ملتقى رابطة الواحة الثقافية
ملتقى رابطة الواحة الثقافية
التسجيل مدونات الأعضاء روابط إدارية مشاركات اليوم التعليمـــات البحث مشاركات اليوم اجعل كافة الأقسام مقروءة
Loading...
نرحب بكل حر كريم من أبناء الأمة ينتسب لهذا الصرح الكبير شرط أن يلتزم ضوابط الواحة وأهمها التسجيل باسمه الصريح ***** لن يتم تفعيل أي تسجيل باسم مستعار ولهذا وجب التنويه ***** نوجه عناية الجميع إلى ضرورة الالتزام بعدم نشر أكثر من موضوع واحد في قسم معين يوميا ، وكذلك عدم رفع أكثر من موضوعين لنفس العضو في الصفحة الأولى لأي قسم ***** كما يرجى التفاعل المثمر مع جميع مواضيع الملتقى والتركيز على رقي الطرح وسمو المضامين ********************************************************************************************************************************************************************************************************************************************************************
الواحة صرح الأدب الأرقى فحافظوا عليه
التسامح [ الكاتب : ياسر المعبوش - المشارك : ياسر المعبوش - ]       »     ماذا فعل الشيخ ابن باز عندما نسي قراءة الفاتحة في ركعة ... [ الكاتب : أبوأحمد الخثعمي - المشارك : أبوأحمد الخثعمي - ]       »     درس الحبيب [ الكاتب : نزهان الكنعاني - المشارك : نزهان الكنعاني - ]       »     مــلامـــح بـاهــتـــة [ الكاتب : عصام فقيري - المشارك : أحمد العكيدي - ]       »     قصة اليتيمة [ الكاتب : هائل سعيد الصرمي - المشارك : أحمد العكيدي - ]       »     كبْرياء العطش [ الكاتب : خالد صبر سالم - المشارك : خالد صبر سالم - ]       »     العاقبة [ الكاتب : خالد صبر سالم - المشارك : خالد صبر سالم - ]       »     بين الهدى والردى [ الكاتب : رياض شلال المحمدي - المشارك : خالد صبر سالم - ]       »     كفّي الصدود [ الكاتب : تفالي عبدالحي - المشارك : خالد صبر سالم - ]       »     ما بين العربية والرياضيات [ الكاتب : ميسر العقاد - المشارك : ميسر العقاد - ]       »     ****************************************************************************************************************************************************************************************************************************************************
العودة   ملتقى رابطة الواحة الثقافية > فُنُونُ الإِبْدَاعِ الأَدَبِي > فُنُونٌ أَدَبِيَّةٌ أُخْرَى > أَدَبُ الطِّفْلِ (لأطفالنا نحكي)

حكايت ستو

أَدَبُ الطِّفْلِ (لأطفالنا نحكي)

يرجى من الأعضاء الالتزام بما يلي
1- عدم انكفاء العضو على مشاركاته ونصوصه والتفاعل المثمر مع جميع مواضيع الأعضاء والتركيز على رقي الطرح وسمو المضامين.
2- عدم إغراق الصفحة الأولى للقسم بمواضيع عضو بذاته ولا يسمح للعضو يوميا إلا بنشر موضوع واحد في القسم ورفع اثنين من مواضيعه كحد أقصى.
3- نحن هنا نلتقي لنرتقي بتفاعل كريم بعيدا عن النرجسية والأنانية والتقوقع ومعا نكون أقدر وأظهر فطوبى لكريم وتبا للئيم.
إضافة رد
 
أدوات الموضوع ابحث في الموضوع أنواع عرض الموضوع
قديم 29-02-2012, 10:51 PM   #1
حكايت ستو


حكايات ستو

مسرحية اطفال من فصل واحد
تاليف/صادق ابراهيم صادق

المنظر

شرفة منزل تضل على مجرى النيل وامام الشرفة حديقة ناحية الشمال مرجيحة اطفال وناحية اليمين مقاعد مختلفة والحديقة تطل على نهر النيل




احمد --- خدونى معاكم انا وياكم هاتوا ايديكم



الجميع : تاخد أيدينا

احمد : أيوة أيديكم

محمد : لا يا سي احمد أحسن حاجة خذ حظاظة

احمد . اخذ حظاظة ولا بزازة ( ينزل إلى الحديقة )

الجميع : ( يضحكون )

احمد : شايفة يا ستو شوفوا محمد وشوفي أصحابه

ستو : ادوك حظاظة .. حاجة جميلة حاجة لطيفة .. يلا يا احمد العب معاهم واضحك وياهم
دنتو يا ولاد ختو أجازة
( استعراض الأجازة )

ستو : يا ياولاد راجعتوني لأيام زمان .. زمن الضحك والعب والجري والدنيا فاضيه وجميلة من زمان أوي يا ولاد مجربتش الجري ده اتفضلو اقعدوا

فهد : الرياضة مفيدة جدا يا ستو ... وخصوصا على النيل والهوا العليل بتاع النيل إلي يشفي ويهدي الأعصاب

ستو : طبعا يا فهد طول عمري بلعب رياضة ... محافظة على صحتي بالمشي على شط النيل واشم الهوى العليل وأشوف الخضرة الجميلة .. هه أيام .. بقى راحت دلوقتي

محمد : هي إيه إلي راحت دنتي ياستو ست الكل

احمد : ياسلام على الكلام ( يرشهم بالماء )

فهد : أش هذا يا احمد .. حافظ على المية .. المية عندنا النقطة أغلى من نقطة البترول

احمد : ( يضخك ) إحنا عندنا كتير بقى بنغرق بيها الشوارع ونرش قدام الدكاكين ونفتح
الخراطيم ونسبها تغرق الجنينة علشان الناس متقعدش .. إيه المشكلة بقى

فهد :أحفظة على المية خلو بلكم من كل نقطة المية هي الحياة مش للإنسان بس لكن لكل الكائنات مش علشان عندكم النيل تبزرو فيها

أمنية : عندك حق يا فهد .. افهم يا احمد وبطل لعب بالمياه

احمد : نعم يا أختي دنتي بتلعبي معايا بالمية ولا مش فاكره

أمنية : أنا يا احمد الله يسامحك

محمد : احمد ده متعب خالص يا ستو

احمد : أيه يا سي محمد

محمد : إيه في إيه

ستو : اسكت يا احمد محمد بيقول الحقيقة

أمنية : أقول لستو أقول هيية

ستو : قولي يا أمنية أنتي مخبية حاجة

أمنية : ايوة يا ستو احمد أمبارح فضل المية على حوض الورد بتاعك لحد مغرقو

احمد : والله يا ستو كنت بسقي الورد ... يعني ده جزائي

ستو : كده برده يا احمد تغرق الورد

هناء : كمان في حاجة ثانية يا ستو

احمد : أنتي كمان يا هناء كلكم عليا ولا إيه

هناء : لازم أقول لستو ... والله يا ستو لما بيد خل الحمام بيملا البانيو على الأخر ويغرق الدنيا

ستو : شوف يا احمد .. أنا عارفة انك شقي ومدلع لكن مش معنا كده انك تسوق فيها فهد لسه قيلك نقطة المية عندهم أغلى من البترول مش كده ولا إيه

فهد : فعلا يا ستو فعلا ... إحنا بنوفر المية علشان الشرب والزرع والضرع

احمد : ايوة يا فالح علشان المية عندكم قليلة ... لكن عندنا المية كتيرة

سليمان : إيه يا احمد الكلام ده هو علشان المية عندنا كتيرة نبزر .... يا أخي المبذرين إخوان الشياطين

احمد : إيه عبقر ينو نطق يا رجالة ... يا عم هي نقصاك

رشا : يا احمد كلام سليمان صح .. أنا قريت في الأخبار إن المية هتنقص على مستوى العالم

عبير : ونفس الدراسات يا ستو بتقول إن الحرب إلي جاية هي حرب المية

محمد : وعشان كده يا احمد لازم تغير من سلوكك السيئ في استخدام المية

عادل : لازم تفهم يا احمد إن المية سر الحياة ولا يمكن لأي كائن أن يعيش من غيرها

احمد : كله واحد فيكم عامل فيها عبقري .... وانتو دمغكم ضاربة

ستو : إيه الألفاظ البذيئة دي يا ولد .... احترم أخواتك وأصحابك

احمد : اعمل إيه بس يا ستو كل واحد فيهم عامل أبو العريف

فهد : الكلام العلمي يا احمد ميعرفش أبو العريف ... حافظو على المية بدل الندم بعد كده

ستو : لازم تفهموا أن النيل أعزب نهر في العالم بيجري في ارض مصر يسقي زرعها ويروي أهلها وضرعها ... قدسه المصريون واحترموه ... وحافظو عليه لأنه مصدر الحياة

رشا : فعلا يا ستو كان يقدموا له الهدايا والقرابين

احمد : إيه رائيك يا أمنية نرميكي قربانا للنيل علشان نخلص منك

أمنية : وليه منرمكش انته

احمد : علشان أنا راجل وقربان النيل لازم يكون بنت

فهد : أنا مستعد يا جماعة لو النيل عندنا ... اهديلة أغلى القرابين .. افهم يا احمد

احمد : إيه يا فهد ... دنت صحبي وابن خالتي متخليش العوازل يفرحوا فينا

فهد : لا والله يا احمد أنا بتكلم جد ... فاكر لما رحنا رحلت القناطر الخيرية شوفنا إيه

احمد : شوفنا إيه مشفناش حاجة غريبة يا عني

فهد : ليه ؟ مشفتش الست إلي كانت بتغسل غسيلها على شط النيل

رشا : والمواسير إلي جاية من المصانع بترمي مخلفتها في النيل

عبير : والي عنده قطة ماتت بطة ماتت وزه ماتت

احمد : البقاء لله هيا وزه ماتت

عادل : أنت بتهزر يا احمد ... صحيح كله بيرمي في النيل حتى بيحمو الحمير في النيل

ستو : مسكين النيل بيدينا الحياة وأحنى نديلو الموت

احمد : طيب منا كنت معاكم ومشفتش حاجة

محمد : منت مشفتش علشان كنت بتاكل وبترمي فضلاتك في النيل

سليمان : وديما إلي يعمل حاجة وحشة يفتكر إن الناس زيه

احمد : ايوة يا عبقر ينو سكت سكت وطلعتنا بحكمة

هناء : العقل زينة ويرتنا كلنا زى سليمان .... إذا كان الكلام من فضة يبقى السكوت من دهب

ستو : بس يا ولاد السكوت عن الحق بيبقاش من دهب

الجميع : الله عليكي يا ستو أدي الحكمة ولا بلاش

محمد : مش هنسكت

أمنية : يعني هنعمل إيه

محمد : لازم يكون في حل

سليمان : لازم نفكر أزاي نحافظ على النيل من التلوث

رشا : بس أنا عندي فكرة

الجميع : إيه يا ترى الحقي قولي بسرعة

رشا : فكرة لإنقاذ النيل من الظلم الواقع عليه

ستو : الله ينور عليكي يا رشا .. قولي إيه الفكرة

رشا : نروح الميدان ونعتصم

الجميع : ميدان ميدان إيه

رشا : ميدان التحرير

سليمان : اهو ده الكلام الصح ... مش هيجيب حق النيل إلا الميدان

عادل : صحيح انتو نسيتو إن الميدان جاب حقوق ناس كتير

هناء : وضيع ناس كتير

ستو : الله الله ربنا يحميكم يا ولاد إيه الفكر الجميل ده ... ألا ليت الشباب يعود يوما
محمد : انتو الأصل يا ستو

احمد : بطلوا قرع بقى ... عاو زين مصروف من ستو ثاني

أمنية : يا غلاستك يا احمد

سليمان : إلي ملوش كبير يشتري كبير

الجميع : المهم نعمل إيه

ستو : ايوة كده .. نقعد ونفكر ... نعمل إيه علشان نجيب حق النيل

فهد : أنا عندي فكرة

رشا : وأنا عندي فكرة

عبير : كلنا عندنا أفكار

محمد : مش مهم كلنا عندنا أفكار المهم ننفذ الأفكار

ستو : طب اقعدوا ونطرح الأفكار ونتحاور ونشوف إيه الصح

احمد : ديمقراطية يعني ... موت يا حمار

سليمان : مش عاو زين عناصر هدامة إلي يقعد معانا يكون معانا

احمد : تقصد مين يا عبقر ينو زمانك

سليمان : كل واحد عارف نفسه

أمنية : بلاش المناقشات الجانبية إلي بضيع الوقت

ستو : كلا جميل ... قولي يا رشا فكرتك إيه

رشا : شكرا يا ستو ... أنا فكرتي نعمل جماعة ونسميها جماعة المحافظة على نقطة المية

احمد : يا حلاوة هنحافظ على النيل نقطة نقطة

سليمان : أول الغيث قطرة

فهد : معظم النار من مستصغر الشرر

عادل : الجماعة أفضل من الواحد
هناء : محدش يقدر يكسر الحزمة

محمد : هو ده الكلام

احمد : الله الله العبقرينو انتشر يا رجالة

ستو : طول عمرك متعب يا احمد مفيش فايدة فيك ... لتشترك معانا في حماية النيل يتنقطنا بسكاتك

احمد : سكتنا ورونا بقى هتعملو إيه

رشا : نعمل إعلانات ومجلات حائط نشرح أهادف الجماعة

فهد : نعمل لوحات إرشادية وصور عن السلبيات والسلوك السيئ إلي بيضر النيل

عادل : أنا برسم كويس هعمل شعار للجماعة يتعلق على صدر أفراد الجماعة

محمد : نعمل اتصال بالمساجد والكنائس ونعلن في الميكروفونات على أهمية المحافظة على نقطة المية

هناء وننشر الوعي بين الأطفال أصحابنا وقريبنا وأهلنا والمشاركة في المحافظة على نقطة المية

عبير : ونوعي الناس في البيوت والشوارع والمصانع وفي كل مكان علشان يرشدوا استهلاك المية

سليمان : ونعمل مجموعتا مراقبة تراقب مصارف المية

احمد : والله انتو شاغلين نفسكم على الفاضي

ستو : اسكت يا احمد أنا بقولك بلاش خيابة

احمد : أنا خايب ... أنا هسبهلكم وهمشي

رشا : خرج المشاغب الغلس ... نكمل وبعدين

احمد : حد بينادي

ستو : امشي يا سلبي اخرج بره ... أنا سعيدة جدا بأفكاركم الجميلة لحماية النيل المهم لازم تعرفوا إن مش إحنا لوحدنا إلي بنستفيد من النيل انتو عارفين كام دولة بتتقاسم معانا في مية النيل

محمد : بتتقاسم معانا ؟ .. كام دولة يا عني
ستو : تسع دول بتشاركنا المية وعشان كده الدولة عملت مشروعات زى خزان أسوان والسد العالي ومفيض تشكي علشان نحافظ على نصيب مصر وترشيد الاستهلاك

هناء : والري كمان يا ستو أتحول من ري الغمر بالمية للري بالتنقيط والري بالرش

عادل : وإصلاح القناطر على مستوى الجمهورية لعدالة التوزيع

فهد : يعني افهم من كده إن معندكوش مصادر مية غير النيل

أمنية : مصادر المية عندنا كتير .. عندنا المياه الجوفية ومياه الأمطار ولو أن الأمطار عندنا مش زى عندكم

فهد : يا ريت النيل ده يبقى عندنا

سليمان : بعينك يا فهد دي مصر هبة النيل والي يشرب من ميته لازم يرجع ليها ثاني

فهد : صح الكلام أمال أنا باجي ليه كل سنة

ستو : المهم يا ولاد من كل المشروعات دي بنوفر 50% من مية النيل

محمد : يا ريت الدولة تعمل لينا مشروعات نزود بيها دخلنا من المية بدل الزنقة وحرب المية

رشا : نرفع مطالبنا ونطلب .. عمل أبار للمياه الجوفية وخزانات للمياه الجوفية وخزانات نجمع فيها مياه الأمطار

فهد : زى عندنا إحنا بنعمل كدا بس لو النيل عندنا

عادل : عندنا عندنا ... احسدونا بقى على النيل

فهد : أنا مش فصدي والله ... إحنا كلنا بنتمنا الخير لمصر ولشعب مصر

عبير : عارفين شعورك يا فهد

هناء : لما نروح الميدان هنعمل إيه ؟

سليمان : هنعمل هنعرض مطالبنا وإحنا لينا سقف مطالب

ستو : الله ينور عليك يا سليمان بس اسمعوا يا ولاد اطلبوا مطالبكم بأدب

محمد : طبعا يا ستو طبعا دي مصر بلد الحضارة

احمد : ( داخلا ) يارب تكونوا اتفقتو بدل ما تتفقوا على أن تختلفوا

سليمان : ده كان زمان دلوقتي النظام غير النظام وكلمتنا بقت واحدة

احمد : لسه برضه عبقرينو

أمنية : أتكلم أنت معانا ولا مش معانا

احمد : والله بفكر

أمنية : فكر برحتك

ستو : اكتبوا المطالب .. اكتب يا محمد

محمد : حاضر يا ستو .. هات يا سليمان الورق والقلم ( يبدأ في الكتابة )

عادل : نعالج ونحلي مياه الأمطار

هناء معالجة مياه الصرف الصحي واستخدمها للري

رشا : حفر الآبار وتعمير تشكي وشرق العوينات وتعمير سيناء

عبير : محاكمة كل واحد ببيبزر في الرش قدام بيته أو دكانه

سليمان : محاكمة كل واحد بيغسل عربيته من مياه النيل

احمد : موت يا حمار مين هيحاسب مين يا عم صلي على النبي

ستو : إيه يا احمد أنت لسه مغمي عينيك ومش شايف التغير

احمد : تغير إيه يا ستو الحال هو الحال انتم إلي عايشين الوهم

فهد : يا خسارة يا احمد مكنتش فاكر انك سلبي بالشكل ده ... دحنا عندنا فرحنا أخر فرح للتغير

محمد : سيبك منه يا فهد بكره يفهم

أمنية : المهم لازم نعمل حاجة لتفعيل الكلام إلي إحنا اتفقنا عليه

رشا : الوقت بيجري ولازم نكسبه

عبير : إيه ده انتو سامعين إلي أنا سمعاه

عادل : زى ما يكون زلزال

فهد : ما هو زلزال .. ده صوت نواح وبكى حزين
هناء : لا لا ده صوت مظاهرة

سليمان : ده صوت الحزن

احمد : حزن إيه يا عبقرينو ... إحنا في عزا ولا إيه

محمد : دنت يا احمد حاجة صعبة خالص لا بتشارك في السراء ولا في الضراء نقطنا بسكاتك

إظلام

ستو : استنو يا ولاد .. مين جاي هناك

النيل : اشكي لمين بلوتي . من أهلي وخلاني

أديلهم خيري وميتي يزيدو أحزاني

بحبهم وعلتي غيرهم مفيش ثاني

ساكن أنا قلبهم وساكنين في وجداني

اشكي لمين بلوتي

أمنية : أنت مين

الجميع : أنت مين

النيل : أنا النيل

احمد : إيه مالك يا نيل زعلان ليه .... ومالك متبهدل كده

النيل : أنت بزات مش عاوز أتكلم معاك أنت وإلي زيك

احمد : ليه بقى يا نيل .... دنا بحبك خالص .... وديما بلعب على شواطئك

النيل : بتلعب بس .... يا ريت .... عمال تبزر في ميتي وتلوث سمعتي وترموا فضالتكم في وشي وجاي تقولي زعلان ليه

ستو : ربنا يحميك يا سر الحياة ... دنت هبة بلادنا وروح ولادنا

محمد : متزعلش منا يا نيل

أمنية : إحنا عملنا جامعية لرعاية حقوق النيل

رشا : وهنبدأ إنشاء الله في حمايتك يا نيل

النيل : أشكركم على مجهود اتكم أنا جاي من مسافة كبيرة أوي أوي ومريت على ناس كتير أوي أوي ناس بتحافظ عليا وترحب بيا وناس مش واخدة بلها مني وناس بترميني بحاجات وحشة خالص

هناء : حقك علينا يا نيل

النيل : حقي .. عند مين ولا مين

فهد : إحنا بنيجي هنا أنا وأصدقائي علشان نشرب من ميتك ونرجع هنا ثاني

النيل : يا هلا بيك وأصحابك .. الغريب إن انتم عارفين إمتى وغيركم لا

ستو : قمتك محفوظة يا نيل وهتشوف الجيل الجديد هيعمل إيه .. مخلاص الغمة راحت والعقل فتح

النيل : ربنا معاكم ولازم تعرفوا إن أنا عمري مبخلت عليكم رغم كل الصعاب ولا عملتكم زى زمان أيام مكانو بيقدمو لي القرابين علشان أيام الجفاف ورغم ذلك كنت باجي بأمر الله

سليمان : مصر محفوظة بأمر الله سبحانه وتعالى

احمد : أثرت فيا قوي يا نيل

ستو : وبعدين يا احمد بعد مقصر فيك النيل

أمنية : وده بيتقصر بحاجة

محمد : كان أتقصر من زمان

فهد : إذا مكنتش ببتقصر يا احمد ... خسارة فيك انك مصري

احمد : لا إلا كده انأ مصري وأبويا مصري

هناء : طب وبعدين

رشا : اهو كلام وبس

احمد : خلاص راح وقت الكلام من إنهاردة أفعال لتحقيق الأحلام .... متزعلش يا نيل من انهاردة هتشوف احمد ثاني احمد ايجابي

النيل : وده كان أملي وعشمي لأني عارف كويس انه وقت الشدة بيبان معدن المصري الأصيل

ستو : رايح فين يا نيل

سليمان : رايح لناس ثانية يعلمهم أزاي يحافظوا عليه المهم إحنا هنعمل إيه

احمد: أنا معاكم في أي حاجة .... حتى لو مشيت على كل الشواطئ ألم الزبالة

محمد : كسبنا احمد والي زى احمد

أمنية : يلا بينا ننفذ ...... أهداف جمعيتنا ونرفع مطالبنا ونحافظ على نقطة المية

رشا : نقطة المية أغلى من دمي وعنيا

الجميع : نقطة المية أغلى من دمي وعنيا



المصدر: ملتقى رابطة الواحة الثقافية - القسم: أَدَبُ الطِّفْلِ (لأطفالنا نحكي)

 

 

 

 

 

  رد مع اقتباس
قديم 02-03-2012, 01:05 PM   #2


نعم النيل منحنا الحياة ونحن منحناه الموت
نص هادف أديبنا الفاضل ولكن وجدت مكانه مناسب للطفل أكثر من القصة
من حيث الأسلوب والسرد
أيضا غلبت اللهجة العامية هنا على الفصحى
وحبذا المراجعة قبل النشر لتجنب الهنات
تحاياي



المصدر: ملتقى رابطة الواحة الثقافية - القسم: أَدَبُ الطِّفْلِ (لأطفالنا نحكي)

 

 

 

 

 

التوقيع

  رد مع اقتباس
قديم 02-03-2012, 07:04 PM   #3
معلومات العضو
نائب رئيس الإدارة العليا
المديرة التنفيذية
شاعرة
الصورة الرمزية ربيحة الرفاعي


فكرة النص جميلة ومعالجته المسرحية موفقة
إنما
هل كان ليضير المسرحية كتابتها بالفصحى؟

أهلا بك أيها الكريم في واحتك

تحيتي



المصدر: ملتقى رابطة الواحة الثقافية - القسم: أَدَبُ الطِّفْلِ (لأطفالنا نحكي)

 

 

 

 

 

التوقيع

  رد مع اقتباس
إضافة رد

مواقع النشر (المفضلة)

أدوات الموضوع ابحث في الموضوع
ابحث في الموضوع:

البحث المتقدم
أنواع عرض الموضوع

الانتقال السريع




Powered by vBulletin® Version 3.8.9
Copyright ©2000 - 2017, Jelsoft Enterprises Ltd.
vBulletin Optimisation by vB Optimise.

HTML Counter
جميع الحقوق محفوظة