المخلوووووووووووووووووع

[د.جمال مرسي]

كتب صديقنا الشاعر المبدع د. أحمد فنديس القصيدة التالية
فكتبت ردي عليه بعدها . و من هنا أناشد الدكتور أحمد فنديس
أن يشرف المنتدى المفتوح عشان يشرب معانا واحد شاي و يمتعنا بكام قصيدة حلوة .

مخلوع (1)
شعر د. أحمد فنديس
مهداة لكل رجل قبل أن تعكنن
عليه زوجته و0000000تخلعه
وقفت والورقة بيديها
تتشمت في الزوج المخلوع

قالت يا زوجى جا يومك
وحياتك لتموت م الجوع

أهى جاتنى الفرصة عشان اسيبك
واتجوز حنفى النعنوع

دا حنفنف راجل بيهلب
وبيكسب ألف ف أسبوع

تمنعنى انى أسافر برّه
مين قال لك سفرى ممنوع

اتفضل ورينى شطارتك
دلوقتى سفرى مشروع

موش خدت اللى دفعتو لمهرى
بالبلغة يا شلبى يا جربوع
----


فكان ردي عليه بهذه الكلمات :

مخلوع (2)

د. جمال مرسي

شلبي اللهلوب راجلْ مجدع
و لا خاف من صوتها السرسوع

ولا همّو كلامها المتموّع
و لا شبشب ايدها المرفوع

ولا هزت شعرو بتهديدها
و لا نزلت من عينو دموع

قاللها و اللهِ ان ما سكتي
لاتجوّز عشره ف. اسبوع

و لا أرضى ف. يوم يكتبوا عني
إن انا شلوبه المخلوع

الراجل راح يفضل راجلْ
و احسن لك سكي الموضوع


تحياتي و دمتم

و ربنا يجعل كلامنا خفيف على أخواتنا المتواجدات في الواحة دلوقتي


كل عام و الجميع بخير


د. جمال مرسي

[خالد الحمد]

ههههههههههههههههههههههههه هه

أضحك الله سنك يادجمال:011:

وربنا يستر أبارامي يارب جيب العواقب سليمةd:

دمت مرحا ومبدعا

[عبلة محمد زقزوق]

D:D:D:
ههههههههه
رائع الرد أخي الفاضل د . جمال مرسي

الراجل راح يفضل راجلْ
و احسن لك سكي الموضوع

بارك الله لنا في رجالنا ، وفي ورقة العصمة التي يملكون يمينها .:0014:
أحسنت رائع الصوت بجميل القول .
لا فوض فوك أخي الفاضل .:NJ: