شخبطوا كل الورق
شخبطوا كل الورق
ولعوا كل القماش
صرخوا واملو الشوارع
واهتفوا ما الظلم طاش....!!
مهما قولنا ومهما عيدنا
مهما قطعنا ف ورييدنا
ما اليهوود شاريين سكاتنا
والعرب باعوا بَّلاش
الشعوب آخريتها هيصة
وفرولهم كام قلم
ومظاهرة جامدة أو عويصة
وفرولهم كام علم
واخلو الساحات الفاضية دايما للقماش اللي اتحرق
ولا عشان الأمن يسرق ما سرق
دا الجرح لما بيبقى جامد ياعرب ما بيتنساش
واحنا مش ناسيين جراحنا أو عذابنا
دا العروق فايرة ف جسدنا
واللي قولنا هيحتوينا ما احتواش
قوِّم العالم علينا وسكتونا غصب عنا
أصل لسة لحم أطفالنا في غزة ما استواش
واحنا ياما كلنا لحم اخواتنا ني
والنتانة ف إننا دافنينه حي
واللي يحفر يوم لأخوه
دوره في الوقعة اللي جي
مهما طالت ياعرب بيكم سنينكم
مهما بعتم أرضنا الغالية ببلاش
الف شكر لصمتكوا العالي قوي
ياللي صدعتوا دماغنا بالسكات
واسمعوني ألف مرة ياعرب
وامسحوا عنكوا السبات
اللي هيموت مش بطل
البطل هوا اللي عاش
اللي هيموت مش بطل البطل هوا اللي عاش
رد مع اقتباس