ياناس مش بكتب عامية ...!!

[صابرين الصباغ]

ياناس مش بكتب عامية لغتي فصحى و قوية اعرف ابني للمجهول بيت ..واسكن فيه المفعول النعت المنصوب على بابي الفاعل والبدل اصحابى والمبتدا انا ابدأ بيه خبرُه ييجي يجري عليه في ظرف مكان تلاقيني وظرف زمان يوديني الناسخ بره الموضوع الصرف بيلعب ف الممنوع باسم مُنادى اناديلك باشاره قول خد منديلك المنصوب ياكفا الله الشر والمجرور انا اجره جر سالم جمعينه معانا مؤنث و مذكر ويانا نصبح كل يوم ف حال نكتب حقيقة ولا الخيال ماحبيبتي الضاد حواليه اكتب بيها ميّه الميّه بس .. انا سمكة بلطيه لو خرجت من نيلها شويه فى المالح مابتغرق هيه وانا عاشقة للغتي العامّيه لأسرق من أفواهكم ابتسامة تحياتي

[إكرامي قورة]

صابرين جاية بالعامية تكتب حبة شعر جُمال ترفع فوق الدنيا حروفها ترمي ف بحر الشعر ده خوفها تغزل قصة وكام موال كنت أقرا لك قصة وبس واليوم باقرا حروف تتحس زي اللولي واحدة وواحدة جوا العقد اترص هافضل واقف هنا مستني حبة شعر يشدوا البال.. الرائعة الأستاذة : صابرين الصباغ رد سريع ( كيبوردي) أرجو أن يسعدك كترحيب بأولى قصائدك العامية التي أمر عليها هنا. دمت بخير

[د. فوزى أبو دنيا]

عارفين واللهى ومش ناسين ودا مش عيب فيكى ياصبية شايفين الحرف كريم وجميل وكلام مليان بالحنية

[صابرين الصباغ]

اقتباس: المشاركة الأصلية كتبت بواسطة إكرامي قورة    صابرين جاية بالعامية تكتب حبة شعر جُمال ترفع فوق الدنيا حروفها ترمي ف بحر الشعر ده خوفها تغزل قصة وكام موال كنت أقرا لك قصة وبس واليوم باقرا حروف تتحس زي اللولي واحدة وواحدة جوا العقد اترص هافضل واقف هنا مستني حبة شعر يشدوا البال.. الرائعة الأستاذة : صابرين الصباغ رد سريع ( كيبوردي) أرجو أن يسعدك كترحيب بأولى قصائدك العامية التي أمر عليها هنا. دمت بخير د/ اكرامي الكرم طبعك و مولود بيه والدوا ف حرفك بالاقيه فصحي و عامية وايه الحرف منك مرصوص رص ومعاني ولا اجمل فص كريز على تورتة بيترص ................... اكرامي يابن المنصورة سلامي لسحر الامورة شاعرة الحرف والصورة اللى بتتجوز شاعر زيك على حبه بتكون مجبورة اكرامي يابن المنصورة ................ سامحنى على هذيان اناملي فاحيانا تفقد وعيها شكرا لجميل مرورك ايها الراقي

[صابرين الصباغ]

اقتباس: المشاركة الأصلية كتبت بواسطة فتى مصر    عارفين واللهى ومش ناسين ودا مش عيب فيكى ياصبية شايفين الحرف كريم وجميل وكلام مليان بالحنية الله يسامحك يابو دينا رجعت ..ما قلنا نسينا مانا كنت باكتب عاميه لقيتني واحدة من ميه وكتبت القصة لقيتها بتكتب اسمي لوحديه ابودينا شكرا لكم مرورك هنا - هناك - هنالك

[علاء عيسى]

اقتباس: المشاركة الأصلية كتبت بواسطة صابرين الصباغ    ياناس مش بكتب عامية لغتي فصحى و قوية اعرف ابني للمجهول بيت ..واسكن فيه المفعول النعت المنصوب على بابي الفاعل والبدل اصحابى والمبتدا انا ابدأ بيه خبرُه ييجي يجري عليه في ظرف مكان تلاقيني وظرف زمان يوديني الناسخ بره الموضوع الصرف بيلعب ف الممنوع باسم مُنادى اناديلك باشاره قول خد منديلك المنصوب ياكفا الله الشر والمجرور انا اجره جر سالم جمعينه معانا مؤنث و مذكر ويانا نصبح كل يوم ف حال نكتب حقيقة ولا الخيال ماحبيبتي الضاد حواليه اكتب بيها ميّه الميّه بس .. انا سمكة بلطيه لو خرجت من نيلها شويه فى المالح مابتغرق هيه وانا عاشقة للغتي العامّيه لأسرق من أفواهكم ابتسامة تحياتي سعدت جدا بكى ولذا هاتشوفى سعادتى أد ايه ماشى ماشى ياصابرين صابرين بتضحك علينا جاية تنافسنا جايبة معاها كلام عايش فى أنفاسنا تكتب قصص ماشى تكتب فصيح ماشى وبتكتب العامى . بدأت أخاف منها " دى جاية تفرسنا " هههههههههههههههههههههههه

[صابرين الصباغ]

اقتباس: المشاركة الأصلية كتبت بواسطة علااء عيسى    سعدت جدا بكى ولذا هاتشوفى سعادتى أد ايه ماشى ماشى ياصابرين صابرين بتضحك علينا جاية تنافسنا جايبة معاها كلام عايش فى أنفاسنا تكتب قصص ماشى تكتب فصيح ماشى وبتكتب العامى . بدأت أخاف منها " دى جاية تفرسنا " هههههههههههههههههههههههه آل ايه انا جاية افرسهم ياجماعة جاية انافسهم راح اناقشهم وافرفشهم وان طولوا ف القعدة شوية حرف رصاصي حيطفشهم آل انا جاية افرسهم ............................ ظلموني والله ياناس دنا تلجة دايبه ف الكاس ونقطة حبر ف الكراس وان جات الفاس في الراس راح ابكي بقلبي الحساس ظلموني والله ياناس .................... قلمي انا شايلاه على كتافي يقولي قومي اوعي تخافي حرفك ده نادر وخرافي طيب حد يقرب فيهم ناسيه ان انا الاسكافي .................. علااء ... انت وابو دينا جريتو رجلي للعامية اتحملوا بقى شكرا لمرورك الجميل

[علاء عيسى]

اقتباس: المشاركة الأصلية كتبت بواسطة صابرين الصباغ    آل ايه انا جاية افرسهم ياجماعة جاية انافسهم راح اناقشهم وافرفشهم وان طولوا ف القعدة شوية حرف رصاصي حيطفشهم آل انا جاية افرسهم ............................ ظلموني والله ياناس دنا تلجة دايبه ف الكاس ونقطة حبر ف الكراس وان جات الفاس في الراس راح ابكي بقلبي الحساس ظلموني والله ياناس .................... قلمي انا شايلاه على كتافي يقولي قومي اوعي تخافي حرفك ده نادر وخرافي طيب حد يقرب فيهم ناسيه ان انا الاسكافي .................. علااء ... انت وابو دينا جريتو رجلي للعامية اتحملوا بقى شكرا لمرورك الجميل ياصابرين هانفضل صابرين وان كنا احنا السبب يبقى احنا نتحمل نسمع كلام منك نلقى الردود أجمل ممكن ياست الكل اترك العامى واكون متابع لكم ؟ ولا أكون جنبكم ؟ واكتب هنا حرفى أنا بس باستأذن . مستنى ايه ردكم جاهز على آدا ودا لو قلتو: هاتفضَّل .

[صابرين الصباغ]

اقتباس: المشاركة الأصلية كتبت بواسطة علااء عيسى    ياصابرين هانفضل صابرين وان كنا احنا السبب يبقى احنا نتحمل نسمع كلام منك نلقى الردود أجمل ممكن ياست الكل اترك العامى واكون متابع لكم ؟ ولا أكون جنبكم ؟ واكتب هنا حرفى أنا بس باستأذن . مستنى ايه ردكم جاهز على آدا ودا لو قلتو: هاتفضَّل . القعدة ما تحلى غير بيك عايزينك تفضل ويانا لو ح تفكر تبعد عنا سامحني راح نربط رجليك ههههههههههههههههه انت اللى جبته لروحك استلقى وعدك يابطل تحياتي

[علاء عيسى]

اقتباس: المشاركة الأصلية كتبت بواسطة صابرين الصباغ    القعدة ما تحلى غير بيك عايزينك تفضل ويانا لو ح تفكرت تبعد عنا سامحني راح نربط رجليك ههههههههههههههههه انت اللى جبته لروحك استلقى وعدك يابطل تحياتي رجليه لو تتربط يبقى شرف ليها أصل الرباط من ناس زادو الحماس فيها يعنى انا مبسوط بالربط ياصبرين لكن انا خايف لييجى بكرة يوم تجرى تفكيها