مفتتح:
كان ياما كان كان فيه ولد مش بيعرف يختار دوره كويس
((كان ياماكانش))
( مكنتشى اول مرة اشوف دموعى بتتزحلق حعلى خدى فرحانه .
وصوتها بيرن ف ودنى (اكسر ورايا قله)
ولا حتى كات اخر مرة اسمع فيها نبضات قلبى بتدشدش ف الايقاع )
الحكاية كان ليها اصول واصولها غلفه الفلاش باك بايامه الجميلة .
ايام ماكانت ايدين الست الطيبه بتلمس على شعر الولد الناعم بحدوتة كان يا ما كان:
وكان يا ماكان , كان فيه ولد اسمه ...الشاطر شريف (عفوا من وجهة نظرى))
كان ديما يخانق مع اصحابه ف الشارع علشان يفوز بدور الظابط فى لعبة . عسكر وحراميه.
ونظرا لبراعته الشديده ف طوى الشوارع ف ايديه : كان
بيلم كل العيال :
من الحوارى
ومن المتاهات
وكان يا ماكان ,
تكبر المتاهات ويكبر جواها العيال:
وينكسر مبدا الشرطى الخايب من اثر لعبة( رفع القيم الثقيلة)
وميفوقشى غير على مرايته الموهوبة بالكدب , واللى كانت بتغير عليه لدرجة انها كانت بترسمه
لنفسه بصورة مزيفة (ميكتشفهاش الابعد اول قعدة مع عاشربنت يبهرها بثقافته
ف التليفون.
كان يا ما كان كان فيه ولد معندوش:
بق
ولا
عين
ولا
ودن
((بس كان عنده , قلب محشى حدوته))