تسجيل الدخول

مشاهدة النسخة كاملة : طالق بالتلاته


د.جمال مرسي
16-12-2005, 05:01 PM
طالق


" ألقى عليها يمين الطلاق فكان ردها موجعاً "


يا خويا روح كدا و اتنيل

بلا شغل صغار

يمين تلاته على يمينك

لتشعلل نار

هو انت قادر على بيتك

لمّا تطلق

و لاّ انت عارف تتكلم

أو يوم تنطق

عاملها فولة على لسانك

ليل ويا نهار

لو روحتي لُمّك ولا اختك

ما تجيش الدار

و تكوني طالق يا وليه

و دا مش بهزار

***

و تقوم حريقه ف بيت فاطمة

و الكلمة تصبح ميت كلمة

و الشتمه متبوعه بشتمه

و تشعلل نار

و ييجي اخوها المتنرفز

و ف. ايده احجار

يضرب راجلها اللي مبوز

و يقول يا حمار

دي فاطمه ستك تاج راسك

لو كنت راجل طلقها

مش زي الفار

بتخش جحرك تتخبى

أصل انت عاوز تتربى

يا سي عب ستار

***

طبعا سي عبده ف. لحظة طيش

قال ما يهموش

رمى اليمين دوغري عليها

بعد مشانق

و احتاس يا حسره مع اولاده

مين بعد فاطمة يربيهم

مين هيرافق

قام من خيابته راح اتجوز

و بعد شهر كان اتخانق

نفس الحكاية و كررها

لحظة ضعفه

رمى يمينه على التانيه

قال لها : طالق
محمد عصام
16-12-2005, 05:54 PM
ماذا اسميه....
د/ جمال مرسى...

مسرحية ..مسلسل..فيلم..

ايا كان اسمه فهو جميل والذى كتبه اجمل..

فهى كوميديا ضاحكة...الذى كتبها ضاحك يضحك الناس ويخرجهم من همومهم

شكرا لك وعلى موضوعك سعدت بمرورى على متصفحك ودمت بصحة وسلامة.
زاهية
16-12-2005, 06:05 PM
ينشك ف عينو

راجل مايختشيش

جايز يكون واخد حتة

من ده

اللي مايتسماش

الحشيش

ونام ليلتها طب على وشو

ياشماتت العزال بيه

أيوه ياخويا أمال إيه

إنت فاكرها لعبة ولا لعبه

بعد النهارده راحه

مافيش


ارتجالة يامعلم

أختك

بنت البحر
د . حقي إسماعيل
16-12-2005, 06:06 PM
الحبيب الشاعر دكتور جمال .
تحية حلوة .
بما أنه القصيدة بالعامية فاسمح لي أن أتحدث معك بالعامية .
دكتور جمال مرسي عاشت ايدك على هذا الحجي الحلو ، شكو ماكو ؟ بعدها مشتعلة النار ببيت فاطمة ؟ لو جووي الناس يصالحوهم ويا بعض ؟ يا أخي تعبنا ياهو اليجي يطلك بالثلاثة ، تكول ماكو قيمة للزوجة ؟ ولا أكو قيمة للرجال .
غريبة من رياجيل هذا الوكت كلمة والثانية وكالوا للمرة طالك بالثلاثة .. تكول متزوج دلاعة مو مرة .
والنسوان بعد .. لسانهم هالطول على رياجيلهم .. أول مرة بفترة الخطوبة تلاكيهن أنعم من النعومة ، وبعد الزواج تشوف سنونها مثل الأسد .. كلمة والثانية من الرجال وكالتله هذي بقجة هدومك ويالا روح على ماما يا راجل . هسة نريد نعرف المرة اطلكت ولا لا ؟ والرجال وين راح ؟؟؟ يا جماعة أخونا بمصيبة ولازم نوكف وياه . يالا حياكم اللـه .
فهمت شي ؟ هذي لهجة بغدادية .
تقديري
عبلة محمد زقزوق
16-12-2005, 06:13 PM
ما هو ده حال أخينا

أنا وانت ...

كنا شهود D:


شكرا لجميل كلماتك شعرا
أليس شعراً ؟D:

أضحك الله سنك أخي الفاضل وأستاذي الكريم
د . جمــــــال مرسي
سحر الليالي
16-12-2005, 06:47 PM
أستاذي العزيز د.جمال :

كلمات موجعة جدا ،لكنها رائعة حد الثمالة

سلمت لنا ودمت رائعا

ولك خالص احترامي وودي الممزوج بباقة ياسمين
محمد سمير السحار
17-12-2005, 01:28 AM
طالق


" ألقى عليها يمين الطلاق فكان ردها موجعاً "


يا خويا روح كدا و اتنيل

بلا شغل صغار

يمين تلاته على يمينك

لتشعلل نار

هو انت قادر على بيتك

لمّا تطلق

و لاّ انت عارف تتكلم

أو يوم تنطق

عاملها فولة على لسانك

ليل ويا نهار

لو روحتي لُمّك ولا اختك

ما تجيش الدار

و تكوني طالق يا وليه

و دا مش بهزار

***

و تقوم حريقه ف بيت فاطمة

و الكلمة تصبح ميت كلمة

و الشتمه متبوعه بشتمه

و تشعلل نار

و ييجي اخوها المتنرفز

و ف. ايده احجار

يضرب راجلها اللي مبوز

و يقول يا حمار

دي فاطمه ستك تاج راسك

لو كنت راجل طلقها

مش زي الفار

بتخش جحرك تتخبى

أصل انت عاوز تتربى

يا سي عب ستار

***

طبعا سي عبده ف. لحظة طيش

قال ما يهموش

رمى اليمين دوغري عليها

بعد مشانق

و احتاس يا حسره مع اولاده

مين بعد فاطمة يربيهم

مين هيرافق

قام من خيابته راح اتجوز

و بعد شهر كان اتخانق

نفس الحكاية و كررها

لحظة ضعفه

رمى يمينه على التانيه

قال لها : طالق
أخي وأستاذي الحبيب الدكتور جمال مرسي
والله ضحكت من قلبي رغم إنها ليست المرة الأولى التي أقرأها
رائعة بحق أيها الأستاذ الرائع
مع خالص تقديري ومحبتي
أخوك
محمد سمير
صابرين الصباغ
17-12-2005, 01:58 AM
ضحكت من فم قلبي

دكتور جمال


سأكون فاطمة واتحمل....


..........................

ومش لوحدك خد العيال

ياجدار من يومه مال

يامفرح فيه العزال

لالقمة هنية ولااموال

.........................

يوم جوازك ده يوم اسود

أعاصير وسمانا بترعد

كداب قوى و ياما بتوعد

لاتفرح ولايوم بتسعد

ومش لوحدك خد العيال

........................

راح أفرق بعدك شربات

وراح اعزم زوبة ونعمات

يشوفوا ويشموا الشرابات

واللى حيسأل راح اقول مات

ومش لوحدك خد العيال

......................

أرتجال طازج لمجرد الضحك الجميل

لى عودة لو تحملت هذا الرد
د.جمال مرسي
17-12-2005, 05:44 AM
ماذا اسميه....
د/ جمال مرسى...

مسرحية ..مسلسل..فيلم..

ايا كان اسمه فهو جميل والذى كتبه اجمل..

فهى كوميديا ضاحكة...الذى كتبها ضاحك يضحك الناس ويخرجهم من همومهم

شكرا لك وعلى موضوعك سعدت بمرورى على متصفحك ودمت بصحة وسلامة.

أخي الكريم محمد عصام
أشكرك على وجودك و الحمد لله أن استطاع شعري أن يضفي الابتسامة على محياك
دمت بخير يا صاحبي
و لك الود
د. جمال
د.جمال مرسي
17-12-2005, 06:11 AM
ينشك ف عينو

راجل مايختشيش

جايز يكون واخد حتة

من ده

اللي مايتسماش

الحشيش

ونام ليلتها طب على وشو

ياشماتت العزال بيه

أيوه ياخويا أمال إيه

إنت فاكرها لعبة ولا لعبه

بعد النهارده راحه

مافيش


ارتجالة يامعلم

أختك

بنت البحر


لا خد حشيش و لا كان شافه
و لا يومها نام تحت لحافه
لكن مراته المجنونه
الست فاطمه العكنونه
صبغت حياته بلون أسود
روح هاتلي أوضه بتعريشه
لأ عاوزة خاتمين و غويشه
لأ عاوزه كابرسْ و موبايل
أركب و اعاكس و اتبغدد
ما كفايه عشت الفقر معاك
عشان موبايل بترجاك
و آخرها تفتح لي الشباك
عشان تعاكس بنت أحمد
صاحبنا مخه صبح طاقق
في كل يوم كات تتخانق
قال روحي منك للخالق
خدي شنطتك يلاّ على امك
أصلك طالق



مرتجلة أيضا يا زاهية
و أظن ان القصيدة كلها ستثير حفيظة الشعراء و الشاعرات فيأتون
ليشاركون في هذه الخناقة بين فاطكه و عب ستار


تحياتي و شكرا للباقتك و سرعة استجابتك

و تقبلي الود

د. جمال
د.جمال مرسي
17-12-2005, 06:19 AM
الحبيب الشاعر دكتور جمال .
تحية حلوة .
بما أنه القصيدة بالعامية فاسمح لي أن أتحدث معك بالعامية .
دكتور جمال مرسي عاشت ايدك على هذا الحجي الحلو ، شكو ماكو ؟ بعدها مشتعلة النار ببيت فاطمة ؟ لو جووي الناس يصالحوهم ويا بعض ؟ يا أخي تعبنا ياهو اليجي يطلك بالثلاثة ، تكول ماكو قيمة للزوجة ؟ ولا أكو قيمة للرجال .
غريبة من رياجيل هذا الوكت كلمة والثانية وكالوا للمرة طالك بالثلاثة .. تكول متزوج دلاعة مو مرة .
والنسوان بعد .. لسانهم هالطول على رياجيلهم .. أول مرة بفترة الخطوبة تلاكيهن أنعم من النعومة ، وبعد الزواج تشوف سنونها مثل الأسد .. كلمة والثانية من الرجال وكالتله هذي بقجة هدومك ويالا روح على ماما يا راجل . هسة نريد نعرف المرة اطلكت ولا لا ؟ والرجال وين راح ؟؟؟ يا جماعة أخونا بمصيبة ولازم نوكف وياه . يالا حياكم اللـه .
فهمت شي ؟ هذي لهجة بغدادية .
تقديري

طبعا لازم نوكف معاه
من شان نحن معشر الريايجيل من نحب الست العويه .. لكن نحبها تمشي على الصراط المستقيم
و حنا ما ريعنا لورا ميت سنه إلا هاي التحرر اللي يقولون عنه
ويش هو هالجوال و لا الموبايل اللي يكولون عنه
هم ما يفهمون انه ممكن يييب لهن الكافيه
اسكت يا حكي يا خو
بلا شاكو بلا ماكو
حنا احسن شيء نوكف نتفرج من بعيد لبعيد
شاكو ماكو

هههههههههههههههههههههههه
فهمت شيء ؟
انا نفسي لم أفهم ما كتبته بلهجتك
أسعد الله ايامك
و صباحك جميل

د. جمال
خوله بدر
17-12-2005, 09:02 AM
السلام عليكم ورحمة الله وبركاته .
أخي الكريم د. جمال جميلة ورائعة وتسلم على هذه الضحكة الصافية من القلب رغم مصيبة فاطمة . تذكرنا بعهد مضى وكلماتك قد حركت بالفعل المشاعر بدليل الردود السابقة لجمع طيب بكلمات أيضا جميلة .

واسمحلي بهذه الكلمات وباللهجه المصرية أرجو أن أكون قد وفقت بها :

آه يآآآآآآآآآآآآآآني .
يا جراني كده بتبهدل وف قلبي نار
منيش عارفة اللي عملته ودليلي احتار
هوّ احنا لسه اتهنينا لما يطلق
ولا عارفه ياربي إيه ذنبي لما يخانق كده ويطقطق
يا خواتي ده مش ذنبي
حاجه تزهق حاجه طهق
ده بإيده الموبيال بيعاكس في بنات الناس
وليه هألّه بنتك لما حتكبر حتتعاكس وين الإحساس
والضربة جتني ورا التانيه والدنيا اسودّت ف. عنيه
وده عقله طار
الحكايه كثير منعاده ومن قبلي طلق بزياده
والطلقه واحده ورا التانيه
وفاطمة كانت مش داريه ف. طبعه الغدار
مين يفهم مني ويتكلم ع. لساني بكلمة وتعلّم
ده عيّل تاني بالسكّة وف. حجري عيال
ودي عياله من فاطمة عيالي بيتي بينهار
ويمين واحد مافيش تاني أرجعله بفتوى ياخواتي
واعمله خادمه هنديه بس احمي نفس وولادي
من ناره وكيده اللي في قلبه حتوّلع نار
وأعصابه اشويه يهدّيها
والنار بإيده يطفّيها ويعيش الحب
لتصيبه مرّه الزغطّة ويوقع ويطب
ويمين منكم على يمينه , يحفظلي العهد ويصونه
لايعاكس عمرة ولا يخانق أو مرّة يقلّي روحي طالق
ويعنّي على غلبي بطيبته وف . لحظة ترجعله هيبته لآخر المشوار.
مع تحيات أختكم في الله خوله
إبنة الوطن الجريح .
نورا القحطاني
17-12-2005, 09:23 AM
http://framboise78.free.fr/Fleurs/bouquet4.gif

بطلنا نتجوز..!!
---
ايه يا رجـــاله
هو الطلاق عنديكو تسلايه
أمسك أعصابك انتا وهوا
حتى لو كانت مراتك رغــــــاية
عصبية
نكدية
عندية
و متعرفش المـــراية
علمها
فهمها
حبها
قولها ..
إنتي ام العيــال
إنتي الورد الميـــال
يمكن تتعدل
وحالك يتبدل
ايه ده يارجـــــاله
بطلنا....... نتجوزوكو :hat:

***

أضحك الله سنك استاذنا جمال ...شكرا لك على هذه المعزوفة الطريفة المفيده
وجميع الردود حافلة بالعبرة والطرافه
لله دركم أحبتي أهل الواحة
*
*
*

http://framboise78.free.fr/Fleurs/rosepluie.gif
تحية معطرة بعبير الورد
نــورا
عبير النحاس
17-12-2005, 09:31 AM
أضحك الله سنكم أخي الفاضل كما أضحكتمونا

رائعة بحق

لطيفة خفيفة

دمتم بألق
أحمد فؤاد
17-12-2005, 09:34 AM
عزيزي / د. جمال


كلماتك ديه بتخليني أتفائل و أحط في بطني بطيخه صيفي بما إني هأتجوز - إن شاء الله - بعد كام شهر D:

عموماً .. هأرد عليك بزجلية خفيفة


قالوا يا واد روح اتجوز

رحت قوام اشتري بدله

و أنا فرحان


قابلني صاحبي في طريقي

سألني .. رديت غنيلي

بأحلى الألحان


قالي على إيه يا حبيبي

و الله إنت ولا فاهم

إنك غلبان


بصّتله مذهول مستغرب

قالي حد يسيب راحته

و يفضل تعبان


جريت قوام على أبويا و أمي

قولت مش عايز أتجوز

و أفضل ندمان



قالولي كان غيرك أشطر

مكتوب جوازك يا حبيبي

ولو اختفيت في أي مكان




ارتجاله سريعة .. بس محدش يبلّغ عني علشان جوازتي تكمل D:



( مش ) أحمد فؤاد :007:
د.جمال مرسي
17-12-2005, 09:47 AM
ما هو ده حال أخينا

أنا وانت ...

كنا شهود D:


شكرا لجميل كلماتك شعرا
أليس شعراً ؟D:

أضحك الله سنك أخي الفاضل وأستاذي الكريم
د . جمــــــال مرسي

أختي الكريمة عبلة
بارك الله فيك و ربنا يسترها على الناس كلها
فعلا القصيدة دي واقعية و الله
كان سببها جار لنا في البيت لا يكلم زوجته إلا و يقول لها انت طالق
أو هطلقك يا وليه لو عملتي كذا أو ما عملتيش كذا
الحمد لله اني قدرت أترجم الاحساس
و اني أضفيت البسمة
دمت بخير أختي
د. جمال
د.جمال مرسي
17-12-2005, 09:50 AM
أستاذي العزيز د.جمال :

كلمات موجعة جدا ،لكنها رائعة حد الثمالة

سلمت لنا ودمت رائعا

ولك خالص احترامي وودي الممزوج بباقة ياسمين

أهلا بك يا سحر الليالي
هو واقع موجود
فيه من الطرافة و النكد ما لا يمكن فصلهما
شكرا لك على مرورك العاطر
و لك الود الخالص
د. جمال
د.جمال مرسي
17-12-2005, 06:31 PM
أخي وأستاذي الحبيب الدكتور جمال مرسي
والله ضحكت من قلبي رغم إنها ليست المرة الأولى التي أقرأها
رائعة بحق أيها الأستاذ الرائع
مع خالص تقديري ومحبتي
أخوك
محمد سمير

أخي الحبيب محمد سمير
شكرا لك و أسعدك الله دوما
دمت بخير
د. جمال
د.جمال مرسي
17-12-2005, 06:35 PM
ضحكت من فم قلبي

دكتور جمال


سأكون فاطمة واتحمل....


..........................

ومش لوحدك خد العيال

ياجدار من يومه مال

يامفرح فيه العزال

لالقمة هنية ولااموال

.........................

يوم جوازك ده يوم اسود

أعاصير وسمانا بترعد

كداب قوى و ياما بتوعد

لاتفرح ولايوم بتسعد

ومش لوحدك خد العيال

........................

راح أفرق بعدك شربات

وراح اعزم زوبة ونعمات

يشوفوا ويشموا الشرابات

واللى حيسأل راح اقول مات

ومش لوحدك خد العيال

......................

أرتجال طازج لمجرد الضحك الجميل

لى عودة لو تحملت هذا الرد


أضحك الله سنك يا صابرين
و ما أجمل ارتجالك الطازج أو حتى البايت .
أما الرد .. فهو رد شعري على أية حال فما الذي يغضبني منه
أهلا بك و عودي وقتما شئتِ
و بما أنك قبلتِ أن تكوني فاطمة يبقى خدي دي يا فطومه :


أَيمان تلاته على يميني
طالق يا فاطمه اوعي تجيني
و تقولي سامحني يا جوزي
أو ردني يا ضي عنيه

ما خلاص يا ماما اتفرقنا
هو احنا امتى اتوفقنا
مع بعض من نكدك فيّهْ .


مش ممكن اسمح برجوعك
و بلاش أفتح موضوعك
و أقول عمايلك يا رزيه

يوماتي ماسكه التليفون
تحكي لمايسه و ميسون
و فلوسي ضايعه على هدومك
موضه و بلاوي مخبيه

عشان كدا خدت قراري
و ما عدت أكتم و أدري
دوقي بعيد عني ناري
و ساعتها ترتاحي شويه

أختي الكريمة صابرين
و تظل رغم هذا الشعر الغاضب المضحك ، تظل المرأة هي الأم و الأخت و الزوجة و الابنه
و كل شيء و لا غنى لآدم عن حواء و لا لحواء عن آدم .

دمتِ بخير و سعادة

و تقبلي خالص الود

د. جمال
د.جمال مرسي
18-12-2005, 08:43 AM
السلام عليكم ورحمة الله وبركاته .
أخي الكريم د. جمال جميلة ورائعة وتسلم على هذه الضحكة الصافية من القلب رغم مصيبة فاطمة . تذكرنا بعهد مضى وكلماتك قد حركت بالفعل المشاعر بدليل الردود السابقة لجمع طيب بكلمات أيضا جميلة .

واسمحلي بهذه الكلمات وباللهجه المصرية أرجو أن أكون قد وفقت بها :

آه يآآآآآآآآآآآآآآني .
يا جراني كده بتبهدل وف قلبي نار
منيش عارفة اللي عملته ودليلي احتار
هوّ احنا لسه اتهنينا لما يطلق
ولا عارفه ياربي إيه ذنبي لما يخانق كده ويطقطق
يا خواتي ده مش ذنبي
حاجه تزهق حاجه طهق
ده بإيده الموبيال بيعاكس في بنات الناس
وليه هألّه بنتك لما حتكبر حتتعاكس وين الإحساس
والضربة جتني ورا التانيه والدنيا اسودّت ف. عنيه
وده عقله طار
الحكايه كثير منعاده ومن قبلي طلق بزياده
والطلقه واحده ورا التانيه
وفاطمة كانت مش داريه ف. طبعه الغدار
مين يفهم مني ويتكلم ع. لساني بكلمة وتعلّم
ده عيّل تاني بالسكّة وف. حجري عيال
ودي عياله من فاطمة عيالي بيتي بينهار
ويمين واحد مافيش تاني أرجعله بفتوى ياخواتي
واعمله خادمه هنديه بس احمي نفس وولادي
من ناره وكيده اللي في قلبه حتوّلع نار
وأعصابه اشويه يهدّيها
والنار بإيده يطفّيها ويعيش الحب
لتصيبه مرّه الزغطّة ويوقع ويطب
ويمين منكم على يمينه , يحفظلي العهد ويصونه
لايعاكس عمرة ولا يخانق أو مرّة يقلّي روحي طالق
ويعنّي على غلبي بطيبته وف . لحظة ترجعله هيبته لآخر المشوار.
مع تحيات أختكم في الله خوله
إبنة الوطن الجريح .


أختي الكريمة خولة بنت بدر
أسعد الله صباحك
و ما أسعدني بك و بهذه الكلمات التي أتقنتِ صياغتها باللهجة المصرية
و وفقتِ فيها كثيرا
شكرا لك شاعرتنا الرائعة و أهلا بك دوما
يبدو أن الشعر المصري سيجذب إليه مبدعي الواحة
فأهلا بالجميع
د. جمال
د\أسماء علي
18-12-2005, 09:03 AM
الأخ العزيز..د\جمال مرسي...

كلمات جميلة و خفيفة وواقعية...

و أشعلت الردود أيضا..

قال بيقولي طالق...
اسم الله عليك...
يحرسك من لسانك الزالف..
كل يوم تاعبني...
أيامي معاك مر و حنظل..
واسكت و عيشتي تتمرر..
وانت مابتحسش...
فاكر المرجلة بالزعيق...
لا اصحى وفوق...
ده لساني يمحيك..

(بأحاول أشارك بس معلش لو دون المستوى )
د.جمال مرسي
18-12-2005, 09:27 AM
http://framboise78.free.fr/Fleurs/bouquet4.gif

بطلنا نتجوز..!!
---
ايه يا رجـــاله
هو الطلاق عنديكو تسلايه
أمسك أعصابك انتا وهوا
حتى لو كانت مراتك رغــــــاية
عصبية
نكدية
عندية
و متعرفش المـــراية
علمها
فهمها
حبها
قولها ..
إنتي ام العيــال
إنتي الورد الميـــال
يمكن تتعدل
وحالك يتبدل
ايه ده يارجـــــاله
بطلنا....... نتجوزوكو :hat:

***

أضحك الله سنك استاذنا جمال ...شكرا لك على هذه المعزوفة الطريفة المفيده
وجميع الردود حافلة بالعبرة والطرافه
لله دركم أحبتي أهل الواحة
*
*
*

http://framboise78.free.fr/Fleurs/rosepluie.gif
تحية معطرة بعبير الورد
نــورا


أهلا بك أختي الكريمة نورا
أراكِ ما شاء الله جاريتي القصيدة بأدع ما يكون
ألم أقل في رد سابق أن الشعرء سيتوافدون ليكتبوا بلهجتنا المصرية المحبوبة
كلماتك جميلة و حانقة على الرجل لكن معلش
الله يسامح عب ستار
هو السبب في الثورة دي علينا
دمت بخير أختاه
و بارك الله بشعرك و شعورك
د. جمال
سحر الليالي
18-12-2005, 11:25 AM
مرور لتسجيل الاعجاب على المشاركات الجميلة

شكرا لك أستاذي د.جمال،وشكرا لكل من شاركوا بروائعهمD:

لكم جمييعا خالص ودي ومحبتي :001:
د.جمال مرسي
18-12-2005, 05:40 PM
أضحك الله سنكم أخي الفاضل كما أضحكتمونا

رائعة بحق

لطيفة خفيفة

دمتم بألق

أهلا بك أخت عبير النحاس
شرفتي الصفحة و أنا سعيد بسعادتك
دمت بخير
د. جمال
د . حقي إسماعيل
18-12-2005, 06:21 PM
طبعا لازم نوكف معاه
من شان نحن معشر الريايجيل من نحب الست العويه .. لكن نحبها تمشي على الصراط المستقيم
و حنا ما ريعنا لورا ميت سنه إلا هاي التحرر اللي يقولون عنه
ويش هو هالجوال و لا الموبايل اللي يكولون عنه
هم ما يفهمون انه ممكن يييب لهن الكافيه
اسكت يا حكي يا خو
بلا شاكو بلا ماكو
حنا احسن شيء نوكف نتفرج من بعيد لبعيد
شاكو ماكو

هههههههههههههههههههههههه
فهمت شيء ؟
انا نفسي لم أفهم ما كتبته بلهجتك
أسعد الله ايامك
و صباحك جميل

د. جمال

الحبيب دكتور جمال .
تحية مودة .
أمتعني ردك ، وجعلني أضحك كثيرا ، ملحوظة وحدة أنا استعملت لهجة بغدادية ، وحضرتك استعملت لهجة عراقية وخليجية وفارسية ... تحياتي .
العنقاء
18-12-2005, 08:24 PM
إيه ده ده ده ؟؟

إيه ده ده ده ؟؟

الله الله الله

الله الله الله الله

استهدوا بالله ياخوانّا
" إن أبغض الحلال عند الله الطلاق "





نقرأ الفاتحة على بركة الله ،، خير البرّ عاجلو
:noc:
د.جمال مرسي
19-12-2005, 07:05 AM
عزيزي / د. جمال


كلماتك ديه بتخليني أتفائل و أحط في بطني بطيخه صيفي بما إني هأتجوز - إن شاء الله - بعد كام شهر D:

عموماً .. هأرد عليك بزجلية خفيفة


قالوا يا واد روح اتجوز

رحت قوام اشتري بدله

و أنا فرحان


قابلني صاحبي في طريقي

سألني .. رديت غنيلي

بأحلى الألحان


قالي على إيه يا حبيبي

و الله إنت ولا فاهم

إنك غلبان


بصّتله مذهول مستغرب

قالي حد يسيب راحته

و يفضل تعبان


جريت قوام على أبويا و أمي

قولت مش عايز أتجوز

و أفضل ندمان



قالولي كان غيرك أشطر

مكتوب جوازك يا حبيبي

ولو اختفيت في أي مكان




ارتجاله سريعة .. بس محدش يبلّغ عني علشان جوازتي تكمل D:



( مش ) أحمد فؤاد :007:


يا سيدي يا سيدي
طبعا لازم تكون ارتجالية خفيفة و جميلة .. مش أحمد باشا فؤاد
و بما انك هتتجوز بعد كام شهر يبقى اوعى تنسانا و لازم تعزمنا في الفرح
و لك عليا لو كنت في مصر ساعتها أحلى قصيدة من قلبي
تقبل ودي
و شكرا لك يا بو حميد
و ألف ألف مبروك الزواج
د. جمال
أحمد فؤاد
22-12-2005, 03:55 PM
يا سيدي يا سيدي
طبعا لازم تكون ارتجالية خفيفة و جميلة .. مش أحمد باشا فؤاد
و بما انك هتتجوز بعد كام شهر يبقى اوعى تنسانا و لازم تعزمنا في الفرح
و لك عليا لو كنت في مصر ساعتها أحلى قصيدة من قلبي
تقبل ودي
و شكرا لك يا بو حميد
و ألف ألف مبروك الزواج
د. جمال



D: D:


أيوة أنا حاسس إن فيه زحمة أحمد فؤاد في التاريخ D:


أحمد فؤاد حسن .. و أحمد فؤاد نجم .. و أحمد باشا فؤاد


يا راجل ده يوم ما كنت في امتحان رخصة القيادة لقيت الراجل اللي كان قبلي في الدور اسمه أحمد فؤاد .*!!! :003:


و شكراً لمُجاملتك على كلماتي المُتواضعة.


إن شاء الله هأحاول أعزمكم في كتب الكتاب , و الله يبارك فيك .


و لك مني كل التحية :hat:


أحمد فؤاد
د.جمال مرسي
22-12-2005, 05:47 PM
تصور يا أحمد .. و بصدق بقولك
لي ابن خالة اسمه أحمد فؤاد
أه و الله
أحمد فؤاد
22-12-2005, 05:56 PM
:007::007::007::007:


:009::009::009:



إنتو كلكوا عليّا ولا إيه ...



مش بقولك التاريخ مزحوم أوي بالاسم ده , أنا خايف أخلف واد يطلع اسمه أحمد فؤاد برضه D: D: