مريم العموري
15-01-2006, 02:47 AM
شو ما تْوَدّي الأرض بْنحمِِلْ عالعينُ وعالرَّاسْ
ما بنفلِّتْ حبِّةْ نسمهْ، انْدفّيها فْ لِحْســاسْ
ولو غِنِّيوة بْنفرَح فيها
لو ريشةْ طير انخبِّيها
نِفرَحْ لحظةْ مَ نْلاقيها...لو فَاخـرْ أنفــاسْ
***
روحي يا غيمه وهاتيلي..من ميّةْ عِمــْوَاسْ*
هَفَّتْ روحي لَرْوابيها..وللــوردِ الميّــاس
وللهُدهُدْ فوق النُّوَّارْ
وللشحرور وللوِروَارْ
وللمرعى وصوت المزمارْ...واللّحنِ الحسّاس
***
ماشي والرمل امْحَوّطْني...حامي وما بِنْـداسْ
بحرو غْمارْ وموجو سْوارْ ,ورياحـو حُـرّاسْ
بَتْوَنَّسْ في الغيمه وبَسْرَحْ
ما في للّي زيّي مَطـرَحْ
خلّيها في قلبي تِجرَحْ.. ولا تِطلعْ للنّــاسْ
***
حْوَال ودنيا وقهرُ وعتمه وبُنيانِ بْلا سْـاسْ
وعالم مَ بْيتحمَّل بعضو..فِ فْعالوا مِحتاسْ
ظـنِّ الأرض اللي يخَطِّيها
صارت أرضو ويُحكُم فيها
رحْ يتْمَرْمَرْ من تاليها...ويشرب نفس الكاسْ
***
في جُوَّاتي أطهر فكـره.. وفي كفّـي نِبراس
وحبِّ ايلفِّ الدنيا ويزرع فيها أحلى غْـراسْ
واسقيها من مَيّةْ قلبي
ما حَيِّدْ لو طوَّل دربي
رَسْمَالي إيماني وحُبّي...أغلى مْنِ الألمـاسْ
مريم العموري
____________
تودّي: ترسل
فاخر: في آخر
عمواس: قرية قضاء مدينة القدس
غمار: هائج
سوار: أسوار
حامي: ساخن
ساس: أساس
يتمرمر: يذوق المُرّ
ما حيّد: لا أحيد
ما بنفلِّتْ حبِّةْ نسمهْ، انْدفّيها فْ لِحْســاسْ
ولو غِنِّيوة بْنفرَح فيها
لو ريشةْ طير انخبِّيها
نِفرَحْ لحظةْ مَ نْلاقيها...لو فَاخـرْ أنفــاسْ
***
روحي يا غيمه وهاتيلي..من ميّةْ عِمــْوَاسْ*
هَفَّتْ روحي لَرْوابيها..وللــوردِ الميّــاس
وللهُدهُدْ فوق النُّوَّارْ
وللشحرور وللوِروَارْ
وللمرعى وصوت المزمارْ...واللّحنِ الحسّاس
***
ماشي والرمل امْحَوّطْني...حامي وما بِنْـداسْ
بحرو غْمارْ وموجو سْوارْ ,ورياحـو حُـرّاسْ
بَتْوَنَّسْ في الغيمه وبَسْرَحْ
ما في للّي زيّي مَطـرَحْ
خلّيها في قلبي تِجرَحْ.. ولا تِطلعْ للنّــاسْ
***
حْوَال ودنيا وقهرُ وعتمه وبُنيانِ بْلا سْـاسْ
وعالم مَ بْيتحمَّل بعضو..فِ فْعالوا مِحتاسْ
ظـنِّ الأرض اللي يخَطِّيها
صارت أرضو ويُحكُم فيها
رحْ يتْمَرْمَرْ من تاليها...ويشرب نفس الكاسْ
***
في جُوَّاتي أطهر فكـره.. وفي كفّـي نِبراس
وحبِّ ايلفِّ الدنيا ويزرع فيها أحلى غْـراسْ
واسقيها من مَيّةْ قلبي
ما حَيِّدْ لو طوَّل دربي
رَسْمَالي إيماني وحُبّي...أغلى مْنِ الألمـاسْ
مريم العموري
____________
تودّي: ترسل
فاخر: في آخر
عمواس: قرية قضاء مدينة القدس
غمار: هائج
سوار: أسوار
حامي: ساخن
ساس: أساس
يتمرمر: يذوق المُرّ
ما حيّد: لا أحيد