شارب خمرتك سِمِّين

ما هيش عائق
ولا بسبب اللي كان بينا بميل ليكي
انا اللي العشق دوبني فـ جمال وصفك
وبسأل قلبك الخداع مفارق ليه
وليه ما حس أشواقي
وليه لمَّا الحنين جابني
رفضني بكل شئ جواه
وليه لما بقول الآه ما يسمعني
وليه لما وعدتيني
لقيتك فجأة بتغيبي وتنسيني
وعدتيني بوقت عرفتي فيه اني في وسط التوهة محتاجلك
مش انتي اللي سألتيني
وصارحتك
وماكذبتش
وقلتي لي معاك لو هي مش وياك
ولو تفضل معاك هابقى ومش فايتاك
وضميتي إيديا فـ حضن إحساسك
وحسيتي أنين قلبي
وشوفتيني فـ حنين عيني
وقلت اني هاعيش ليك
وافقتيني
ووصلتك لباب البيت
وسبت القلب في إديكي
رجعت وسبته متعلق ما بين رمشك وبين دمعي
ودمعت عيني من شوقها لدمعك وانت كدابة
ودمع العين بيتدارى
عشان مشتاق يشوف تاني دموع غشك
ومين دارى الحنين فينا
انا ولا انت ولَّا ظروفنا يا عمري
دا انا اللي قلت خليني احبك لو هاتنسيني
وإوعي تحرمي عيني تشوف صورتك
وإوعي تحرمي قلبي يدق الباب على قلبك
طلاما كنت ناوية الغدر ليه تقولي
معاك ولحد يوم سفرك
هاعيش بالثانية بين الرمش والنني
انا ما انساك
وباستناك
ولو راجع هاتلقاني وتلقى الحضن مفتوحلك
وتلقى شفايفي زي الورد بيفتح
ويشرب من نداك روحه
وتلقى شعري ليل هيمان
ومتزين عشان لمسة إيديك ترتاح
تعيد تشكيله زي نجومك اللي الضي من نورها
ونورَك ضي
دا كدب كبير ووهم كبير انا عايشه
وعشته يجي ميت مرة
وكذبت الظنون فيا وصدقته
ولكن لما صدقته عمى عنيا
وعشت كفيف ورافض كل صوت فيا يكدب كلمة من زيفك
عشان حَبِّك
وفين انتي
مابين أوهامي تداري كما سفاح
ولا تباني
وكنت فـ ليلة عنواني
وليلة أخيرة كنتي شطان
بيقرا الكفر قرءانه
وعنوانه خيانة وغدر
وقلبي اللي اتعصر فرقة دا إيه ذنبه
وإيه ذنبي
بحبك .... أيوه ده ذنبي
ولا ينفع معاه استغفار ولا كفارة او تطهير
هاعيش في الذنب طول عمري
وده احسن من اني أعيش واشوف نفسي في يوم زيك
يا أحلى كدبة في الدنيا وأصعب مر انا دقته
مانيش عاجز ولا مقهور ولا مرهون لأشواكك
لكن سِمِّكْ بلا ترياق
طب اعمل إيه
أعيش ليا ؟
ما انا خلصت أيامي بدور في الدروب ليلي
وحتى نهاري ما خليت
ولا لقيتك
ولا لقيت اللي كان فيا
ولد إنسان
ولد شاعر
وزي الطفل بيشابي على الكلمة
ويخطف من خيوط النور كلام في الحب واللوعة
ويكتب في الحنين شعره
ويهرب من ضلام ليله
دا تاه مني
خلاص قلبي بقى تايه
وانا في الضلمة بتطوح
بقيت سكران
وشارب خمرتك سِمِّين
سم يهيج الذكرى
وسم يقطع الشريان

الشاعر الاخ محمود عبد الله

عرفت رأي بقصيدتك الرائعة هذه ..وهنا أؤكد ذلك

ومرحبا ً بك ..

احترامي

ميــــــــنا

العزيز الاستاذ محمود سلامة
جميلة وممتعة قصيدك وإلى مزيد من الإبداع

السلامة المبدع..

وقلتي لي معاك لو هي مش وياك
ولو تفضل معاك هابقى ومش فايتاك
وضميتي إيديا فـ حضن إحساسك
وحسيتي أنين قلبي
وشوفتيني فـ حنين عيني
وقلت اني هاعيش ليك


لحظة الاحساس الصادق/ لحظة الشعور الرائد

هذا ما لامسته في نصك

دمت بخير
محبتي لك
جوتيار

الشاعر الاخ محمود عبد الله
عرفت رأي بقصيدتك الرائعة هذه ..وهنا أؤكد ذلك
ومرحبا ً بك ..
احترامي
ميــــــــنا

رأيك دوما يا مينا محل اهتمام
وهو شهادة ووسام
شكرا لك
مودتي

العزيز الاستاذ محمود سلامة
جميلة وممتعة قصيدك وإلى مزيد من الإبداع

شكرا لك أستاذنا غازي
حبي وتحياتي

السلامة المبدع..
وقلتي لي معاك لو هي مش وياك
ولو تفضل معاك هابقى ومش فايتاك
وضميتي إيديا فـ حضن إحساسك
وحسيتي أنين قلبي
وشوفتيني فـ حنين عيني
وقلت اني هاعيش ليك
لحظة الاحساس الصادق/ لحظة الشعور الرائد
هذا ما لامسته في نصك
دمت بخير
محبتي لك
جوتيار

الأستاذ جوتيار تمر
تحية من الله طيبة .... وبعد
أراك قد وصلت لما بلغته في قصيدتي
الأكيد أنك شخص مرهف الحس جميل المشاعر