احببت ان اهديكم قصيدة للشاعر المبدع مالك الحزين بعنوان ميلو بينا
وهي تتكلم بلسان شهداء قتلوا على يد الاحتلال الامريكي في الحويجة بمحافظة التاميم بمنطقة بريمة
ميلو بينه
..يلي شلتو النعش بالله ميلو بينه
ميلو بينه نودع اهلنه وعادة اليرحل يودع اهله بدموعه ومن صورهم يمله عينه
ميلو بينه الشوك هزنه الحضن امنه ذيج الحبيبه الحزينه
كلمه منهه وكلمه منه حيل مشتاكين واشتاكة حجينه
ميلو بينه العند امنه بس نوادعها بحجينه
ميلو بينه وشدعواكم ولو نضره ***..ولو لمسه** انحني بيهه اجفوف ايدينه
وانتواهب اخاف زعلانه علينه
ميلو بينه البيت اهلنه نودع ايامه وسنينه
ميلو بينه الفرع اهلنه حيل مشتاك لمشينه
ميلو بينه الفرع اهلنه حيل مشتاك لمشينه
ميلو بينه لحي حبيبتنه الحزينه بلجي لو شفناهه مره ارواحنه ترجع علينه
ميلو بينه وعلى بريمه
هناك يمنه اعتاب يمهه هناك يايمه ارتمينه
هناك زلهه الماحمانه وخان بينه
هناك صار فراك يمه هناك ضيعنه خوينه
وينو اشو مابينلنه وينو اشو مامر علينه
مودع ودرب السلامه وبس اخاف الذيب يوكع بيد شاة ايضل رهينه
ميلو بينه واخاف يخلص ها لنهار وهذي اخر ليله هينه
ولوله بيهه انوب ليله ماحجينه و ماندهناكم يولو وميلو بينه
ميلو بينه واخاف يخلص ها لنهار وهذي اخر ليله هينه
ولوله بيهه انوب ليله ماحجينه و ماندهناكم يولو وميلو بينه
ميلو بينه وعالجسروكفونه لحضه جنه هين ازغارنلعب عالجرف يحضنه طينه
ميلو بينه وفررونه بهالحويجه وعالمنازل دار دار
وكولو لتراب الحويجه ايون علينه
واحجو قصتنه الولدكم واحجو حضكم
وكولو للاجيال ماخنه وفينه
وكولو للاجيال ماخنه وفينه
للشاعر مالك الحزين