أحدث المشاركات

قراءة فى بحث تجربة ميلغرام: التجربة التي صدمت العالم» بقلم اسلام رضا » آخر مشاركة: اسلام رضا »»»»» مصير الكوكب على متن الشراع الشمسي» بقلم إبراهيم أمين مؤمن مصطفى ح » آخر مشاركة: إبراهيم أمين مؤمن مصطفى ح »»»»» وذُلّت الأعناق مقتطف من رواية قنابل الثقوب السوداء...» بقلم إبراهيم أمين مؤمن مصطفى ح » آخر مشاركة: إبراهيم أمين مؤمن مصطفى ح »»»»» الفصل الثاني من رواية وتستمر الحياة بين يأس و تفاؤل الأم الجريحة» بقلم بوشعيب محمد » آخر مشاركة: ناديه محمد الجابي »»»»» و تستمر الحياة بين يأس و تفاؤل الفصل الأول من الرواية بقلم بوشعيب» بقلم بوشعيب محمد » آخر مشاركة: ناديه محمد الجابي »»»»» قراءة في بحث أمور قد لا تعرفها عن مستعمرة "إيلون موسك" المستقبلية» بقلم اسلام رضا » آخر مشاركة: اسلام رضا »»»»» نعم القائد» بقلم عطية حسين » آخر مشاركة: احمد المعطي »»»»» قراءة في مقال يأجوج و مأجوج ... و حرب العوالم» بقلم اسلام رضا » آخر مشاركة: بوشعيب محمد »»»»» الطفل المشاكس بقلمي» بقلم بوشعيب محمد » آخر مشاركة: بوشعيب محمد »»»»» @ تَعَاويــذ فراشَــةٍ عَاشِقـَـة @» بقلم دوريس سمعان » آخر مشاركة: دوريس سمعان »»»»»

صفحة 1 من 2 12 الأخيرةالأخيرة
النتائج 1 إلى 10 من 15

الموضوع: أبو طامع

  1. #1
    الصورة الرمزية علاء عيسى قلم فعال
    تاريخ التسجيل : Jun 2006
    العمر : 54
    المشاركات : 1,651
    المواضيع : 95
    الردود : 1651
    المعدل اليومي : 0.25

    افتراضي أبو طامع

    كان عايش عمره يخاف م الموت
    والخوف عمال بيزيد جواه
    فى الآخر....
    مات .
    لكن مات م الخوف .
    أبو طامع شد حزام الموت على وسطه
    وهات يافكيك
    وانده :
    " أبوطامع "
    ماتردش
    ماهى عادتك دايمًا
    بتغيب وتغيب
    والاقيك بتجهز شنطك
    واسأل
    وتقوللى مسافر
    وتغيب وتغيب والشوق بيزيد
    توحشنى كتير
    والاقيك قدامى
    وتقول أنا جيت
    بتسافر سهوه وتحضر سهوه
    حتى امَّا تموت ؟
    بتموت على سهوه
    آه يابن الموت
    طب كنت إدينى أمارة
    ماناكنت امبارح سهران وياك
    سايبك وش الفجربتضحك
    ولا كان شيئ فى الدنيا يهمك
    ولا حتى الموت
    كان حبة كحة يجولك
    كنت تكح وتضحك وتشد الدخان على صدرك
    وتقول :
    خليها تسلُّك
    آهى سلكت يا"ابوطامع"
    سلكت خالص
    واتاريك خواف وانا مش عارف
    تعرف وانا شايلك
    كان أول مرة أشيلك
    وانا عند الدكتور
    حسيت إنك أتقل واحد فى الدنيا
    شايلك وانا بضحك
    عمال أتأمل شكلك
    علشان .
    وقت مانرجع
    كنت أعايرك بالشيلة
    وقت مانسهر واحنا بنضحك
    عمرى ماكنت أصدق
    إن اللى بيحصل يحصل
    كان نفسى ارجع بك ماشيين .
    أوحتى مساندك .
    لكن شايلك !!
    مش ممكن .
    تعرف وانا راجع
    شيلت هموم الدنيا معاك
    فمحستشى بشيلك
    كان كل الهم
    إزاى
    أنا هقدر بس أخبط على بيتك
    وولادك ومراتك يشوفوك منشال
    والأصعب .
    وانا شايفك مندار ع القبله .
    والناس عمالة تفكر فى الخارجة بتاعتك
    والأصعب أكتر
    وانا شايف إيد الناس ممدودة
    بتشارك بعض ف شيلك
    واناواقف
    أبص عليك بعنية المليانة دموع
    وبترفض تنزل
    مش قادرة تصدق
    إن انا وديتك بإديه هناك
    ورجعت لوحدى
    وبرغم الناس حواليا كتير
    مش شايف حد .
    تعرف يا " احمد "
    كان نفسى يكون الموقف
    مع واحد غيرك
    علشان امَّا أرجع
    كنت أجيلك
    والقط نفسى ف بيتك
    واقعد واحكيلك
    على دى الليلة
    على دى الشيلة
    زي مواقف ياما بتحصل
    لىّ وليك
    كنت تجيلى و كنت أجيلك
    ونقطع كل ساعات الليل حكايات
    نحكيها ونضحك
    المرة دى الحال اتغير
    الموقف كان وياك
    فانا مضطر
    أكتم جوايه الإحساس .
    وده أول موقف عدى عليَّا
    ما تعرفهوش
    شفت ازاى
    فيه أسرار ممكن تحصل
    ولا نقدر نحكيها لبعض
    ما انت كمان .
    بقى عندك سر
    وْماعرفهوش .
    مثلاً يعنى .
    " وانا وياك عند الدكتور "
    تعرف تحكى
    كان إحساسك إيه لحظتها
    أو لحظة
    " لما الناس عمالة تبدل بعض فْ شيلك "
    بعد ما سبتك
    تعرف تحكى حصلَّك إيه
    وعموماً أنا فاكرك جدا
    ....... وانت ؟؟

  2. #2
    شاعرة
    تاريخ التسجيل : Apr 2005
    المشاركات : 2,061
    المواضيع : 94
    الردود : 2061
    المعدل اليومي : 0.30

    افتراضي


    مشاعر صادقة ونزف باكي
    اللهم اجبر مصيبته
    انا لله وانا اليه راجعون
    هكذا الوفاء والحب الصادق
    بوركت اخي
    اختك
    ينابيع السبيعي

  3. #3
    الصورة الرمزية علاء عيسى قلم فعال
    تاريخ التسجيل : Jun 2006
    العمر : 54
    المشاركات : 1,651
    المواضيع : 95
    الردود : 1651
    المعدل اليومي : 0.25

    افتراضي

    [move=up]الفاضلة على الدوام
    الكاتبة الرقيقة / ينابيع السبيعى
    زيارتك لى قصيدتى أضفت عليها بهجة وسعادة
    ولى شرف كتابة القصيدة
    التى شرفت بقدومك الجميل
    دمتم برقتكم المعهودة[/move]
    هذا بعض منى http://alaaeisa.maktoobblog.com/

  4. #4
    الصورة الرمزية د. فوزى أبو دنيا عضو غير مفعل
    تاريخ التسجيل : Jan 2006
    الدولة : Misr - Cairo
    العمر : 62
    المشاركات : 1,770
    المواضيع : 120
    الردود : 1770
    المعدل اليومي : 0.27

    افتراضي

    اقتباس المشاركة الأصلية كتبت بواسطة علااء عيسى
    كان عايش عمره يخاف م الموت
    والخوف عمال بيزيد جواه
    فى الآخر....
    مات .
    لكن مات م الخوف .
    أبو طامع شد حزام الموت على وسطه
    وهات يافكيك
    وانده :
    " أبوطامع "
    ماتردش
    ماهى عادتك دايمًا
    بتغيب وتغيب
    والاقيك بتجهز شنطك
    واسأل
    وتقوللى مسافر
    وتغيب وتغيب والشوق بيزيد
    توحشنى كتير
    والاقيك قدامى
    وتقول أنا جيت
    بتسافر سهوه وتحضر سهوه
    حتى امَّا تموت ؟
    بتموت على سهوه
    آه يابن الموت
    طب كنت إدينى أمارة
    ماناكنت امبارح سهران وياك
    سايبك وش الفجربتضحك
    ولا كان شيئ فى الدنيا يهمك
    ولا حتى الموت
    كان حبة كحة يجولك
    كنت تكح وتضحك وتشد الدخان على صدرك
    وتقول :
    خليها تسلُّك
    آهى سلكت يا"ابوطامع"
    سلكت خالص
    واتاريك خواف وانا مش عارف
    تعرف وانا شايلك
    كان أول مرة أشيلك
    وانا عند الدكتور
    حسيت إنك أتقل واحد فى الدنيا
    شايلك وانا بضحك
    عمال أتأمل شكلك
    علشان .
    وقت مانرجع
    كنت أعايرك بالشيلة
    وقت مانسهر واحنا بنضحك
    عمرى ماكنت أصدق
    إن اللى بيحصل يحصل
    كان نفسى ارجع بك ماشيين .
    أوحتى مساندك .
    لكن شايلك !!
    مش ممكن .
    تعرف وانا راجع
    شيلت هموم الدنيا معاك
    فمحستشى بشيلك
    كان كل الهم
    إزاى
    أنا هقدر بس أخبط على بيتك
    وولادك ومراتك يشوفوك منشال
    والأصعب .
    وانا شايفك مندار ع القبله .
    والناس عمالة تفكر فى الخارجة بتاعتك
    والأصعب أكتر
    وانا شايف إيد الناس ممدودة
    بتشارك بعض ف شيلك
    واناواقف
    أبص عليك بعنية المليانة دموع
    وبترفض تنزل
    مش قادرة تصدق
    إن انا وديتك بإديه هناك
    ورجعت لوحدى
    وبرغم الناس حواليا كتير
    مش شايف حد .
    تعرف يا " احمد "
    كان نفسى يكون الموقف
    مع واحد غيرك
    علشان امَّا أرجع
    كنت أجيلك
    والقط نفسى ف بيتك
    واقعد واحكيلك
    على دى الليلة
    على دى الشيلة
    زي مواقف ياما بتحصل
    لىّ وليك
    كنت تجيلى و كنت أجيلك
    ونقطع كل ساعات الليل حكايات
    نحكيها ونضحك
    المرة دى الحال اتغير
    الموقف كان وياك
    فانا مضطر
    أكتم جوايه الإحساس .
    وده أول موقف عدى عليَّا
    ما تعرفهوش
    شفت ازاى
    فيه أسرار ممكن تحصل
    ولا نقدر نحكيها لبعض
    ما انت كمان .
    بقى عندك سر
    وْماعرفهوش .
    مثلاً يعنى .
    " وانا وياك عند الدكتور "
    تعرف تحكى
    كان إحساسك إيه لحظتها
    أو لحظة
    " لما الناس عمالة تبدل بعض فْ شيلك "
    بعد ما سبتك
    تعرف تحكى حصلَّك إيه
    وعموماً أنا فاكرك جدا
    ....... وانت ؟؟

    ولللمرة الثانية اقراء عمل لك قصكة وانت تجيد فن الحكى والسرد القصصى بالشعر
    واكيد عملت مسرحيات شعرية

    دت بخير

  5. #5
    الصورة الرمزية علاء عيسى قلم فعال
    تاريخ التسجيل : Jun 2006
    العمر : 54
    المشاركات : 1,651
    المواضيع : 95
    الردود : 1651
    المعدل اليومي : 0.25

    افتراضي

    الفتى المصرى
    القاهرى
    من الطبيعى والمعتاد على الفرد أن يسعد مرة فى اليوم
    ولكن أن يسعد مرتين فى أقل من دقيقة هذا هو فوق المعتاد
    ولذا انا سعدت بك هنا وهناك
    شكرا لكم
    وبالفعل أكتب المسرح
    ولى تجارب أسعد بك وبردودك دائما

  6. #6
    الصورة الرمزية محمد عبد الحميد الصعيدي قلم مشارك
    تاريخ التسجيل : May 2006
    الدولة : Mansoura - Egypt
    المشاركات : 150
    المواضيع : 0
    الردود : 150
    المعدل اليومي : 0.02
    من مواضيعي

      افتراضي

      ياااااااااااااااه
      يا أستاذ علاء
      انت أستاذ فى الوصف
      و كأنك كنت معانا موجود

      دانا راجع م الجنازة
      وقريت اللى انت كاتبه

      تماااااام زى ما تكون عارفه

      هو انت بتوصف خالى "محمود"؟

      ( توضيح : انتقل إلى رحمة الله تعالى اليوم خالى محمود و أشهد أن الأستاذ علاء لا يعرفه ولا حتى يعرفنى ... ولكنى أكاد أقسم أنه هو المذكور أعلاه )
      إذا اشتملت على اليأس القلوب وضاق لما به الصدر الرحيب
      ولم تر لانكشاف الضر وجها ولا أغنى بحيلته الأريب
      أتاك على قنوط منك غوث يمن به اللطيف المستجيب
      وكل الحادثات إذا تناهت فموصول بها الفرج القريب

    • #7
      الصورة الرمزية علاء عيسى قلم فعال
      تاريخ التسجيل : Jun 2006
      العمر : 54
      المشاركات : 1,651
      المواضيع : 95
      الردود : 1651
      المعدل اليومي : 0.25

      افتراضي

      أشكر عملى المتواضع
      الذى أتى لى بعابر سبيل جميل مثلك
      وان كان ماكتب ذكرك بخالك محمود
      أعزيك أولا فى فقيدك
      وأشكرك على ثناؤك على العمل
      ولذا تقبل منى حزنى على خالك
      وتقبل سعادتى بزيارتك لى
      أتمنى ان يدوم
      عابر سبيل
      صديقا محبا

    • #8
      الصورة الرمزية حسام القاضي أديب قاص
      تاريخ التسجيل : Mar 2006
      الدولة : مصر+الكويت
      العمر : 63
      المشاركات : 2,213
      المواضيع : 78
      الردود : 2213
      المعدل اليومي : 0.34

      افتراضي

      الأخ العزيز / علااء عيسى
      تحياتي
      أتيتك للمرة الثانية .
      سبقني من أشار إلى موهبتك في الحكي ، وهذا ما رأيته في أول أعمالك هنا ، لكن يبقى ما أود أن أشيد به وهو قدرتك العالية على العزف على أوتار الغربة وكأنك متخصص فيها .. تعبيراتك موجعة موحية ..
      النهاية قوية وكأنها نهاية قصة :

      تعرف تحكي حصللك ايه
      وعموما انا فاكرك جدا
      ........ وأنت ؟

      تقبل تقديري واحترامي .
      حسام القاضي
      أديب .. أحياناً

    • #9
      الصورة الرمزية علاء عيسى قلم فعال
      تاريخ التسجيل : Jun 2006
      العمر : 54
      المشاركات : 1,651
      المواضيع : 95
      الردود : 1651
      المعدل اليومي : 0.25

      افتراضي

      اقتباس المشاركة الأصلية كتبت بواسطة حسام القاضي
      الأخ العزيز / علااء عيسى
      تحياتي
      أتيتك للمرة الثانية .
      سبقني من أشار إلى موهبتك في الحكي ، وهذا ما رأيته في أول أعمالك هنا ، لكن يبقى ما أود أن أشيد به وهو قدرتك العالية على العزف على أوتار الغربة وكأنك متخصص فيها .. تعبيراتك موجعة موحية ..
      النهاية قوية وكأنها نهاية قصة :

      تعرف تحكي حصللك ايه
      وعموما انا فاكرك جدا
      ........ وأنت ؟

      تقبل تقديري واحترامي .
      أيها الأديب /
      دائما
      وليس أحيانا
      سعادة الأستاذ /
      حسام بك القاضى
      أرجو أن أكون قد أخذت بنصيختك ألا وهى البعد عن المباشرة
      فأنا من اللذين يستمعون القول ويسعدون بالنصح
      ويحتفون بها وبمن يقدمها
      ولذا أضف الى سعادتى
      سعادة أخرى بزيارة عملى المتواضع
      بوركت أناملك التى خطت لى هذه الكلمات الراقية والرقيقة

    • #10

    صفحة 1 من 2 12 الأخيرةالأخيرة

    المواضيع المتشابهه

    1. كــلام ( يودِّي لــ " أبو زعبــل " )
      بواسطة جمال حمدان في المنتدى الأَدَبُ السَّاخِرُ
      مشاركات: 7
      آخر مشاركة: 03-12-2007, 12:21 PM
    2. أبو ذر يصدح فى الكعبة بلا اله الا الله
      بواسطة ياسمين في المنتدى الحِوَارُ الإِسْلامِي
      مشاركات: 2
      آخر مشاركة: 18-04-2003, 09:58 PM
    3. سيرة القائد (أبو الوليد)
      بواسطة عبد الله الشدوي في المنتدى الحِوَارُ الإِسْلامِي
      مشاركات: 3
      آخر مشاركة: 08-02-2003, 03:54 AM
    4. الفارس بلا جواد ------> أبو القاسم القباني
      بواسطة أبو القاسم في المنتدى الحِوَارُ الإِسْلامِي
      مشاركات: 8
      آخر مشاركة: 31-12-2002, 01:31 PM
    5. عودة الأسود-قصيدة مهداة لروح الشهيد نائل أبو هليل
      بواسطة فارس عودة في المنتدى فِي مِحْرَابِ الشِّعْرِ
      مشاركات: 5
      آخر مشاركة: 24-12-2002, 11:07 AM