تعالى شارك ما تهابشي

[د.جمال مرسي]

تعالى شارك ما تخافشي


زجل بقلم د. جمال مرسي


تعالى يللا و ما تكشّش= نحاكم المستر بُشبُش
كتابه أسود متعبّي=تُهَمْ كتيرْ ، قول ما تعدش
و الصمت في الدنيا مكمم=أفواه بشر ما بتتعلم
إن الحقوق ما بترجعشي=لو كنت في الدنيا مطنش
***
تعالى و ارمي الخوف جنبكْ=قول كلمتكْ ، جمِّد قلبكْ
تموت شريف موتهْ أبيهْ=يا تعيش جبان ، مين هيحبك ؟
و ان كنت خايف تتألم=يبقى انت عاوز تترمم
لو شفت كام مليون مسلم=قتلوه ، هتنطق ما تكشش
***
شوف العراق شوف أحوالها=نهبوا كنوزها و أموالها
و بدعم مجلس مش أمني=أمريكا تعمل ما بدالها
هجمت عليها ف. يوم أشأم=تقتلْ و تسجنْ و تهدّم
و بعد تدميرها تقولك :=ما حصلش حاجهْ، وما يهمش
***
تقاريرنا كانت مغلوطه=و المعلومات مش مظبوطه
و الاعتذار موضة قديمه=أيام حمكشه و فطوطه
أصل العراق قاسي و مجرم= لو ملِّكوه راح يتحكم
علشان كدا لما نبيدهم=نعمل سلام حلو مزركش
***
ديموقراطيهْ و عاوزينها=و خلافها راح يطلع عينها
و مرشحين هندعمهم=عشان مصالح حاسبينها
و ان مات كذا مليون منهم=دول مسلمين لو نحرقهم
تمشي الأمور غصبن عنهم=و الغرب ياكل و يكرّش
***
يا شعب حكمك على قراقوش=اللي اتفرد و لا لملمتوش
انصب ميزانكْ ، ايه تاني=كان من جرايمه ما جربتوش
عاوزين قانون عادل يحكم=على أبرههْ الحبشي الأشرم
اللي بجيوشو و أفيالو=زاد افترا و عالكون كوّش
***
أنا مش باطالب غير بالعدل=لكل شايب ، بنت و طفل
و حقوق شعوبنا تعود ليها= و بلاش ميزان الكون يختل
و ساعتها نقدر نتبسم=و نقول لبوش خطط و ارسم
خلاص شعوبنا ما بتخافشي=و لا من كلامك تتهوّش


و دمتم

[سلطان السبهان]

د . جمال

هنا أقرأك شاعرا مختلفا

فتمكنك من زمام القافية الملتوية جعلني أكبِر فيك هذه القدرة


دمت شاعرا

[خالد الحمد]

جميل ياأبارامي

دائما مبدع في كل لون وفن

بس حلوة أوي قولك:

و الغـرب ياكـل و يكـرّش:sb:

ياعم جمال الغرب يعمل واحنا اللي كرّشنا:sb:

دمت سامقا باسقا

[عبلة محمد زقزوق]

فصحى ولا عاميه ...!!!
يا عمونا ...
أكل الرز
غير أكل ...
المهلبية ...!!!
ده بوش بوش
بتاع المرون ...
جلاسيه
لو تعرفه تبقى وصلت
لسر الفانتوم
وما يتخفش عليك .

مع كل إحترامي ، لكلمات سيادتكم أخي الفاضل د . جمال مرسي
فلا فوض فوك بالفصحى او العامية رائع .



ولكن كما يقال القافية حكمت ، وتشاورت ونفسي ، فقالت تطمئنني : القول واضح وصريح بتعالى شارك ومتخافشي .

[د. سلطان الحريري]

رائع في كل ما تكتب يا صاحبي
جعلتني أغير رأيي الذي تعرفه ، وهأنذا أدمن قراءة مثل هذه القصائد الرائعة..
دم رائعا يا أبا رامي

[عبلة محمد زقزوق]

000000كل إحترامي وتقديري
لروائع شعرك إستاذي الفاضل د . جمــــــــــال مرسي

ولكني أعود لأدق على نفس العود معك

المسلمين قامت قامت
ملعون أبو الذل الصامت
كبر على المدنة يا خالد
فكرة سلامنا خلاص نامت
هب الغضب بركان طايح
وكل عربي لسان صايح
ينده على الزعما ويقول
دم الشهيد ده لفين رايح ...!!!

[د.جمال مرسي]

د . جمال

هنا أقرأك شاعرا مختلفا

فتمكنك من زمام القافية الملتوية جعلني أكبِر فيك هذه القدرة


دمت شاعرا

أخي الحبيب سلطان
أحاول أن أضع قدما على طريق
و لعلني أفلح
دمت بخير
و شكرا لك
د. جمال

[د.جمال مرسي]

جميل ياأبارامي

دائما مبدع في كل لون وفن

بس حلوة أوي قولك:

و الغـرب ياكـل و يكـرّش:sb:

ياعم جمال الغرب يعمل واحنا اللي كرّشنا:sb:

دمت سامقا باسقا

يا بحر الشوق الجميل
الجماعة دول بيكرشوا فلوس و احنا بنكرش بطون
لكن المحصلة ان نهايتها كرش
و انت عارف ان الكرش الابيض ينفع في البيت الابيض
ههههههههههههههه
نهارك عسلي

[د.جمال مرسي]

فصحى ولا عاميه ...!!!
يا عمونا ...
أكل الرز
غير أكل ...
المهلبية ...!!!
ده بوش بوش
بتاع المرون ...
جلاسيه
لو تعرفه تبقى وصلت
لسر الفانتوم
وما يتخفش عليك .

مع كل إحترامي ، لكلمات سيادتكم أخي الفاضل د . جمال مرسي
فلا فوض فوك بالفصحى او العامية رائع .



ولكن كما يقال القافية حكمت ، وتشاورت ونفسي ، فقالت تطمئنني : القول واضح وصريح بتعالى شارك ومتخافشي .

يا عبله ما تنسيش انك ( حسب كتاب الطهي لأبله فكيهه ) لو صحنتي الرز هيبقى نشا
و من النشا هتعملي المهلبية
يعني مفيش فرق بين المرونج لاسيه و البطاطس
نهارك أبيض متوسط
دمت بخير
د. جمال

[د.جمال مرسي]

رائع في كل ما تكتب يا صاحبي
جعلتني أغير رأيي الذي تعرفه ، وهأنذا أدمن قراءة مثل هذه القصائد الرائعة..
دم رائعا يا أبا رامي

و كأني أرى ذلك أستاذي
فعلى ما يبدو أنني و زملائي في العامية بدأنا نسحب رجلك لها
لا بأس لا بأس
شويه كده و شويه كده
و على ما يبدو أيضا و كما قال لي السيد أكيشي أني سأراك تكتب قصيدة عامية قريبا
لتكون هنا لست زائرا فقط
بل شاعرا أيضا
صباحك وردي

[د. فوزى أبو دنيا]

دمت بالق ابى رامى
بشوق اليك
تحياتى

[أحمد حسن محمد]

بالله عليك لتقول تاني
دِ قصيدة حلوة وعاجباني
ياللي فْ كلامك فكهاني
فاكهة كلامك ما تعدش

نفسي أقول ان انا عاشق
صوت نبضك الهادي الصادق
صبّح عليّ بْنور رايق
من يومها والصبح ما روّحش

[وفاء شوكت خضر]

الدكتور الأديب الملعلع / جمال مرسي .

نورت الواحة بوجودك
وكلامك السكر دايب
في قلوبنا يللي
كنت عننا غايب
يا أهلا ومليون مرحب
احنا جينا فيك انرحب
لقيناك بتقول ما اتخافشي
يا عربي إصحى وما تكتمشي
قول وإعمل ما اتهابشي
بوش وغيره لا بد يمشي
والدنيا دي ما باتدمشي
وكل من فيها حيمشي
خلي الجهاد حسن ختامك
ومع الشهيد يبقا مقامك
دا الذل صعب ما ينطاقشي
انفض عنك خنوعك
وقول لأ وافرد طولك
تعال معيا وما تخافشي

استاذنا الكبير / د . جمال مرسي .
مرحبا بك و عودا ميمونا .
أثرت فينا الحماس جزاك الله كل الخير ، اعذرني فلست ممن يتقنون الشعر الموزون ، ولكني لبيت الدعوة بسرور .

تحياتي ومحبتي .

[علاء عيسى]

بس المهم الناس ساكتة = زعماؤنا ماتوا بالسكتة
الكل خايف ع الكرسى = ليضيع ويقعد ع " الشلتة "
ناسى ان بكره الدور جاي له = ولا يوم هاتشفع له عمايله
بشبش يبصبص ويخايله = يرميله لقمة يقول كشكش
د. جمال
راقت لى كلماتك
وأسلوب نسجها
قلت لنفسى
شارك ماتخافشى
دمت مبدعا
فى كل المجالات