عشان حقه , و عرضه و الأوطان ..
و المسلمين طنشوهم و كأنهم مش أهل للإيمان ..
و الغرب واقف بيتفرج .. شامتانين فى أمة القرآن .
كل ده يا أيها العاقل وتستعجب ليه أنا مجنون ؟
طب دا انا اللى باستعجب : لسه فيه عاقل فى هذا الكون ؟
باين يا صاحبى إنى لوحدى العاقل .. سامحنى يا أخى .. باردون ..
سيبنى فى حالى و روح دوّرعلى مثلك :عاقل متزن و رزين ..
أما أنا .. فبطلب من المولى القوة و الصبر الجميل و العون ".

مصطفى سلام

التناول الحوارى جميل رغم المه
هذا هو مصطفى سلام الشاعر المبدع
تحياتى لك
ومودتى

سيبنى فى حالى و روح دوّرعلى مثلك :عاقل متزن و رزين ..
أما أنا .. فبطلب من المولى القوة و الصبر الجميل و العون ".


وهل بعد هذا الطلب والعون ممكن تكون مجنون ؟!!
الله يكون فالعون

تقديري لنبض ومشاعر وطنية تصرخ من ويلات تضج منها كل الأمه .
الله عليك
وافر التقدير لشاعرنا ـ مصطفى سلام

الشاعر الجميل
مصطفى سلام
جميله مشاعرك قوى
بس ياريت تصبر شويه
على العمل
سيب الفكره تتبلور كويس جواك
وده هيزود جمال العمل
دمت رائع

الدكتور الشاعر أبو دنيا ..
الأستاذة النبيلة عبلة ..
شاكر لكما و ممتن .. تذوقكما و تشجيعكما ..
الأستاذ ابراهيم عباس

بس ياريت تصبر شويه

حاضر ح أصبر , بس المشكلة أنى رجل تلقائى لا أحب تزويق الكلام ..

مصطفى سلام

تملك صدق المشاعر..وهي التي جعلت انطباعاتك التلقائية قابلة للقراءة..لكن التلقائية يا أخي يحتاج إلى الصناعة..وأنت تعرف أكثر مني أن الفن صناعة..لكن صناعة لا تتلاشي في تفاصيلها الحرية والصدق

..

كيف تكون تلقائية وتحتاج إلى الصناعة ..؟!
العمل التلقائي / النص التلقائي يخرج كما هو من وجدان صاحبه
فإذا عملت فيه الصناعه خرج عن تلقائيته ..
كما أن مثل هذه الأعمال / النصوص واصفه لحال المجتمع
ذاكره أحداثه فالفكرة فيها لا تكون محورية
.......... صدقوني يا جماعة
القصيدة كما قال صاحبها بدون تجميل , وهذا أجمل ما فيها
تحياتي للجميع
نبيل مصيلحي

شكرا .. أستاذ نبيل :
لا شك يا أخى أن النقد البناء يؤدى إلى ارتفاع البناء ..
و أعتقد أنك ترى أن مثل هذا النقد يكون بإظهار أوجه القصور فى النص - كما يبين أوجه الإجادة فيه ..
و إذا كان هذا هو النقد .. فمرحبا به و أهلا .. أما إن كان قولا مرسلا لا يحدد موقفا محددا , فليس هذا هو النقد .
أكرر شكرى على موقفك البناء ..
مصطفى سلام

الأخ مصطفى
أعانق حرفك مرة أخرى من بحثى عن كتاباتك لجمال حرفها
تلقائية جميلة أخرجت كلمات معبرة

تحيتى لك وتقديرى

سيدتى/ آنستى منى
ممتن لك هذه الكلمة الطيبة التى تفضلت بالتعقيب بها على قصيدتى التى شرفت أيما شرف بزيارتك لها ..
أرجو أن تتفضلى بقبول موفور احترامى و تقديرى
مصطفى سلام