أحدث المشاركات
صفحة 1 من 2 12 الأخيرةالأخيرة
النتائج 1 إلى 10 من 12

الموضوع: ((فاهمين غلط)).. شعر/ مصطفى الجزار

  1. #1
    الصورة الرمزية مصطفى الجزار شاعر
    تاريخ التسجيل : Dec 2006
    الدولة : مصر.
    العمر : 46
    المشاركات : 3,077
    المواضيع : 149
    الردود : 3077
    المعدل اليومي : 0.49

    Exclamation ((فاهمين غلط)).. شعر/ مصطفى الجزار

    فاهمين غلط
    *********






    آه يا شِلّة مفترية وبلطجية وسفّاحين
    يا اللي حاكمين ع البلد دي تنظلم طول السنين
    يا اللي حاكمين البلد دي بالطبنجة ونجمتين
    يا اللي فاكرين مصر تورتة
    انت خَرْطة وهوا.. خَرْطة
    واما اقولّك: مين سيادَتك؟
    فجأة تتبعتر كرامتي..
    فاعرف ان الباشا.. شُرطة!
    شُرطة ايه اللي تخلي شعبنا..
    يكره بلادُه؟
    شُرطة ايه اللي تهين الأبّ وتعذّب وِلادُه؟
    شرطة ايه اللي تقولَّك:
    إحنا أسياد العبيد
    واللي ما يبوسشي إيدينا..
    اعتقال.. أو قطع إيد
    ؟
    يا سيادَتك.. يا جنابَك
    افتكر ساعة حسابك
    مش حساب الآخرة بَس
    لأ وبرضُه حسابي ليك
    مش هترعبني النجوم المفتريّة فوق كِتافَك
    مش هاخافَك
    النجوم دي عَقد بيني وبين ضميرَك
    لو تصونُه.. يبقى كتَّر ألف خيرَك
    لو تخونُه..
    يبقى ما تلومنيش إذا قررت انحّيك من حمايتي..
    واني اكلِّف حدّ غيرَك
    ...
    يا سيادَتك
    نفسي مَرة تفهموا دوركو الحقيقي
    تفهم اني مش عدوَّك
    وانّ من حقّي عليك..
    إني احسّ انك شقيقي
    يا رجال الأمن..
    نفسي أحس بالأمن اما اشوفكم
    مش مجرد إني اعدّي ع الكمين.. يلبسني خوفكم
    بابقى عارف إني مش مشبوه..
    ولا فوق راسي بطحة
    وان كل مواقفي.. واضحة
    بس عيني لما شافت..
    -يا جنابَك-
    رشوة بتزيِّن وَجاهتَك..
    الوطن شَكّ ف نزاهتَك
    الوطن شَكّ ف أمانة كل واحد قال آمين
    واما شاف الخط واصل م اللوا لحدّ الـ... أمين!
    باقي مين؟؟
    يا رجال الأمن..
    عارف..
    إنكم..
    مش كلّكم فاهمين غلط
    بعضكم إنسان حقيقي..
    بس مُعظمكم........ نُقَط!
    والكرامة..
    عمرها ما بتقبل الحل الوسط
    ...
    اللي فات.. مؤلم أكيد
    بس هنسيبُه يعدّي
    واللي جاي..
    مشهد جديد
    فافهموا معنى البلد دي
    افهموا..
    إيه معنى مصر
    ********
    مصطفى الجزار
    6/3/2011


  2. #2
    الصورة الرمزية مازن لبابيدي شاعر
    هيئة تحرير المجلة

    تاريخ التسجيل : Mar 2008
    الدولة : أبو ظبي
    العمر : 64
    المشاركات : 8,888
    المواضيع : 157
    الردود : 8888
    المعدل اليومي : 1.52

    افتراضي

    رائعة رائعة رائعة

    أخي مصطفى ، عطر الله أنفاسك
    كلام ينفح صدقا وإحساسا في الصميم .

    أكيد ... إخواني في العامية سيثبتونها
    أطيب تحية وتقدير
    يا شام إني والأقدار مبرمة /// ما لي سواك قبيل الموت منقلب

  3. #3
    الصورة الرمزية الطنطاوي الحسيني شاعر
    في رحمة الله

    تاريخ التسجيل : Jun 2007
    المشاركات : 10,902
    المواضيع : 538
    الردود : 10902
    المعدل اليومي : 1.78

    افتراضي

    اللي فات.. مؤلم أكيد
    بس هنسيبُه يعدّي
    واللي جاي..
    مشهد جديد
    فافهموا معنى البلد دي
    افهموا..
    إيه معنى مصر


    اخي الحبيب الشاعر الباهر الوطني الرائع مصطفى الجزار
    القصيدة تعالج معالجة ابية رائعة لشلة الحرامية والبلطجية
    وكما قال د مازن و امر
    القصيدة للتثبيت ابداعا وتقديرا ومناصرة ومعايشة

  4. #4
    شاعرة
    تاريخ التسجيل : Jan 2010
    الدولة : على أرض العروبة
    المشاركات : 34,923
    المواضيع : 293
    الردود : 34923
    المعدل اليومي : 6.76

    افتراضي

    ساحر شاعر ومميز
    تنهمر حروفك عبقة منمقة متالقة
    وصورك توثق لواع عاشته البهية عقودا من العذاب

    قصيدة رائعة

    دمت بألق
    تستطيع أن ترى الصورة بحجمها الطبيعي بعد الضغط عليها

  5. #5
    الصورة الرمزية مصطفى السنجاري شاعر
    تاريخ التسجيل : Oct 2008
    الدولة : العراق/ نينوى/ سنجار
    المشاركات : 4,670
    المواضيع : 165
    الردود : 4670
    المعدل اليومي : 0.83

    افتراضي

    بهية ثورة حروفك بالعامية

    أيها الشاعر الجميل

    أنا مدين لك أيها الجزار الرقيق

    دمت سامقا كعهدي بك

    تحياتي
    أُحِبُّكّـ فَوقَ حُـبِّ الذّاتِ حَتّـــــى
    كأنّ اللهَ لَمْ يَخلقْ ســـــواكـ

    مصطفى السنجاري

  6. #6
    الصورة الرمزية إكرام مجاور قلم مشارك
    تاريخ التسجيل : Jan 2011
    الدولة : مصر
    العمر : 46
    المشاركات : 165
    المواضيع : 34
    الردود : 165
    المعدل اليومي : 0.03

    افتراضي

    شاعرنا القدير
    السحر عنوان قلمك فاعذرني إذا عجز البنان بما عجز عنه البيان في التعبير عن مدى إعجابي بكلماتك الرائعه التي هي ((زخيرة أحرف ملأي بألغام الأدب)) لك كل تحياتي وتقديري لقلمك العظيم ولي عظيم الشرف أن أكون من متابعي كتاباتك الرائعة
    دمت بكامل الألق ودام لنا قلمك المميز بسحره الأخاذ
    وافر تحياتي وجل احترامي
    أخوك إكرام مجاور

  7. #7
    الصورة الرمزية إيمان نور قلم نشيط
    تاريخ التسجيل : Mar 2011
    المشاركات : 604
    المواضيع : 27
    الردود : 604
    المعدل اليومي : 0.13

    افتراضي

    السلام عليكم ورحمة الله وبركاته

    شاعر النور سيد الألق مصطفى الجزار

    متربع انت بلا منازع فوق عرش الإبداع

    كلماتك ثوره منفرده اعلنها قلبك وقلمك

    فاغرقت وطنا باكمله نقاء ومصداقيه وشفافيه ورقي

    لله درك من شاعر

    تقبل مروري

    تحياتي وتقديري

  8. #8
    الصورة الرمزية آمال المصري عضو الإدارة العليا
    أمينة سر الإدارة
    أديبة

    تاريخ التسجيل : Jul 2008
    الدولة : Egypt
    المشاركات : 23,786
    المواضيع : 391
    الردود : 23786
    المعدل اليومي : 4.16

    افتراضي

    أجزم أن القصيدة وحدها ثورة كاملة عارمة تفجرت من الأحاسيس الوطنية لشاعرنا الكبير الجزار
    يعجز الحرف والقلم حتى عن الرد
    فاسمح لي بالانصراف وشهادتي مجروحة
    انحناءة تبجيل لسمو القصيد
    ولكم جل التقدير
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  9. #9
    الصورة الرمزية أحمد محسن الحديدي شاعر
    تاريخ التسجيل : Oct 2007
    الدولة : المنصورة - مصر
    المشاركات : 237
    المواضيع : 22
    الردود : 237
    المعدل اليومي : 0.04

    افتراضي

    اقتباس المشاركة الأصلية كتبت بواسطة مصطفى الجزار مشاهدة المشاركة
    فاهمين غلط
    *********






    آه يا شِلّة مفترية وبلطجية وسفّاحين
    يا اللي حاكمين ع البلد دي تنظلم طول السنين
    يا اللي حاكمين البلد دي بالطبنجة ونجمتين
    يا اللي فاكرين مصر تورتة
    انت خَرْطة وهوا.. خَرْطة
    واما اقولّك: مين سيادَتك؟
    فجأة تتبعتر كرامتي..
    فاعرف ان الباشا.. شُرطة!
    شُرطة ايه اللي تخلي شعبنا..
    يكره بلادُه؟
    شُرطة ايه اللي تهين الأبّ وتعذّب وِلادُه؟
    شرطة ايه اللي تقولَّك:
    إحنا أسياد العبيد
    واللي ما يبوسشي إيدينا..
    اعتقال.. أو قطع إيد
    ؟
    يا سيادَتك.. يا جنابَك
    افتكر ساعة حسابك
    مش حساب الآخرة بَس
    لأ وبرضُه حسابي ليك
    مش هترعبني النجوم المفتريّة فوق كِتافَك
    مش هاخافَك
    النجوم دي عَقد بيني وبين ضميرَك
    لو تصونُه.. يبقى كتَّر ألف خيرَك
    لو تخونُه..
    يبقى ما تلومنيش إذا قررت انحّيك من حمايتي..
    واني اكلِّف حدّ غيرَك
    ...
    يا سيادَتك
    نفسي مَرة تفهموا دوركو الحقيقي
    تفهم اني مش عدوَّك
    وانّ من حقّي عليك..
    إني احسّ انك شقيقي
    يا رجال الأمن..
    نفسي أحس بالأمن اما اشوفكم
    مش مجرد إني اعدّي ع الكمين.. يلبسني خوفكم
    بابقى عارف إني مش مشبوه..
    ولا فوق راسي بطحة
    وان كل مواقفي.. واضحة
    بس عيني لما شافت..
    -يا جنابَك-
    رشوة بتزيِّن وَجاهتَك..
    الوطن شَكّ ف نزاهتَك
    الوطن شَكّ ف أمانة كل واحد قال آمين
    واما شاف الخط واصل م اللوا لحدّ الـ... أمين!
    باقي مين؟؟
    يا رجال الأمن..
    عارف..
    إنكم..
    مش كلّكم فاهمين غلط
    بعضكم إنسان حقيقي..
    بس مُعظمكم........ نُقَط!
    والكرامة..
    عمرها ما بتقبل الحل الوسط
    ...
    اللي فات.. مؤلم أكيد
    بس هنسيبُه يعدّي
    واللي جاي..
    مشهد جديد
    فافهموا معنى البلد دي
    افهموا..
    إيه معنى مصر
    ********
    مصطفى الجزار
    6/3/2011

    نصك جميل قوي يااستاذي
    عجبني فيه قوي الطابع الغنائي والانتقال بسلاسة من قافية لقافية
    واللعب بالجناس التام اللي انت عملته في كلمة " آمين"
    بس لما قلت " مش حساب الخرة بس لا كمان وحسابي ليك " أنا شايف أنه ماينفعشي تحط حساب الأخرة جنب الحساب بتاعك باعتبار ان مافيش وجه مقارنة وطبعا حرف العطف - وحضرتك أستاذي في اللغة - يفيد المشاركة ، ولو كان ضروري قوي وجود الاتنين في وقت واحد فانا شايف ان ممكن تعكسه عشان تدي معنى الترتيب ؛ يعني حسابي الأول وبعدين حساب الآخرة ، وهذا أوقع أثرا في النفس ؛ لأن حساب الآخرة عظيم.
    كل التهنئة والتقدير على نصك الرائع .

  10. #10
    الصورة الرمزية محسن البدراوى شاعر عامية
    تاريخ التسجيل : May 2011
    المشاركات : 960
    المواضيع : 81
    الردود : 960
    المعدل اليومي : 0.20

    افتراضي

    قصيدتك ثوره بمعنى الكلمه
    انتهى عصر الاستبداد والخضوع والخشوع والتلفيق والاهانه
    ورجعنا الى عصر مساندة البلطجية والقتل امام اعينهم ولا يحركوا ساكن
    واضح يا صديقى العزيز انك محتاج تكتب الف نص وتقوم الف ثورة علشان يفهموا انهم غلط
    نص شعرى بديع
    تحيتى
    وبالتوفيق
    حاولت ان اخدع الحياه وأعيش كما تريد نفسى
    لاكن خدعتنى نفسى وعشت كما تريد الحياه

صفحة 1 من 2 12 الأخيرةالأخيرة

المواضيع المتشابهه

  1. ضربوا المربوط..... شعر/ مصطفى الجزار
    بواسطة مصطفى الجزار في المنتدى أَدَبُ العَامِيَّة العَرَبِيَّةِ
    مشاركات: 55
    آخر مشاركة: 17-08-2012, 12:44 AM
  2. تهنئة أمريكية.... بعيد الأضحى..!!! شعر/ مصطفى الجزار
    بواسطة مصطفى الجزار في المنتدى فِي مِحْرَابِ الشِّعْرِ
    مشاركات: 51
    آخر مشاركة: 05-11-2011, 10:02 PM
  3. الوطن الحَجَريّ...... شِعر/ مصطفى الجزار
    بواسطة مصطفى الجزار في المنتدى فِي مِحْرَابِ الشِّعْرِ
    مشاركات: 56
    آخر مشاركة: 12-03-2010, 07:22 AM
  4. إنْ تنصروا الله... شِعر/ مصطفى الجزار
    بواسطة مصطفى الجزار في المنتدى فِي مِحْرَابِ الشِّعْرِ
    مشاركات: 26
    آخر مشاركة: 12-09-2008, 02:57 AM
  5. (( القنبلة الموقوتة ))... شعر/ مصطفى الجزار
    بواسطة مصطفى الجزار في المنتدى فِي مِحْرَابِ الشِّعْرِ
    مشاركات: 32
    آخر مشاركة: 08-04-2007, 04:44 PM