المساعد الشخصي الرقمي

مشاهدة النسخة كاملة : باختصار .. كانت مُظاهره



أحمد فؤاد
30-11-2005, 04:36 PM
باختصار كانت مظاهره

ألف شاب و ألف شابه بيهتفوا

سألني شاب منهم .. تحب تيجي في صفنا

قلته وماله .. بس أفهم

قالي .. عايزين حقنا

في كل شئ .. بلدنا ولينا حق فيها

مش بالدراع ولا بالمدافع و الاغتيال

الغدر مش من طبعنا

عايزين قانون يحمينا منا

يحمي أبويا و أمي وأمك

يحمي ابني و أخويا وأختك

مش ده برضه حقنا


شوفت بلدك يا اسمك إيه

تعرف تقول رأيك هنا

ألف رعب جوه منك

و ببساطه رعب ليه

مش حقك يعني تعترض

تقول عايز شقه ليا تلمني وتلم أهلي

عايز فلوس .. أعف نفسي

طب علاج من غير ما ينسوا مشرط في بطني

طب حاجه تخلص من غير روتين يذلّني

طب كيلو لحمه من غير ما استلف

شوف الدولار .. شوفه بره

مش هتلاقيه أبداً زي عندنا

أصل الدولار ده عندنا

صاحب الكبير

ولا ولا ... ولا ولا ...

لو ما اعترضتش يبقا لازم انحرف

وساعتها .. مفيش حد يقبض عليا

يقولي .. ليه


عاجبك أنت يعني الفساد ..


خلاص يا عم جاي معاكم

جاي أهو باهتف وراكم


خدتني الحماسه

" مصر مصر تحيا مصر "

" مصر أم الدنيا "

طراخ


فيها إيه ديه كمان

بتتكلم عن مصر ليه !!!


مصر ديه أم الـسياده


يا نهار أسود


وانا اللي فاكر انها أم العباد


من هنا أو من هناك


ده كان زمان


لِمّ نَفسك .. غور من هنا

ثانيه كمان و ناخدك بعيد .. عندنا



طب والشباب .. اللي هناك

الشباب ؟!!.. هما فين هما الشباب

مفيش دقيقه كانوا هنا

اختفوا .. ولا في زياره عندكم

.
.
.
.

بعد ساعه


لقتني هنا في نفس المكان

ميت وجع في كل جسمي

عملت إيه لكل ده

كل ده علشان مظاهره للسلام ؟


عرفت يومها حقيقه غايبه

إن حقوقنا كل يوم في انهيار

وحتى صوتنا .. اعتراضنا

واخدينه بحق الاحتكار

و إن المظاهره عندنا ..

بقت في عرف الانتحار .





أحمد فؤاد

زاهية
30-11-2005, 06:16 PM
ياسلام عليك ياأخي أحمد
جميلة جداً
رغم أنها تحكي حالة خاصة
غير أنها في الزمن الصعب هذا
أصبحت حالة عامة في كل مكان
مسكين المواطن لاأدري إلى متى
سيظل مسحوقاً مسلوباً حتى الإرادة
كن بخير
أختك
بنت البحر

أسماء حرمة الله
01-12-2005, 12:38 AM
سلام الله عليك ورحمته وبركاته

تحيـة مطرّزة بالرحيق

الأخ المبدع أحمـد،

عزفـتَ على وترِ الوجع، ولكنّ شموعَ الأمل ماتزال واقفةً قربَ الشمس لتقطفَ من نورها، وسيتغير الحال بإذن الله..دمتَ لنا أيها المبدع ودامت لنا حروفك هنا وهناك زهرةَ شمس..
لكَ مني خالص التحايا والتقدير
وألف باقة من الورد والمطـر

سحر الليالي
01-12-2005, 09:57 PM
مرور لتسجيل اعجاب

اعذر قلمي أخي همس الأمل

وتقبل خالص احترامي وتقديري

أحمد فؤاد
03-12-2005, 10:18 AM
ياسلام عليك ياأخي أحمد
جميلة جداً
رغم أنها تحكي حالة خاصة
غير أنها في الزمن الصعب هذا
أصبحت حالة عامة في كل مكان
مسكين المواطن لاأدري إلى متى
سيظل مسحوقاً مسلوباً حتى الإرادة
كن بخير
أختك
بنت البحر



عزيزتي / زاهية


بالفعل حاله عامه ( في الدول العربية ) و حالة خاصه - عالمياً - ( على الدول العربية أيضاً )


و لكن يجب على المواطن ألا يغضب .. و يجب أن يتفهّم أن كل ماهو فيه ... من أجل حريّته !!!!!!!!




شكراً لمروركِ الجميل



أحمد فؤاد

أحمد فؤاد
03-12-2005, 10:21 AM
سلام الله عليك ورحمته وبركاته

تحيـة مطرّزة بالرحيق

الأخ المبدع أحمـد،

عزفـتَ على وترِ الوجع، ولكنّ شموعَ الأمل ماتزال واقفةً قربَ الشمس لتقطفَ من نورها، وسيتغير الحال بإذن الله..دمتَ لنا أيها المبدع ودامت لنا حروفك هنا وهناك زهرةَ شمس..
لكَ مني خالص التحايا والتقدير
وألف باقة من الورد والمطـر



الرائعة دائماً / أسماء


شموع الأمل ستظل موجوده مادمنا نحيا .. و لكن هل سيكون هناك ( مجرى للهواء ) كي تظل تلك الشموع مُتقدة ؟



أنا مُتفق معكِ بأن الحال سيتغيّر , و لكني لا استطيع أن أضمن لكِ إن كان الحل سيتغيّر للأفضل أم للأسوأ ؟!!

دُمتِ شفافة ..



أحمد فؤاد

أحمد فؤاد
03-12-2005, 10:22 AM
مرور لتسجيل اعجاب

اعذر قلمي أخي همس الأمل

وتقبل خالص احترامي وتقديري



الرقيقة / سحر الليالي



لكِ تحية عطِرة لمروركِ الجميل


مودتي



أحمد فؤاد