إلى مصريتي

[د. فوزى أبو دنيا]

:os: :tree: :os:
عودك هزيل
ولونك شاحب ياما
توبك مقطع ليه
وصوتك نحيب ياغالية
وف عيونك دمعة ليه
مين إلى هانت علية
يغسل بدمعك توبه
يغسل بدمعك أيديه
مين إلى كبل ايديا
معر فتش امسح دموعك
مين إلى مزق توبى
وتوبى كان منديلك
مين الى حابس دمعى
دا دمعى كان دوا عينك
صوتك نحيب ياغالية
والدمع ملو العين
**** **** ****
سجانا ياما الزمن ولا دا ولدك
ليه هنتي ياما عليه
وليه رضى ذلك
مش قادر ينطق لساني
حزنان على حزنك
عروستى كاتب كتابك
ومش قادر افرح بك
وانا امى جوه الزنا زن
حبسوها يوم فرحك
علشان لا تفرحي بى
ولا انا افرح بك
علشان لانتى تكون بى
ولا انا اكون بك
قصو ضفايرك قيود وكبلو امى
وألوان بيبان البيوت
رسموها من دمى
صوتك نحيب ياعروستى
والدمع مالي العين
**********
قيد الخطاوى قيدوه فيا
لانا قادر اخطي لك
ولا انتى قادرة تخطى ليا
بينى وبينك لون ضى النهار
وحاسس كان الخطاوى
بينى وبينك طوال
عايش بحس الليالى
كئيبة ملانه انكسار
كلام الغناوى على لسانى
حاسس بطعمه مرار
وارغولى صوت أنغامه
مكسورة ع الأوتار
صوته مليان نحيب
والدمع مالي العين
**** **** ****
شعرك دا ولا
دا يبقى حبل مشنقة عشماوي
شايب
وشايخ
ومليان جفاف
لون عيونك دبلنين
مقهورين
حتى لون شكلك حزين
شكل الملامح فى العيون تايهين
لانا عارف دا كان الخد
ولا دا كان الجبين
وانتى الى خدك كان شهد فى شكل الرمان
وانتى الى كانت شفايفك
ورود بلا دبلان
فين الصبا راح فين
قتلوه حفنة سنين
ومين يصدق مين
ان السنين دى كلها
عدت عليكى كانها
لمحة
او ليلة
او بالكتير يوم
ازاى شوية سنين
تقدر تخلى الصبا
يضيع فى حبة سنين
صوتك نحيب ياغالية
والدمع مالي العين
**** **** **** ****
د فوزى ابودنيا :014:
:noc:

[د.جمال مرسي]

يا بني .. أنا اللي الزمن
منقوش على وشي
حافر قناية شجن
و على الخدود يمشي
بص لسنين عدت
على القلب و اقراها
هتشوف تاريخ الألم
كاتباه أنا برمشي



بسم الله ما شاء الله
نمسك الخشب يا دكتور على هذه الابداعات الجميلة المتكررة
تقبل تحياتي و مداعباتي
أخوكم د. جمال

[خالد الحمد]

رائع وجميل وبديع

سلمت لمن تحب


د جمال أول ما شاءالله لاقوة إلا بالله
وسيب الخشبة عنّك D:d:

[نسيبة بنت كعب]

شعرك دا ولا
دا يبقى حبل مشنقة عشماوي
شايب
وشايخ
ومليان جفاف
لون عيونك دبلنين
مقهورين
حتى لون شكلك حزين
شكل الملامح فى العيون تايهين
لانا عارف دا كان الخد
ولا دا كان الجبين
وانتى الى خدك كان شهد فى شكل الرمان
وانتى الى كانت شفايفك
ورود بلا دبلان
فين الصبا راح فين
قتلوه حفنة سنين
ومين يصدق مين
ان السنين دى كلها
عدت عليكى كانها
لمحة
او ليلة
او بالكتير يوم
ازاى شوية سنين
تقدر تخلى الصبا
يضيع فى حبة سنين

رااائع جدا يا فتى مصر

فعلا اثبت انك فتى مصر بصحيح

هنيئا لمصريتك بعبقريتك


تحياتى

[محمد عصام]

حياك الله لعبقريتك.

[د. فوزى أبو دنيا]

:tree: :os: :tree:

وتاة منى الكلام
لما دخلت الواحة
ولقيت الزهور الوان
اشى بنفسج مالهش فى الدبلان
واشى زاهى بيرقص على الاغصان
وبحر من شوق بيجرى كمان
كلة امال وحنان
وبنت كعب نسيبة
شايلة ابتسامة جنان

:0014: :0014: :0014:
اشكركم ... اشكركم.. اشكركم
واشكر لكم مروركم

:014:

:008:

:noc:

[د. فوزى أبو دنيا]

:os: :tree: :os:
اشكرك على مرورك
هذا شرف لى
د. فوزى ابو دنيا
:0014:
:noc: